JEREMIAH 15:13 - Cho Bible Common Language 2016

¹³ Bawipa naw na pyen nak ci, “ka chang gui ah khawh them gui la khawh cham gui hteh püi khai gui ah kei naw ga gui ka tüi lawk khai. Cun cu kho avan ung ngami naw katnak ami ah phäh ah m’kyuk nak gui ah kyak ci.

JEREMIAH 15:13 Referans Kwoze

JEREMIAH 17:3

la khomhtung kho häu ung ng’ling ci gui. Nami ga gui naw nami khawh gui la nami m’küm khawh gui avan ami lak vai ah ka bik khai. A i ah kyasei ci ung cun cu kho avan ung katnak nami bi avan ah phäh ah kyak ci.

SAM 44:12

Nang naw nak chang gui cu api ah yoi ci sei, Ngami cu api phu nak ci gui.

ISAIAH 52:3

Uktu Bawipa naw a chang gui pyen ah gui ci Nangmi khlei htein ah nami kyak yah ung nangmi ah phäh ah ngui a u naw kä m’hnüt ci; a cun ah mäih ah nami phyawn nak vai ah phi a i kä pek vai.

JEREMIAH 20:5

Shin ah mang gaw ah khawh gui avan, ami büh mang khaw mah avan la Judah ghangpughang ah m’küm khawh gui avan cu kei naw ami ga gui am gutep sak gui ne apäng nü cu Babilonia ah ami hteh püi vai ah ka cik khai.

ISAIAH 52:5

Tuhbäi Babilon ung phi acun bä ah kya law ba ci; nangmi ning pha gui ci gui, nang mi ah phäh ah a u naw a i kä pek ci. Ning uk gui cicu khä hghah u ne, chang ah ng’shei u ne, ang däih ah kei a i ah kä ami na sui nak cu m’dang ci gi.

JEREMIAH 15:8

Tuinu ah kem ah laigin ah ta nami khaw ung hmei nu cu da law pi khai. Kei naw nami chang nong gui cu ami hnüüp lung ung ngawn gui ne, ami nu gui cu ka yaica sak gui khai. Kei naw ngami cu ang ghit ah kyihkyawk sak gui ne ka cäicat sak gui khai.

EZEKIEL 38:13

Sheba la Dedan ung chang gui la Spain khaw gawnu gui ungka sumlei chang gui naw ning shik khai gui, “Tuh ne gut tep khai gui ah nang naw na gakap gui na k’bum gui ne ang? Nang naw ngui ni, ghui ni, vuhchah ni gui, khawh cham ni gui gah ne, cun ah guh tep gui avan hteh püi vai ah na ngai ne ma?”

ZEPHANIAH 1:13

Ami khawh phi maih yawp khai, ami im phi di yawp khai. Ngami cu ami cawh ah im ung kä om ba khai gui, ami geit ah sapyit ah a tui phi kä aw ba khai gui.”