JEREMIAH 15:18 - Cho Bible Common Language 2016

¹⁸ A i ah kyasei kei ka yaica tu lä ang? A i ah kyasei a hmaleim gui kä m’tui m’seih ang? A i ah kyasei cun gui kä akhan ang? Khocha ah kawi ne ket ciah tui hta lawng ah mäih ah nang naw kei cu nana thüisei sak hlü ne ma?”

JEREMIAH 15:18 Referans Kwoze

JEREMIAH 30:15

Nami m’neh ah phäh ah a i kä nami pyen vai; Nami gai nak vai a i kä om ci. Kei naw shin ah ka ning m’kyuk gui cu a i ah kyasei ci ung Nami katnak da ne nami shetkat nak a dämduk ah phäh ah kyak ci.

JOB 34:6

Ani naw ng’shi ci, “A i hawkcha ah kei naw hleei ne ka cheishoh ciah ka pyen vai ang? Kei cu sih awng vai ah ka leim ci, cun ung phi kei ung katnak kä om ci nei.”

MIKHAH 1:9

Samaria cu a leim kä khan hlawt ci, Judah phi a cun ah mäih ah geinvai ci. Di nak naw ka chang gui ah om nak Jerusalem m’kawt cu pha lawk ci nei.”

JEREMIAH 30:12

Bawipa naw a chang gui pyen na gui ci, Nami leim gui cu kä khan hlawt ci, Nami nat nak gui cu m’tui ne kä gah nei.

JEREMIAH 20:7

Bawipa, nang naw kei cu na na m’hleei ci kya sei, kei cu m’hleei ah kyak ci. Nang cu kei ah tan na k’thamah pi ci, nang naw kei cu na na kahta nak ci. Chang nü naw na päipih u ne, khaw hnüüp pum ung na ng’li pyan ci gui.

JEREMIAH 14:19

Bawipa, Judah cu akbe ah na hnungtuk püi ne ma? Zion chang gui cu na thüi na gui ne ma? Keimi kä kami gai ba hlawt khai ah a i ah kyasei akshe ah na na nat sak gui ang? Keimi naw dimdeeih nak kami shui ci, cun ung phi akni kä kya lawk ci; Keimi naw gai gawng vai kami ngaih u ci, cun ung phi kyih vai düt gawk lawk ci.

JEREMIAH 14:3

Bühmang chang gui naw ami changshäm gui cu tui than khai gui ah tüi gui ci gui; ngami cu tukan gui ah hteit ci gui, cun ung phi tui kä hmuk ci gui; ami tui um a ghawng ah ng’hlat law ba ci gui. Ami k’tha ken sei, ng’gogan u ne, ami hmai thup ci gui.

SAM 6:3

Ka pumsa avan cu yaica ci nei. O Bawipa, kei na na m’htei nak vai, a i güt lüng khai ang?

MIKHAH 1:14

Tuhbäi ung Judah chang gui naw, Moresheth Kath gawnu cu gidam ci gui. Israel ghangpughang gui naw Akyip pigaw ungka a i kä gah ba khai gui nei.

JOB 14:11

Tui kä long ba ciah tuinu ah mäih, tui kawi ne ket ciah tuili ah mäih ah kyak ci nei.

JEREMIAH 20:18

A i ah kyasei kei ami na hta nak ang? Zaica vai la azä vai ah phäh ah ang, thüisei nak awn ka ghin nak a ng’pyi vai ah phäh ah ang?