JEREMIAH 14:7 - Cho Bible Common Language 2016

⁷ Ka chang gui cu kei ah kyap lawk ci gui, “kami katnak naw ana kyuk gui ung phi, Bawipa, na shaitak ah mäih ah na m’htei gui ä. Keimi naw nang cu akda vei kami ning hlah tak ci, katnak bi ne kami ning hnungtuk püi ci.

JEREMIAH 14:7 Referans Kwoze

HOSEA 5:5

Israel chang gui ah ami m’ghämce nak naw kyap ne ami mät hnungtuk püi gui ci. Ami katnak naw ng’vawn sak gui ne ng’kiak sak gui ci. Judah chang gui cu ngami awsn atäng ah ng’täng ci gui.

SAM 25:11

Bawipa, na shaitak m’khän ä, Ka cheishoh nak nam gein ä, ngami cu da ci gui nei.

JEREMIAH 5:6

Acun ah phäh ah bung ah om ciah phong kawng naw lo gui khai; K’pyama ah om ciah hngei gui naw phyit ne k’teek gui khai. Kawng hta gui naw ami gawnu gui ung mah gui ne, chang gui akpung ah ami law ung phyit ne hlai gui khai, a i ah kyasei ci ung ngami cu ami katnak da aih ci, akhin päng päng ung Khanpughi ami ng’hlah tak ah phäh ah kyak ci.

ISAIAH 59:12

“Bawipa nan ning hnung’tuk püi ne kami katnak cu da lawk ci nei. Kami katnak naw na k’bünphei gui ci nei, kei mi naw cun gui avan kami hmat ci nei.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

EPHESIAN 1:12

Cun ah kyasei ak htük ung Bawi Khrit ging ne mi ngai ciah mikmi naw, Khanpughi ah bämang nak cu mi m’kümto khai nei!

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

HOSEA 7:10

Israel chang gui ah chang ah ami ng’shei nak awn gami cu m’lau ne hnungtuk püi gui ci. Ngami ung shin gui nü kia law sei phi ngami cu ami Khanpughi Bawipa kei ah kä ng’hlat law ba ci gui.

EZEKIEL 20:22

Cun ung phi kei naw Egypt ah ka Israel gui ka luh law püi ba gui yah ung na hmuk ciah changpakhui gui ah ng’lung ah ka ming, a thang shek khai kyasei cun ah kä ka bik ci nei.

EZEKIEL 20:14

Cun ung phi Egypt khaw ah ka Israel gui ka luh law püi ba gui sang ung na hmuk ci gui ah changpakhui gui ah ng’lung, kei ah ka ming cu thang shek khai kyasei, cun ah kä ka bik ci nei.

EZEKIEL 20:9

Cun ung phi cun naw kei ah ka ming cu thang m’shet khai kyasei cun ah kä ka bik ci. A i ah kyasei ci ung Israel gui cu Egypt ah akpung ah ka hteh püi gui khai cine, ami om nak tu ah chang gui ah ma ah ka ng’shäu pyi ah kyak ci.

JEREMIAH 3:6

Josiah ghangpughang ah a kyak sangung Bawipa naw kei cu na pyen nak ci, “kä bekhüt ciah hnumi Israel ah bi cu nang naw na hmuk ci ang? Ani naw kei cu na ng’hlah ta ne, khimhtung hlüngpäng la sung ghing ka päng ung ani cu pawm za ciah mäih ah hnüntho ci nei.

SAM 115:1

Nang bäng ung, O Bawipa, Nang bäng ung, keimi ung ah kä kyak ci, Na bämang nak cu om khai nei, a i ah kyasei ci ung ng’täi ciah nam hni nak la na bekhüt ah hmawk ah kyak ci.

EZRA 9:15

Bawipa, Israel Khanpughi, nang cu na taga ci cun ung phi nang naw na na ghin om sak gui ci. Kami hmakat nak cu nang ah kami ng’coipa ci nei, keimi na ma ah law vai ah kä kami khinkha ci nei” cine pyen ci gui.”

JOSHUA 7:9

Kanaanit gui la shin ah khaw ung chang nü naw, cun ah mawng cu ng’yak ci gui nei. Ngami naw na khaai gui u ne, kami van na ngawn gui khai gui nei. Na ming küi m’küih nak vai ah a i na bik khai aw?”

THULÄÄN NAK 32:27

Kei naw ami ga gui cu kä ka khähghah sak gui khai. Ka chang gui cu ngami naw hniim khai gui. Kei ka mät naw ka cigep gui khai.

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

SAM 79:9

O Khanpughi, na m’htei gui ä, na hun gui ä, na mät ning m’taam vai ah hmawk ah na gung gui ne kami katnak na m’gein gui ä.

ISAIAH 48:11

Kei naw ka biphung cu ka mät ah hmawk ah kyak ci nei. Kei naw ka ming kä m’tamkhah nak vai ah kiak cicu kä ka bik khai nei, ka bäimang nak cu a u am phi kä ka ng’tu sak khai nei. Cun cu ka mät ah ka, ka mät bäng ah ka ah kyak khai nei.”

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

JEREMIAH 8:5

Ka chang gui, kei na ng’hlah ta u neta, a i ah kyasei kä ng’hlah law ba phung ah nami om ang? Nangmi cu nami gup gui ung ng’bat u ne, kei ah nami ng’hlah law ba vai ah nami mak ci.

AMOS 7:2

Kei naw ka mang ung khaw a kyong ung khu am kim phung khanpeh gui naw ei yawp u sei ka hmuk ci. Cun kawn ah kei naw, “Uktu Bawipa na chang gui cu m’gein gui ä! A i hawkcha ah ngami pawih ba khai gui ang? Ngami cu yawken aih ci gui nei!”

JEREMIAH 5:25

Cun nak vaisü ung nangmi ungka shin ah akni gui cu nami katnak naw k’pang yawp ci nei.

JEREMIAH 10:19

Jerusalem chang gui cu kyap m’lau u ne, “mikmi naw a i hlawk ah shek khai ah mi m’neh awh ci ang! Mi hmaleim cu kä khan khai nei. Shin cu mi näng khai ah mikmi naw mi ngani te ci nei!

MIKHAH 7:9

Bawipa hnu na ne mi cheishoh ci, cun ah kyasei am lungshe nak ung a shäng mi yai khai. Cun ung ak hnu ah ani naw na shungvong gui ne, hma cicu hman sak khai, cun cu mikmi ah khan ah ami bi ah kyak ci. Ani naw akdei ung na hteh püi gui sei, mikmi ghing ne ana hun nak gui cu mi hmuk khai.