JEREMIAH 15:1 - Cho Bible Common Language 2016

¹ Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

JEREMIAH 15:1 Referans Kwoze

EZEKIEL 14:14

Shin ah Chang thum, Noah, Damela, la Joba cu a cu ah ami om ah a kyak ung mäta, ami ni nak naw ami mät ah ghin nak bäng va hun hning khai.” Uktu Bawipa naw a pyen nei.

JEREMIAH 14:11

Bawipa naw kei cu na pyen nak ci, “Shin ah chang gui m’htei htang gui vai ah kä na k’thäh en vai.

JEREMIAH 11:14

Jeremiah, shin ah chang gui ah ami chaw ah kei ah kä na tai gü en vai, kä na yoih thäh en vai. Ngami cu khüikha nak ung gawk ne, m’htei gui vai ah ami na khü law ah a kyak ung kei naw kä ka ngai gui khai nei.”

SAM 106:23

Khanpughi naw a chang gui cu m’di gui khai ah pyen khäta, a ghü ah ak changshäm Moses naw, ng’düi law ne pyen tu ba sei, Am di nak gui vai ah am lungshe nak cu k’üüp ci.

SAM 99:6

Moses la Aaron cu a taigüpa goi ah kyak ci, Samuel cu ani ah taigü ciah kyak ci; Ngami naw Bawipa cu khü u sei, Ani naw m’shang gui ci.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

2 GHANGPUGHANG GUI 17:20

Bawipa naw Israel gui ami van hnungtuk püi gui ci, m’kyuk gui ne, m’ghämce ciah ga ah kut ung ap gui ne, ami van ama ung maih sak gui ci.

1 SAMUEL 7:9

Samuel naw htome hta ngawn ne, avan m’khih ne Bawipa cu khawihnah ci. Ani naw Israel gui am htei vai ah Bawipa ah taigü sei, Bawipa naw ak taigü ngai ci.

JEREMIAH 52:3

Bawipa cu Jerusalem la Judah chang gui ah khan ah m’lungshe aih neta, a hmuh nak ung ka naw k’täm gui ci. Zedekiah naw Babilon ghangpughang Nebukhadnezzar cu hnung tuk püi ci.

JEREMIAH 23:39

Ngami cu kei naw ang ghit ah zu chang gui ne, kapei ungka naw ahei ah ka gawt gui khai, ngami ami van la ka pek gui ah mang gaw gui la ami htanau gui ah kyak khai.

JEREMIAH 18:20

Akni ah phäh ah akshe cu pek vai ah kya ne ang? Cun ung phi ngami naw kei ah kyak nak vai khui co ci gui nei. Nang ah a i hawkcha ah law ne, ngami ah hmawk ah ng’thu ka pyen cu shüm ba ä, cun ah kyasei nang naw m’lungshe nak awn kä na om püi gui vai nei.

JEREMIAH 15:19

Cun ci ngäta Bawipa naw, “Nang na law ba ah a kyak ung kei naw ka ning la ba khai, nang cu kei ah changshäm ah na kya ba khai. A kholä ah ng’thu nak vaisü ung bä ciah thu na ng’shäu vaisü ung nang cu kei ah prophet ah na kya ba khai süte. Chang gui cu nang ah law ba khai gui, ngami ah nang na hteh vai kä hlü ci.

NG'THU K'THUUK~ 14:35

Cuivai ciah a chang bawi cu ghangpughang naw yei nak ci, thui ng’aa nak vai bik cicu m’kyuik ci.

HEBRU 9:24

Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.

JEREMIAH 35:19

Cunah kyasei kei m’gäi ciah Bawipa, Israel khanpughi naw shaitak ka bi cu Rechab ah hta Jonadab ah htangshon ung angtäi sei kei ah bii bik khai pami ah ng’shon khai.”

SUKI GUI 5:9

Kei ah ka m’lung cu Israel gabawi gui la yei ne amät ah ngaih ah düihtho ciah chang gui awn, a täng ah om ci nei, Bawipa m’hlüng tai nei!

ATÜNNAK 19:27

A ngawi ung khawngawi hta Abraham cu Bawipa ah ma ah ang düih nak man te ung ng’düi law ba ci.

ZEKHARIAH 3:3

Joshua cu suishe sui ne acun ung ng’düi ci.

THULÄÄN NAK 9:26

Cun kawn ah kei ka taigü ci, uk ciah Bawipa, na mät ah chang gui cu kä m’di gui ä, ngami cu dämduh ciah na thagui la na huham awn gung gui ne, Egypt khaw ah ka na law püi ba gui ah kyak ci nei.

1 SAMUEL 12:19

Cun kawn ah ngami naw Samuel am, “Na bä ni saza, keimi ah phäh ah Bawipa na Khanpughi ah na taigü pe gui vä. Cun ung keimi kä kami shik khai. Keimi naw kami hmat lawk ci, kami hma gui avan ah kawn ah ghangpughang kami thäh nak awn kami hma ba mä ci nei” cik ci gui.

JEREMIAH 9:19

Zion ung ami kyah ah k’aw cu ngai vä: “Kei mi kami di pyi ci nei! Kei mi akbe ah kami thüisei ci nei! Mikmi naw mi kho mi hteh tak khai nei; mikmi ah im gui cu ng’phye pyi ci nei.”

JEREMIAH 10:18

Bawipa naw shin ah kaw ungka ning k’täm law gui khai nei. Nangmi ungka tumat phi kä k’pawih khai ah ani naw ning deng gui khai nei. Bawipa ah thu pyen ah kyak ci nei.

JEREMIAH 16:5

“Nangmi cu thüi kyah nak ah im ung kä nami luh vai. A u ah phäh ah phi kä nami thüi sei vai. Kei naw ka chang gui cu deimdeeih nak awn hriham kä ka pe ba gui khai, m’hni nak la chimgein nak kä ka m’dang gui khai.

JEREMIAH 16:13

Cun ah kyasei kei naw shin ah kho ungka ning k’täm gui ne, nangmi la nami pupa gui naw kä nami hmat man ah kho ung ka ning gawk sak gui khai. Acu ah nangmi naw amü a hnüüp ahei khanpughi gui ah bii nami bik khai, kei naw chimgein nak kä ka ning m’dang gui khai.

JEREMIAH 22:28

Kei naw ka pyen ci, “Ghangpughang Jehoiachin cu hlüng payak sei ami ghawh a u naw phi kä a ng’yak hlü ah mäih ah kya ne ang? Cun ah kyasei ani la a hta nau gui cu ami mawng ama a i phi kä ami hmat ah om k’tu khaw ah ami hteh püi gui ah kä kya ne ang?

EZEKIEL 22:30

Kei naw chang ka shui ci. K’pang gui ang gai ung co ba khai, k’paung gui ang thüng law ung acun ung ng’düi ne m’htei khai, kei ah ka m’lungshe nak naw khonglei amdi law ung shungvong hning khai, cun ung phi a u phi kä ka hmuh hning ci.

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

HOSEA 9:15

Bawipa naw pyen ci, “Ngami naw akshe ami bi nak avan cu Kikal ung ng’tün ci, Acu ah tün ne kei naw ngami cu ka thüi na gui ci. Ngami naw shetkat nak ami bi ah phäh ah kyak ci. Kei naw ka khaw ungka naw ka k’täm gui khai, kei naw kä ka m’hni ba gui khai. Ami ng’vai gui ami van naw na hnungtuk püi ci gui.