JEREMIAH 14:21 - Cho Bible Common Language 2016

²¹ Na shaitak shüm ba ä, kä na päi pih en gui ä; Bä ciah na mang kiang ah hmun ah kyak ciah Jerusalem ah khan ah Thui ng’aa nak cu kä law en püi ä. Keimi awn na bi ah thukhän cu kä m’shet en ä.

JEREMIAH 14:21 Referans Kwoze

JEREMIAH 14:7

Ka chang gui cu kei ah kyap lawk ci gui, “kami katnak naw ana kyuk gui ung phi, Bawipa, na shaitak ah mäih ah na m’htei gui ä. Keimi naw nang cu akda vei kami ning hlah tak ci, katnak bi ne kami ning hnungtuk püi ci.

SAM 106:45

Ngami ah hmawk ah a thukhän cu shüm ba ne, däm ciah am’hni nak awn m’düm gui ci.

JEREMIAH 3:17

Cun ah khun a gawk law ung Jerusalem cu, “Bawipa ah mangkiang” ah khü khai gui, changpakhui avan cu kei na khawihnah khai gui ah a cu ah ng’bum khai gui. Ami m’lung ah ling nak la ami m’lung kyong akshe ah m’thein gui cu ngami naw kä bi ba khai gui.

JEREMIAH 17:12

Mikmi ah Taigüim cu akhtük ge ung khomhtung hlüng ung om ne, bämang ciah mang kiang ah mäih ah kyak ci.

THU PHLAAN 11:2

Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.

EPHESIAN 2:7

Cun ah a bi ah mawng cu, mikmi-am am hni nak cu Bawi Khrit awn am dang nak ung, ani ah am gein nak a i hlawk ah adäm ah mawng cu, ngawi yä chang gui naw ami hmat vai ah hmawk ah kyak ci.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

LUKA 1:72

Ani naw mi pupa gui am gein nak gui cu pyein ne, ang thu khän theing cun phi shüm ci nei.

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

DANIEL 9:7

Nang Bawipa naw ak phlüt ah a hman cu na bik ci, cun ung phi keimi kami mät naw ak phlüt ah thang shet nak cu kami law püi ci. Shin cu Judea la Jerusalem ung om ci la kä ami bekhüt ah phäh ah aksho ang et khaw gui ung, nang na k’phyiit pai gui ah Israel gui avan ah phäh ah akcang ah kyak ci.

EZEKIEL 43:7

“Hnicim chang, shin cu kei ah mangkiang nei. Kei cu shin ung Israel chang gui ah ng’lung ah ka om khai, angtäi sei ka uk gui khai. Israel chang gui, käcung ami ghangpughang gui naw a hei khanpughi gui ami khawihnah nak la shin ah hmun ung ami ghangpughang gui ah gook gui ami phuh nak awn, kei ah theingcim ciah ming cu ka thui aa ba sak khai gui.

EZEKIEL 39:25

Uktu Bawipa naw pyen ci, “Cun ung phi tuhbäi, Jakob ah htangshon Israel gui cu kei naw ka chimgein gui khai, ka ng’bühmang ba sak gui khai. Kei naw ka ming theing cu ka shungvong khai.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

NG’ÄI KYAH 2:20

Teng ä, Bawipa, a i ah kyasei shin ah mäih ah na na m’kyuk gui ang? Hnumi gui naw ami m’hni gui ah ami hta gui ah pumsa gui cu ei ci gui nei. Taigü la prophet gui cu taigü im mät ung ngawn gui ci gui nei.

NG’ÄI KYAH 1:10

Aga gui naw ani ah am küm khawh avan cu gut ci gui. Ngami cu taigü im mät ung lut u sei ani naw hmu gui ci. Cun cu chang khui hei gui kä ami hteh vai ah Bawipa naw a hüng nak ah kyak ci.

JEREMIAH 14:19

Bawipa, Judah cu akbe ah na hnungtuk püi ne ma? Zion chang gui cu na thüi na gui ne ma? Keimi kä kami gai ba hlawt khai ah a i ah kyasei akshe ah na na nat sak gui ang? Keimi naw dimdeeih nak kami shui ci, cun ung phi akni kä kya lawk ci; Keimi naw gai gawng vai kami ngaih u ci, cun ung phi kyih vai düt gawk lawk ci.

SAM 106:40

Cun ah kyasei Bawipa cu ak chang gui ah khan ah m’lungshe ne, m’shemshai na gui ci.

SAM 51:11

Na ma ungka kä na k’tääm men ä; Na Mumcha Theing kä na lak en pe ba ä.

THULÄÄN NAK 32:19

“Cun cu Bawipa naw hmu neta, ani cu m’lungshe ci, A htapa gui la a hta hnumi gui cu hnungtuk püi gui ci.

TAIGÜTHUM 26:11

Kei cu theing ciah Phung kyong ung nami ng’lung ah ka om khai, kei cu nangmi ungka a hei ah kä ka hteit phung khai.

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

1 SAMUEL 12:22

Bawipa naw thuk ng’kau ciah shaitak bik ci, ani naw kä ning nawng gui khai, ani naw amät ah chang ah ning pyang gui khai ah k’bäi pyi ci.

SAM 25:11

Bawipa, na shaitak m’khän ä, Ka cheishoh nak nam gein ä, ngami cu da ci gui nei.

SAM 145:11

Ngami naw na bämang nak ah na huham cu pyen u ne, Na m’gäi nak cu ngak khai gui nei.

ISAIAH 62:6

Jerusalem, na ng’vongpang ung ngäng ci gi cu tha gui nei; Ngami cu amü a hnüüp kä om düt khai gui nei. Ngami naw Bawipa am a shaitak cu m’thein tu ba ci gui, Ngami kä a m’hnih gui vai ah shüm sak gui khai.

EZEKIEL 20:22

Cun ung phi kei naw Egypt ah ka Israel gui ka luh law püi ba gui yah ung na hmuk ciah changpakhui gui ah ng’lung ah ka ming, a thang shek khai kyasei cun ah kä ka bik ci nei.