JEREMIAH 14:9 - Cho Bible Common Language 2016

⁹ A i ah kyasei nang cu cäi vai ah ami hteh püi ah chang ah mäih, amgein kaa gakap ah mäih ah Huham kä om ciah na kiak? Bawipa, akcang ah nang cu keimi awn na om ci nei! Keimi cu nang ah chang gui nei; kä na nawng en gui ä!

JEREMIAH 14:9 Referans Kwoze

ISAIAH 63:19

Nang cu keimi ah uktu ah kä na kyak ciah mäih ah, keimi cu nang ah chang ah kä kami kyak ciah mäih ah, na na om püi gui ci nei.

ISAIAH 59:1

Bawipa cu, aning hun nak gui vai ak tha ken ci, aning m’htei gui vai ah nami khü ung, ang yak nak vai ah ak hnga pang ciah kä nami ngaih vai nei!

JEREMIAH 15:16

Nang naw na na ng’thu püi ci, na ng’thu päng cu kei naw ka ngai ci. Kei cu nang naw na na khäm ci, Bawipa, m’gäi ciah khanpughi, cun ah kyasei nang ah thu lung naw kei ah m’lung naw kei ah m’lung cu zeikia nak ah lünlowi nak awn be sak ci.

SAM 46:5

Khanpughi cu cun ah mang gaw ung om ci, cun ah gaw cu kä di phung khai; kho ngawi hta ung, ani naw law ne m’htei gui khai.

KHEI NAK 11:23

Bawipa naw, “Kei ah huham ung k’büüp nak om ne ang? Nangmi naw kei naw ka pyen ah a kyak la kä a kyak ci cu, tuhbäi nami hmuk khai nei.

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

THU PHLAAN 21:3

Cun kawn ah mangkiaang ungka ng’shan sei m’lau ah k’aw cu ka ng’yak ci. Cun ah k’aw naw, “Tuhbäi ung Khanpughi ah im cu hnicim chang ah im ah kyak ci. Ani cu ngami ung om sei ngami cu ani ah chang ah kyak ci gui. Khanpughi amät cu ngami awn atäng ah om ne, ngami ah Khanpughi ah kyak khai nei.

ZEKHARIAH 2:5

Bawipa amät naw shai ataak cu, ani a mät cu mei-k’paang ah kyak ci, mang gaw veing ne shungvong ciah kya ne, acun ung a bämang nak avan awn angtäi ah om khai, ciah kyak ci.”

JEREMIAH 8:19

Ngai vä! Kho avan ung ka chang gui kyap u sei ka ng’yak ci nei. “Zion ung Bawipa kä om ba ne ma? Zion ghangpughang cun ung kä om ba ne ma?” 2 Bawipa, ami ghangpughang naw m’shang gui ci, “Nami agup gui khawihnah u ne, akholä ah kyak ciah akho hei khanpughi gui ah ma ah kawp u ne, a i ah kyasei kei cu nami na m’lungshe sak ang?

ISAIAH 51:9

Bawipa, tho law ne, na m’htei gui ä! Na huham mang ne na hun gui ä; cau pui pui na mang man ah a cun cu mang ba ä. Tuinu-k’phyu hlui kahab kiük ne phyit cicu nang ah kyak ci nei.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

SAM 27:9

Kä ka ning hmuh vai ah kä ng’thup-en ä! Kei ah khan ah kä m’lung she-en ä; Na changshäm cu kä ng’hlah ta-en ä. Nang naw kei cu na nam htei ci, kä na hteh tak-en ä, kä na nawng-en ä, O Khanpughi ka hunbawi.

1 SAMUEL 12:22

Bawipa naw thuk ng’kau ciah shaitak bik ci, ani naw kä ning nawng gui khai, ani naw amät ah chang ah ning pyang gui khai ah k’bäi pyi ci.

THULÄÄN NAK 23:14

Nami phung cu nami theingthap sak vai, a i ah kyasei ci ung Bawipa nami Khanpughi cu nangmi awn a täng ah nami shaum pigaw ung om ci, ning shungvong gui ci, nami ga gui ah khan ah näng nak ning pe gui ci. Bawipa nangmi ungka a ning hlah tak gui vai ah kyak sak ciah kä ninum cicu kä nami bi phung vai.

LAMKTU 15:17

Om ciah chang nüng nüng cu kei ah lawk khai, Kei naw ka khü gui ah changpakhui hei gui phung cun phi ka khäm gui khai.

EZEKIEL 48:35

Mang gaw ah akit phli ah paang avan ah ng’dawn ang ng’shäi cu, metre phia kaw-kip lawk ci. Tuhbäi ungka naw ngawi yä mang gaw ah ming cu, “Shin ung Bawipa om ci” ciah kyak ci.

HABAKKUK 1:2

O Bawipa, ka ng’thu ng’ya ne na na m’htei vai, kyawi m’sa nak ung na na hun vai ah, a i güt ka ning khü vai ang?

THULÄÄN NAK 28:10

Cun kawn ah khomdek khan ung chang avan naw Bawipa naw amät ah chang ah a ning ghü gui cu hmuk khai gui, ngami naw ning kyih gui khai gui.

2 SHONTÄP NAK 7:14

ngami cu kei ah taigü u ne, akshe gui ami bi nak ungka ng’yuu ba u ne, ami ng’hlah law ba ung, kei naw khankho ah ka naw ka ng’ya gui khai, ami katnak ka m’geinsei gui khai, ami khaw ka ng’bühmang bu sak gui khai.

SAM 10:1

A i ah kiyasei na ng’shawng aih ang, Bawipa? Keimi kami khüikha sangung a i ah kyasei na mät na ng’thuh ang?

ISAIAH 43:7

Ngami cu ka mät ah chang gui, ka bäimang nak law püi khai gui ah ka tüi sho gui ah kyak ci nei.”

JEREMIAH 51:5

Kei, Bawipa m’gäi ciah Khanpughi naw Israel la Judah gui cu, Israel ah Theingcim ciah Tumat ah ka kyak ciah kei cu na hnungfuk püi ne ami hma ung phi kei naw kä nawng gui khai.

NG’ÄI KYAH 5:20

A i ah kyasei akshou nu keimi na na nawng gui ang? Nang naw na na shüm ba gui mä khai ang?

ZEKHARIAH 8:3

Kei cu theing ciah ka mang gaw Jerusalem ah ka hteit ba khai, a cu ah ka om khai nei. Cun ah mang gaw cu bekhüt ciah mang gaw ah hmat khai gui, hlüngtai ciah Bawipa ah khawgui gui cu, theingthap ciah khawgui ah khü khai gui nei.