JEREMIAH 14:16 - Cho Bible Common Language 2016

¹⁶ Ngami naw shin ah mawng ami m’thein gui ah chang gui phi ngami ah mäih ah ngawn gui vai. Ngami ah pumsa gui cu Jerusalem lam gui ung ghawh gui vai, cun gui cu a u naw kä phuh gui khai. Cun gui cu ami van ah khan ah gawk khai — ami chu gui, ami htapami gui, la ami hta hnumi gui ah khan ah gawk khai. Ami shekat nak ah phu ami gah vai ah kei naw ka bi gui khai.”

JEREMIAH 14:16 Referans Kwoze

JEREMIAH 7:33

Gook gui cu kha gui la khisa gui ah buh ei ah kyak ci, cun ung cun gui k’täm khai a u phi kä om ci.

NG'THU K'THUUK~ 1:31

Cun ah kyasei nami mät ah geit ah am theih cu nami ei ba khai. Nami mät ah bi naw ning gaw pyam sak gui khai.

JEREMIAH 18:21

Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

THU PHLAAN 16:1

Cun kawn ah pum im ah kyong ungka naw khankho chang pachih-am “Khanpughi ah m’lungshe nak be ciah eikbei chih cu khomdek khan ah yuk hukä cine ng’hawh ne a pyein cu ka ng’yak ci.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

JEREMIAH 9:22

Aksi pumsa gui cu ng’zaih shüi shüi ci gui nei, cun gui cu lai ung eek ng’pum ah mäih ah ng’püm ne, aat ne ami zaih, a u naw kä a kaw ah htang gong ah mäih ah kyak ci gui nei, Shin cu Bawipa naw ka pyen vai ah ana m’thein ah kyak ci.”

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

JEREMIAH 4:18

Judah, nang naw shin gui ci na mät naw na law püi ah kyak ci, cun cu namät ah na ghin om nak la na bi lawh awn ah kyak ci. Na katnak naw shin ah aning yaica sak ah kyak ci; acun naw na m’lung ung ning shun ci nei.

ISAIAH 9:16

Shin ah chang gui matawn ci gui naw lam hma sak gui ne, apum ah ng’cawn kan sak gui ci.

ISAIAH 51:20

Lam ah akit päng ung, na chang gui cu ami k’tha maih sei kiung’täng ci gui nei; Sa pha nak cuun ung awk ciah kigang ah mäih ah kyak ci gui nei.

JEREMIAH 8:1

Cun ah akhin ung Judah ghangpughang gui law Bawi gui ah guk gui, taigü gui, prophet gui la Jerusalem ung om ciah ahei chang gui ah guk gui cu phuh hmun ung ka la khai gui.

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

JEREMIAH 27:15

Bawipa amät naw pyen ci, ngami cu ani naw kä tüi law gui ci, ngami naw ani ah ming awn nangmi cu ning m’hleei gui ci gui. Cun ah kyasei nangmi cu ning k’täm gui khai gui, nangmi la shinahhleei ne ning m’thein gui ciah prophet gui cu ning ngawn gui ci gui.

EZEKIEL 39:14

Cha chih ang pyi kawn ah, cun ah khaw ung hteit khai ah chang gui ghü gui neta, khomdek khan ah om ba ciah cun ah pumsa gui cu shui ne phuh khai gui, cun ah kyasei ngami naw khaw cu theing sak hning khai gui.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

JEREMIAH 9:20

Kei naw ka pyen ci, “Nangmi hnumi gui, Bawipa cu ngai vä, ani ah ng’thu cu ngaih na kheng vä. Nami hta hnumi gui a i cha ah ami thüi kyah vai, 1 nami teipüi gui naw a i cha ah gook kyah ng’äi ami m’cu vai cu m’thei gui vä.

JEREMIAH 20:6

Nang Pashhur la na kyong chang avan cu ning pha gui ne Babilonia ah ning hteh püi gui khai gui. Acu ah nang cu sik ci sei ning phuh khai gui, akda vei hleei ne na m’thein gui man ah na teihpüi gui avan awn atäng ah ning phuh gui khai gui.”