JEREMIAH 14:2 - Cho Bible Common Language 2016

² “Judah cu thüi kyap ci; ani ah mang gaw gui cu sik ci gui, ani ah chang gui cu azä ne m’dek ung ng’zän ci gui, Jerusalem cu m’htei vai ah ng’khü ci.

JEREMIAH 14:2 Referans Kwoze

ISAIAH 3:26

Mang gaw m’kawt gui cu kyap ne ng’pyang khai gui, mang gaw amät cun phi m’dek ung akplui ah ngok ciah hnumi ah mäih ah kyak khai.

JEREMIAH 8:21

Kei ah ka chang gui cu ami dep gui ah kya sei, kei ah ka m’lung cu ng’deng pyi ci gui nei: Kei cu thüi kyap ne, ang htei ah ka thüi aih ci nei.

1 SAMUEL 5:12

Kä sik ciah chang gui phi ami sa ang khe nu law püi sei, chang gui cu, ami Khanpughi naw am htei gui vai ah kyap ne ng’pa ci gui.

ZEKHARIAH 7:13

A i ah kyasei ci ung ka ng’thu cu ngami naw kä ngai ci gui, ngami ah taigü phi kei naw kä ka m’shang gui ci.

JEREMIAH 11:11

Cun ah kyasei thubäi, kei Bawipa naw thu ka k’bäi gui cu, kei naw di nak cu ami khan ah ka law püi khai, ngami cu kä phyawng khai gui. Ngami naw kei naw ka m’htei gui vai ah ami k’thäh ah a kyak ung kei naw kä ka ngai gui khai.

JOEL 2:6

Ngami ami ng’et law ung chang päng cu kyik ci, chang päng a hmai m’sa ci.

JOEL 1:10

Lolai gui auh ci gui; khomdek thüikyap ci, a i ah kyasei ci ung htang gui di yawp ci, sapyit gui ket yawp ci, olive sing gui chawng yawp ci.

HOSEA 4:3

Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”

NG’ÄI KYAH 5:10

Ei cawi nak naw ng’hüüt ne na ui cui ci, Kami vun cu meibum ah mäih ah ang ling güt na ui gui ci.

NG’ÄI KYAH 2:9

M’kawt gui cu ng’gäi ne ng’yän ne ng’phuh ci gui, ami laung gui cu hnget ne ng’bät ci gui. Ghangpughang la chang vai gui cu tuhbäi omktu khaw ah om ci gui. Thukhän phi kä theithang ba ci gui, Prophet gui naw phi Bawipa ungka muimang kä gah ba ci gui.

JEREMIAH 18:22

Ami im gui tu ne phyek khai gui ah chang bum cu kä m’thein gui ah tüi law gui ä; kyi kyawk ne kyah sak gui ä. Ngami naw kei ah ng’kiak nak vai ah khui shawk u ne, ami nap ha nak vai ah cuun cuung ci gui nei.

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

JEREMIAH 4:28

Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.

ISAIAH 33:9

Khaw phi ngän ne ng’gau ci nei. Lebanon bung cu ng’zaai ne, ang lei nik ciah sharon khawng’noi cu khokäu ah kyak ci nei, Bashan khaw la karmela m’htung ung sing ghing gui ung ka sing hnah gui cu kiwi yawp ci gui nei.

ISAIAH 24:7

Sapyit ng’shun gui ng’yai u sei, sapyit tui cu ken law pipi ci. Zeikiai man ciah chang nü cu tuhbäi thüisei ci,

ISAIAH 24:4

Khomdek cu chaung ne ng’yai ci; m’dekhan apum ah thawaih ci; khomdek la khankhaw avan thuce ci.

ISAIAH 15:5

Kei ah kamlung cu Moab ah phäh ah kyap ci nei! Chang gui cu Zoara gawnu la Eklath Shelishiyah ung gawk ne dawng ci gui. Amshah ui luhith lam ung kai ci gui, ami hteh yah pum kyap ci gui; amshah cu m’lau ne kyap ne, Hero naim ah phyawng ne gawk ci gui.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

JOB 34:28

Ngami naw dukhaih ci gui cu Khanpughi ah ma ah kyah m’lau sak u sei, M’htei gui vai ami ng’khü cu ani naw ng’yak ci.

1 SAMUEL 9:16

am “Ngawi ung a tuhbäi chü, Benjamin pakhui ung ka chang tumat ka ning tüih lawk khai, ani cu Israel chang uktu ah na phyuh theh vai nei, ani naw Philistin gui ung ka phyawn gui khai nei. Kei naw ka chang gui ah gein vai nak cu hmu ne, m’htei gui vai ah ami kyah cu ka ng’yak ci nei.”

PHYAWN NAK 2:24

Khanpughi naw ami ng’hlou ei cu ng’ya neta, Abraham, Isaak la Jakob ung ang thukhän cu shüm ba ci.

SAM 144:14

Kami seipat gui cu ak chün ah pung piah u ne, kä chük ka, kä maih m’tham u sä. Kami lam gui ung geinvai kyah m’lau nak kä om men sä.

ISAIAH 24:11

Sapyit tui kä om ba sei, chang gui lam yung ah m’lau ci gui. Zeikiai nak cu ng’pyi ne ng’khawn ci nei; cun cu khaw ung ka, ami maib sak nei.

JEREMIAH 12:11

Ngami naw cun cu khaw k’pu ah pyang ci gui nei; cun cu kei ah ma ah shiu ne om ci nei. Khaw avan cu bung ah kyak ci, a u naw kä m’htei ci.

JEREMIAH 46:12

Pakhui gui naw nami lü ng’aa cu ng’yak ci gui; nami kyah cu chang nü naw ng’yak ci. Gakap tumat cu ahei gakap ah khan ah kai ci, ani nik hnih m’dek ung kya lawk ci goi.

NG’ÄI KYAH 2:8

Zion ah pang gui cu kiuk khai gui nei, Bawipa naw k’bäi ci. Yüm yüm ah m’di nak vai ah ang hteicha nak vai ah ani naw nütdawng pyi ci. Tuhbäi tänghän gui la paang gui cu atäng ah kyu ne ng’yän ci gui.

HAKKAI 1:11

Kei naw khomdekkhan ah khaw käu nak ka yuk chah khai — khogui, khomhtung, loma lai ma, oliv-loma — m’dek ung tho ciah geit avan ah khan — chang avan, khisa avan, ah khan la nami geit nü ah khan ah.”

JOEL 1:11

Cäi ng’ä vä, lo bik ci gui; sapyit m’htei ci gui kyap vä; a i ah kyasei ci ung atun, am guh, geit avan di pyi ci nei.

JOEL 1:14

Ei hlawi taigü vai ah k’bäi vä; chang van ng’bum vä! Ang vai gui la Judah chang gui avan Bawipa nami Khanpughi ah Taigü kyong ah bum u ne, ani ah kyap lau vä!