JEREMIAH 15:19 - Cho Bible Common Language 2016

¹⁹ Cun ci ngäta Bawipa naw, “Nang na law ba ah a kyak ung kei naw ka ning la ba khai, nang cu kei ah changshäm ah na kya ba khai. A kholä ah ng’thu nak vaisü ung bä ciah thu na ng’shäu vaisü ung nang cu kei ah prophet ah na kya ba khai süte. Chang gui cu nang ah law ba khai gui, ngami ah nang na hteh vai kä hlü ci.

JEREMIAH 15:19 Referans Kwoze

ZEKHARIAH 3:7

Bawipa ah ng’thu am thein cu, “Ka thukhän läk ne ka ning täkphan cu na bi ah a kyak ung, nang cu ka Taigüim la ka mang kiang uk ciah na kya gäk gäk khai. Ka ma ah om ciah khanchang gui ah taigü ka ngaih ah mäih ah nang ah taigü cu ka ngai khai.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

TAIGÜTHUM 10:10

Nang naw na ng’thumcha vai cu Khanpughi ah a khäm la mang hmün vai ah ng’lakmah nak, theingcim ci la kä theingcim ci gui ah ng’lakmah nak gui ah kyak ci.

EZEKIEL 44:23

“Taigü gui naw ka chang gui cu, theingcim ci la kä theingcim ci, theingthap ci la ka theingcim ciah ng’lakmah nak cu ami m’thei thang vai.

EZEKIEL 22:26

Taigü gui naw ka thukhän cu m’shet u ne, a theingcim cu kä kyih aa ci gui. Ngami naw theingcim ci la kä theingcim cicu kä m’khoi chak ci gui. Ngami naw theithang ci gui, kyiin hnüüp cu nawng ci gui. Ak hnu ah Israel chang gui naw kei cu kä na chang m’sui ci gui.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

KALATIAN 1:10

Cun ah ka pyein cu chang naw a na k’bääi vai ah ka pyein ah kya ne ang? Cun ah kä kyak ci, Kei ah ng’yak hlü cu Khanpughi ah nak bääi vai bäng ah kyak ci. Kei cu chang ah na chang m’sui vai ah ka k’tha nak ciah kya ne ang? Cun ah ka k’tha nak ciah a kyak ung kei cu Bawi Khrit ah changshäm ah kä ka kyak khai.

HEBRU 5:14

Guh ciah buh ei cicu ang vai pyi ah kyak ci, khritha ak ni ak she bui aut ne m’khoi chaa thei pyi ciah kyak ci.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

PHYAWN NAK 4:12

Tuhbäi hteit ä! Kei naw na ng’thu thei vai ah ka ning m’htei khai nei, a i cha ah na ng’thu vai ka ning m’thein khai nei.

EZEKIEL 2:7

Kei naw kei na m’thein gui vai ah ka ning m’thein phung cu, kä ami ngaih ung phi ami ngaih ung phi na m’thein gui vai. Ngami ai hlawkah ami küknet cu na shüm vai nei.

LUKA 12:12

Nangmi a i chaa ah nami ng’thu vai cu, acun yah ung Mumcha Theing naw ning m’thein law gui khai” cine pyen na gui ci.

LUKA 1:19

Khankho chang naw, “Kei cu Khanpughi ah ma ah ng’düi ciah Kabriel nei; shin ah ng’Thu Ni nang-am ka ning m’thein khai ah Khanpughi naw ana tüih law nei.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

KALATIAN 2:5

Cun ung phi ng’Thu Ni ah düng nak cu nangmi ah hmawk ah a khän nak vai ah, ngami cu api ah phi a khin kä kami pe gui ci nei.

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

NG'THU K'THUUK~ 22:29

Bii akni ah bik cicu na m’hnuh vä, Ghangpughang ah chang gui ung päipih ci lani pi ciah ta, bä pi cicu ka ning m’hnuh gui khai nei.

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

2 KORIN 5:16

Cun ah kyasei keimi naw chang ah m’hnüt nak awn, a u kä kami m’khoi cha ba ci. Yanä keimi naw, Bawi Khrih cu chang ah m’hnüt nak awn kami m’khoichaa man ung phi, tuhbäi cun ah kä kami kya ba ci.

JONAH 3:2

Ani naw, “Nineveh mang gaw ah na hteh vai, ka ning pek ah thuni cu chang gui ah ng’lung ah na shäu vai “ci ne kyak nak ci.

JEREMIAH 4:1

Bawipa naw pyen ci, “Israel chang gui, nami ng’hlah law ba hlü ah a kyak ung, kei ah ng’hlat law ba vä. Nangmi cu kei ung bekhüt ne, kei naw ka thüi nak ah a gup gui nami plon ah a kyak ung,

JEREMIAH 6:29

Meibum cu cang ne ng’ling aih pang sei phi m’si cu tui ne kä long hlawt ci. Kei ah ka chang gui m’cimm hlam gui cu akholä ah kyak ci, a i ah kyasei ci ung shekhak ciah chang gui cu kä k’täm gui hlawt ah phäh ah kyak ci.

JEREMIAH 35:19

Cunah kyasei kei m’gäi ciah Bawipa, Israel khanpughi naw shaitak ka bi cu Rechab ah hta Jonadab ah htangshon ung angtäi sei kei ah bii bik khai pami ah ng’shon khai.”

NG’ÄI KYAH 1:11

Ani ah chang gui cu ami ei vai shui ne ng’hlo ng’ei ci gui. Ngami naw ami m’küm khawh gui cu ami hnun ami m’ghin nak vai ah ei awn m’thawng ci gui. Bawipa na teng ä, ka m’lung ah natnak cu na hmuh pe ä, “ci ne mang gaw gui cu kyap ci gui.

TAIGÜTHUM 14:57

Shin ah thukhän gui naw, a i yah ung kä theingthap ci, a i yah ung theingthap lawk ci, cicu dang sak ci.

JEREMIAH 1:9

Cun kawn ah Bawipa naw a kut shäng ne, ka m’nei cu pyen vai ah ng’thu gui cu kei naw ka ning pek ci nei.