JEREMIAH 14:15 - Cho Bible Common Language 2016

¹⁵ Kei, Bawipa naw, cun ah prophet gui ah khan ah a i ka bi vai cu ka ning m’thein gui ci, ngami cu kä ka tüih gui, kei ah min ung thu pyen u ne, shin ah kho cu ei cawi nak la ng’tuk nak la ei cawi nak awn ka ngawn gui khai.

JEREMIAH 14:15 Referans Kwoze

EZEKIEL 14:10

Prophet la ani ng’shi thäh ciah Chang ani nik hnih naw m’kyuk nak a täng ah gah khai goi.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

JEREMIAH 20:6

Nang Pashhur la na kyong chang avan cu ning pha gui ne Babilonia ah ning hteh püi gui khai gui. Acu ah nang cu sik ci sei ning phuh khai gui, akda vei hleei ne na m’thein gui man ah na teihpüi gui avan awn atäng ah ning phuh gui khai gui.”

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

JEREMIAH 6:15

Shin ah shemshai ci ami bi ah phäh ah ngami ng’aa ca u ne ang? Ka nei, ngami kä ng’aa mui ci gui; a i hawkcha ah ami hmawi a shet vai phi jä hmat ci gui. Cun ah kyasei ngami cu chang hei gui ami kiuk täng ah mäih ah kiuk täng khai gui; Kei naw ka m’kyuk law gui ung cun cu ngami ah ng’pyi nak ah kyak khai. Kei, Bawipa naw ka pyen nei.

1 GHANGPUGHANG GUI 22:25

Mikaiah naw, “Nang cu a hnu täng a khan kyong ah na ng’thup khai ah na hteh law ung na hmuk khai nei” cik ci.

JEREMIAH 23:30

Ami mät ah ng’thu ng’lak tupe u neta, kei ah ng’thu ah pyen ne ng’shäu ciah chang gui cu kei naw ka hnungtuk gui ci nei.

JEREMIAH 27:15

Bawipa amät naw pyen ci, ngami cu ani naw kä tüi law gui ci, ngami naw ani ah ming awn nangmi cu ning m’hleei gui ci gui. Cun ah kyasei nangmi cu ning k’täm gui khai gui, nangmi la shinahhleei ne ning m’thein gui ciah prophet gui cu ning ngawn gui ci gui.

NG’ÄI KYAH 1:19

Kei naw ka khawt püi gui cu ka khü ci, Cun ung phi kei na m’hteihtang vai ah ngami mak ci gui. Taigü gui la ang vaihta gui cu mang gaw lam gui ung sik ci gui. Amät ah hnun ami m’ghin nak vai ah ei cu shui yap ci gui.

NG’ÄI KYAH 2:20

Teng ä, Bawipa, a i ah kyasei shin ah mäih ah na na m’kyuk gui ang? Hnumi gui naw ami m’hni gui ah ami hta gui ah pumsa gui cu ei ci gui nei. Taigü la prophet gui cu taigü im mät ung ngawn gui ci gui nei.

EZEKIEL 13:14

Thung bawk awn ami hluk ah gaw pang cu kei naw ka gäi khai, ka ng’piäh sak khai, ang nei lung gui ka maih sak khai. A cun naw ning geih gui ne name van ning ngawn gui khai. Cun ung Chang nü naw kei cu Bawipa ah nah mat khai.

EZEKIEL 14:9

“Prophet tumat cu hleei hlak ne kä hman ciah m’hlan nak a pek ah a kyak ung, cun cu kei Bawipa naw k a m’hleei hlak ah kyak ci nei. Kei naw ani cu Israel Chang ungka, ka heeng khai.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

THULÄÄN NAK 18:20

Prophet tumat mat naw abi vai kä ka thumkhän ah kei ah ming ung thu pyen khai ah a ling ah a kyak ung, acun ah phäh ah ani cu sik khai. A hei khanpughi gui ah ming awn thu pyen ciah prophet gui phi acun ah kyak khai.

JEREMIAH 8:13

“Lo bik ci naw geit bum ne a khäm ah mäih ah kei naw ka chang gui cu ka khäm gui hlük ci. Cun ung phi ngami cu a hnah ng’yai sei phi kä m’theih ciah sapyit ah mäih, kä m’theih ciah thei ghing ah mäih ah kyak ci gui; cun ah kyasei kei naw khi akpung ah chang gui am khi ka khäm sak gui ah kyak ci.

EZEKIEL 13:9

Muimang pyan ne, kä bä ciah ng’cängbang ciah prophet gui nangmi cu kei naw ka ning m’kyuk gui khai nei. Ka chang gui naw m’hnüt bäi vai ah ami ng’bum nak ung nangmi kä name om tuk khai nei; Israel pahta chang gui ah ming guk nak ung nangmi ah ming kä k’boih tu vai nei; nangmi cu name khaw ung kä name law bap hung khai nei. Cun kawn ah nangmi naw kei cu Uktu Bawipa ah name nah mat khai nei.

EZEKIEL 13:15

“Paang la cun cu thung a bawk awn hluk ciah chang gui cu, kei ah m’lungshe nak ak nui cu gah khai gui. Kei naw ka ning m’thein sui khai. K’paang cu ng’phye pyi ci, acun thung bawk awn hluk ci gui, —

EZEKIEL 33:6

A i ah a kyak ung phi, ga gui ami law cu gawkngäng naw hmu neta, m’thawh let nak kä a tum ah a kyak ung, ga gui naw law ne cun ah kak ciah chang gui cu law ne ngawn khai gui, cun ung kei naw ngami ah sih nak cu, gawkngäng am ka ma na sak khai.