JEREMIAH 14:18 - Cho Bible Common Language 2016

¹⁸ Kei cu lolai ma ah ka hteh ung ng’tuk nak ung ami ngawn gui cu ka hmuk ci; kei cu gawnu gui ung ka hteh ung ei ah cawi ne sik ciah chang gui cu ka hmuk ci. Prophet gui la taigü gui cu ami bii bik ci gui, cun ung phi a i ami bi kä hmat ci gui.”

JEREMIAH 14:18 Referans Kwoze

EZEKIEL 7:15

Lam gui ung ng’tuk nak gui om ci, im gui kyong ah gawp yam nak la ei cawi nak om ci. Khopäng ah akpung ah lut lawk ci phung cu ng’tuk nak ung sik ci, mang gaw kyong ah om ci gui cu gawpyam nak la ei cawi nak ung sik khai gui.

NG’ÄI KYAH 1:20

O, Bawipa, kei ah ka omdam nak aih, ka m’lung a khüikha nak aih cu teng ä. Kei ah ka katnak gui ah hmawk ah ayä nak awn ka m’lung cu payak ci nei. Lam gui ung ngawn nak om ci, kyong khui ah phi sih nak om ci.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

THULÄÄN NAK 28:36

“Bawipa naw nang la na ghangpughang cu a khaw hei ah ning hteh püi gui khai. Cun cu nangmi nami pupa gui ah kä ami om nak man ah kyak khai. A cu ah nangmi naw sing la lung awn pyan ah khanpughi gui ah bii nami bik khai.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

NG’ÄI KYAH 4:9

Ayanä ng’tuk nak ung sik ci gui cu, akawn ah sik ci gui ah ta bä tuba ci. Ngami cu ami hnun k’pan nak vai ei vai kä om sei, a kyäp kyäp ah sik ci gui ah kyak ci.

JEREMIAH 23:21

Bawipa naw pyen ci, “Shin ah prophet gui cu ami hteh pang ung phi kei naw ka tüih gui ah kä kyak ci. Kei ah min gung thu ami pyen pang ung phi kei naw ng’thu api phi kä ka pe gui ci.

JEREMIAH 2:8

Taigü gui naw, ‘A hawi ang Bawipa?’ cine kä ng’shi thäh ci gui. Kamät ah taigü gui naw kä na hmat ci gui. Uk tu gui naw na hnungtuk püi ci gui; Prophet gui naw Baal ah ming ung thu pyen u ne, akholä ah kyak ciah a gup cu khawihnah ci gui.

ISAIAH 28:7

Prophet gui la taigü gui pui cu awktat u ne kyu shüi shüi ci gui. Ngami cu sapyit tui akda la awktat vai gui akda aw aih u neta gawk vaak kiungtäng ci gui. Prophet gui cu aw aih u neta khanpughi naw ak chaak law gui ah muimang cu kä hmat ci gui, taigü gui phi aw aih u neta, ami law püi ah amawngma gui cu kä phupit kaih yawih hlawt ci gui.

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.

ISAIAH 22:2

Mang gaw avan cu üng eang ne pamcai la cäicat nak awn be ci. Shin ah ng’tuk nak ung sik ciah na chang gui cu, ng’tuk bi ne sik ci gui ah kä kyak ci.

JEREMIAH 6:25

Keimi cu gawhta ung ah kä kami hteit ci, lam gui ung kä kami hteit ci, a i ah kyasei ci ung kyih vai kyak ciah likhim kawt ciah kami ga gui naw ami na koi gui ah phäh ah kyak ci.”

AMOS 4:6

“Kei cu nami mang gaw gui avan ah khan ah leigai ka law püi ciah kyak ci. Cun ung phi nangmi cu kei ah kä nami law ba ci.

NG’ÄI KYAH 2:19

Amü pum pum, tho law ba ba ne, Bawipa ah ma ah kyap ci gui. Nami m’lung kyong gäsei u ne, nami htau nau gui ah khan ah chimgein gui vai ah ng’hui ng’pa vä. A hmaw hta gui cu lam ng’kit päng ung ei cawi ne si vai ci gui nei.