JEREMIAH 14:14 - Cho Bible Common Language 2016

¹⁴ Cun ung phi Bawipa naw na m’shang ne, “Prophet gui naw kei ah min gung ami hleei pyen ci gui nei, kei naw ngami kä ka tüi gui ci, kei naw a i ng’thu kä ka k’bäi gui ci, ng’thu m’kha ät phi kä ka pyen na gui ci. Ngami naw ami pyen ah muimang cu kei ung ka lawk ciah kä kyak ci; ngami ah cängbang nak gui cu ami ngaih düt akholä ah kyak ci.

JEREMIAH 14:14 Referans Kwoze

EZEKIEL 12:24

“Cun kawn ah Israel Chang gui ah ng’lung ah kä hman ciah muimang, kä ciah ng’cängbang nak gui kä om ba khai nei.

JEREMIAH 29:31

Shemaiah mawng shin ah ng’thu cu Babilonia ah Chang phaa gui avan nam m’khäh gui vai ah kyak ci: “Kei, Bawipa naw Shemäiah la a htangshon avan cu ka m’kyuic gui khai. Kei naw ani ning thu püi gui ci. Ani naw a hleei cu nami yum vai ah ning ci gui ci. Nangmi ah ng’lungah ani ah hta ng’shon kä om khai. Kei ne kä hmu tuk khai, a i ah kyasei ci ung ngami naw kei ami na hnungtuk vai ah ani naw m’thein gui ci. Kei, Bawipa naw ka pyen nei.”

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

EZEKIEL 21:29

Nami hmuh ah muimang cu kä hman ci, nami bi ah ng’cängbang cu hleei ah kyak ci. Nangmi cu cheishoh ci, nangmi ah hnüüp, nangmi ning m’kyuk nak gui vai ah hnüüp cu gawk lawk ci nei. Khimsem cu nami gawn ah khan ah kya law vai ci nei.

1 TIMOTHI 4:2

Cun cu m’si m’hling awn m’khih ah mäih ah ami m’lung ngaih sik ciah, hleeihlak ciah chang gui ah m’theithang ah kyak ci.

ZEKHARIAH 13:3

Chang tumat cu angcäbang ba ah a kyak ung ani cu sih nak pek vai ah amät ah nu la pa naw ani m’thein vai, a i ah kyasei ci ung ani naw Bawipa ah ng’thu pyen nak vaisü ung a hleei a pyen ah phäh ah kyak ci. Ani angcäbang yah ung amät ah nu la pa naw shun ne ngawn khai goi nei.

ZEKHARIAH 10:2

Chang gui naw agup gui la k’ce gui cu yum ne ng’shik ci gui, cun ung phi ami gah cu hleeihlak la akholä gui ah kyak ci. Amshah naw ng’mang k’phlan ci, cun naw lam ning hma sak gui ci; ngami naw m’lung üpnak ami ning pek gui cu akholä ah kyak ci. Cun ah kyasei chang gui cu maih ciah htome ah mäih ah ng’vaak shüi ci gui. Ngami cu ami ng’vaihta kä om sei yaica ci gui.

EZEKIEL 13:23

Cun ah kyasei tuh bäi name pyan ah muimang gui la lam hma ciah ng’cängbang nak gui cu ng’pyi pyi ci nei. Kei naw ka Chang gui cu nangmi ah huham ungka ka gung gui ci nei, cun ah kyasei nangmi naw kei cu Bawipa ah nami nah mat khai nei.”

JEREMIAH 37:19

Nangmi la nami khaw Babilonia ghangpughang naw kä tu lawic khai nei, cik ci gui ah na prophet gui cu a i ah ang ami kiak?

JEREMIAH 29:21

“M’gäi ciah Bawipa, Israel Khanpughi naw Kolaiah ah hta Ahab la maaseiah ah hta Zedekiah ah mawng cu pyen ci, ngami naw kei ah min ung ami hleei ning m’thein gui ci gui. Ani naw pyen ci, Babilonia Ghangpughang Nebukhadnezzar ah huham ung ani naw ngami wap gui khai, ani naw ngami cu nami hmuh ah sih nak pe gui khai.

JEREMIAH 28:15

Kei naw shin cu Hananiah am m’thein neta ka k’be ba cu, “Ngai ä, Hananiah! Nang cu Bawipa naw kä ning tüi ci, nang naw shin ah chang gui naw hleei ami yum vai ah na bik ci.

JEREMIAH 28:13

hteit ne Hananiah cu pyen na ä: “Bawipa naw pyen ci, nangmi naw sing awn pyan ah phuih nak cu namicihnget hning khai, cun ung phi ani naw m’siiawn pyan ah phuih nak awn m’thong ba khai.

ISAIAH 9:15

A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

THULÄÄN NAK 18:20

Prophet tumat mat naw abi vai kä ka thumkhän ah kei ah ming ung thu pyen khai ah a ling ah a kyak ung, acun ah phäh ah ani cu sik khai. A hei khanpughi gui ah ming awn thu pyen ciah prophet gui phi acun ah kyak khai.

ISAIAH 56:10

Ani naw pyen ci, “Kei ka chang gui ng’thu k’bäi khai gui ah, ai ng’vai gui ami van cu m’dauh ci gui nei? Ngami a i kä hmat ci gut, Ngami cu im ngäng ciah uk kä ng’nak ciah mäih ah kyak ci gui — ngami cu ng’bo düt ne, ami mang she sei om ci gui. Ngami cu ih vai m’hni aih ci gui!

JEREMIAH 8:11

Ngami naw ka chang gui ah leim cu a i baw düt ah ngai ci gui. Ngami naw, avan kä khan pha mui sei, “Avan khan ci nei” cik ci gui.

JEREMIAH 20:6

Nang Pashhur la na kyong chang avan cu ning pha gui ne Babilonia ah ning hteh püi gui khai gui. Acu ah nang cu sik ci sei ning phuh khai gui, akda vei hleei ne na m’thein gui man ah na teihpüi gui avan awn atäng ah ning phuh gui khai gui.”

JEREMIAH 28:11

Cun kawn ah chang gui avan ah ma ah a pyen cu, “Bawipa naw pyen ci, Changpakhui avan ah hnü ung ghangpughang Nebukhadnezzar naw atha ah phuih htung gui ai hawkcha ah ani naw ci hnget khai; ani naw shin gui cu kum goi ah kyong ung bik khai, ciah kyak ci,” Cun kawn ah kei cu ka hteit ci.

NG’ÄI KYAH 2:9

M’kawt gui cu ng’gäi ne ng’yän ne ng’phuh ci gui, ami laung gui cu hnget ne ng’bät ci gui. Ghangpughang la chang vai gui cu tuhbäi omktu khaw ah om ci gui. Thukhän phi kä theithang ba ci gui, Prophet gui naw phi Bawipa ungka muimang kä gah ba ci gui.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

EZEKIEL 13:2

ani naw pyen ci, “Hnicim Chang, ami mät ah ngaih ah ng’cäng bang ciah Israel prophet gui cu m’shuk cha gui vä. Bawipa ah ng’thu ami ngaih vai ah m’thein gui vä” cik ci.