JEREMIAH 15:10 - Cho Bible Common Language 2016

¹⁰ A i hlawk ah kä yei ciah chang ang kei cu! A i ah kyasei khomdek khan ung kanu naw ana hta nak ang? Shin ah kho ung chang nü awn kani ng’cuh can lawk ci nei. Kei naw a u am kä ka k’pu ci, a u ah kä ka puk ci, cun ung phi chang nü naw na tam ci nei.

JEREMIAH 15:10 Referans Kwoze

LUKA 6:22

“Chang ah Htapa ah hmawk ah chang gui naw, ami ning hnu ng’tuk püi gui ung, ami ning nawng gui ung, changshe ah ami ning pyein gui ung, nami yeikyai vai,

PHYAWN NAK 22:25

“Dukhaih ciah ka chang gui am ngui nami k’puu gui ah a kyak ung, ngui ng’puu ne ei ciah mäih ah kä nami bi vai. A hta kä nami shan vai.

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

MATTHE 24:9

“Cun kawn ah chang gui naw nangmi cu ning pha gui u ne ami ning m’kat gui vai la ami ning ngawn gui vai ah ning ap gui khai gui. Chang gui naw kei ah hmawk ah ning gen gui khai gui.

MATTHE 5:44

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

JEREMIAH 15:20

Nang naw ngami na näng nak gui vai ah m’liu ciah kyei k’paang ah mäih ah ka ning pyang khai. Ngami naw ning tuk khai gui, cun ung phi kä ning hnim hlawt khai gui. Kei naw nang cu ning shungvong ne k’pang ne ka ning phiawn khai.

NG'THU K'THUUK~ 26:2

Plahtaam naw kä ning kyuk khai, ngami awn kä na khinkha ung. Ngami cu kä ngo phung ne yong ciah kha awn täng ci gui.

SAM 109:28

Ngami naw na plah u sä, cun ung phi nang naw hriham na na pek khai. Na dukdeiu nak ci gui cu hnim gui u sä, kei, na na changshäm cu ka yei khai nei.

SAM 15:5

A api thum ah lak vai ah ngui kä ng’pu ci, changni gui ah mawng akshe ah ami pyen nak vai ah ngui kä lak ci, angtäi sei phyawng gai ci.

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

TAIGÜTHUM 25:36

Ani ung ang lawn kä na lak vai, Khanpughi na kyih aa vai, na Israel chang paw cu na pei ah na om sak vai.

LAMKTU 28:22

Cun ung phi chang akda naw, a hawi hawi baw, nang ah pati ah mawng cu hnu ng’tuk püi ne ng’thu ci gui nei. Cun ah kya sei nang ah pati ah mawng cu keimi naw phi kami ng’ya tu hlük ci nei” cik ci gui.

TAIGÜTHUM 25:37

Ani am ngui nak pu ung ang lawn kä na pek sak vai. Ei na yoih nak ung k’pawih khai ah kä na bi vai.

SAM 69:4

Amawng kä om ciah kei na gen ci gui cu, ka lumu ah ta, da pi ci nei. Ka gaa gui naw ami hleei pyen ne na ng’küük neet püi ci gui, ngami cu m’gäi u ne kei na ngawn hlük ci gui. Kei naw kä ka m’guk phi na m’thung sak ci gui.

HABAKKUK 1:3

A i ah kyasei shin ah yaica nak na na hmuh sak ang? A i cha ah shin ah mäih cheishoh nak ung na teng düt ne na om ang? Dishum nak, kyawi m’sa nak gui naw na kyung ci nei. Kho päng ung ng’tuk nak la ng’vok nak bäng ah kyak ci nei.