JEREMIAH 15:14 - Cho Bible Common Language 2016

¹⁴ A i kä ami hmat nak ah kho ung ngami naw ami ga gui ah bii ami bi vai ah kei naw ka bi gui khai, a i ah kyasei ci ung kei ah m’lungshe nak cu mei ah mäih ah kyak ci, cun naw khonglän ung ui gui khai.”

JEREMIAH 15:14 Referans Kwoze

JEREMIAH 16:13

Cun ah kyasei kei naw shin ah kho ungka ning k’täm gui ne, nangmi la nami pupa gui naw kä nami hmat man ah kho ung ka ning gawk sak gui khai. Acu ah nangmi naw amü a hnüüp ahei khanpughi gui ah bii nami bik khai, kei naw chimgein nak kä ka ning m’dang gui khai.

THULÄÄN NAK 32:22

Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.

JEREMIAH 17:4

Kei naw ka ning pek gui ah khaw cu nangmi naw nami m’lung si khai. Cun kawn ah kä nami hmat ah khaw ung nami ga gui ah bii nami bik khai ah kei naw ka ning bi gui khai, a i kyasei ci ung kei ah m’lungshe nak cu mei ah mäih ah kyak ci, cun naw khongtän ung ui khai nei.

SAM 21:9

Ang dang law hnüüp ung ani naw mei cang ah mäih ah kya ne m’di gui khai. Bawipa naw am lungshe nak awn m’zaw gui sei, mei naw phi kiawm shi gui khai.

THULÄÄN NAK 28:36

“Bawipa naw nang la na ghangpughang cu a khaw hei ah ning hteh püi gui khai. Cun cu nangmi nami pupa gui ah kä ami om nak man ah kyak khai. A cu ah nangmi naw sing la lung awn pyan ah khanpughi gui ah bii nami bik khai.

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.

HEBRU 12:29

A i ah kyasei ci ung mikmi ah Khanpughi cu m’khih ne ui ciah mei akcang ah kyak ci nei.

AMOS 5:27

Kei naw omktu khaw, Damaskas ah hnun täng khaw ung ka ning hteh püi gui yah ung” cine m’gäi ciah Khanpughi ming nak ciah Bawipa naw pyen ci.

JEREMIAH 52:27

Hamath khopäng ah hteh püi gui ci. Acu ah ghangpughang naw m’ghuih gui neta sih nak pe gui ci. Cun ah kyasei Judah chang gui ami khaw ung ka naw omktu khaw ah ami hteh püi gu ah kyak ci.

JEREMIAH 15:4

Khomdek khan ung chang avan naw ami kyihkyawk gui vai ah ka bik khai, cun cu Hezekiah ah hta Manasseh Jerusalem ung Judah ghangpughang ah a kyak sang ung abi lawh ah phäh ah kyak ci.

JEREMIAH 14:18

Kei cu lolai ma ah ka hteh ung ng’tuk nak ung ami ngawn gui cu ka hmuk ci; kei cu gawnu gui ung ka hteh ung ei ah cawi ne sik ciah chang gui cu ka hmuk ci. Prophet gui la taigü gui cu ami bii bik ci gui, cun ung phi a i ami bi kä hmat ci gui.”

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

ISAIAH 42:25

Cun ah kyasei am lungshe nak ah aktawt cu mi gah ne, ng’hnüüt ciah ng’tuk nak ung mi yai ca ci. Ani ah m’lungshe nak naw Israel khaw avan cu mei ah mäih ah ui ci. Acun ungka, mikmi naw mi ng’thei nak a i phi kä om ci.

THULÄÄN NAK 29:23

Khaw lo gui cu käu ne maih khai la m’shi naw küm khai. A i geit na kä gah vai. Khumghaw phi cun ung kä pyou hlawt khai. Nami khaw cu Bawipa naw aknui ah amlungshe yah ung amdi ah Sodom la komorrah, Admah la Zeboiim mang gaw gui ah mäih ah kyak khai.

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.