JEREMIAH 13:22 - Cho Bible Common Language 2016

²² Shin gui avan a i ah kyasei a kyak law cine, nami ng’shi ah a kyak ung — a i ah kyasei nami sui kheei sei sui she nami sui ang ma cun cu nami katnak cu kyih aih vai ah a kyak ah phäh ah kyak ci.

JEREMIAH 13:22 Referans Kwoze

NAHUM 3:5

Ahlüngtai säih Bawipa naw, “Nineveh, nang cu ka ning m’kyuk khai! Nang cu na k’plui ah ka ning om sak khai, Chang pakhui gui naw ning teng khai gui, Na thu ng’aa nak avan ning teng khai gui.

JEREMIAH 5:19

Shin gui avan a i ah kyasei kei naw ka bi ah ami ning shi ah a kyak ung na m’thein gui vai. Jeremiah aw, ngami naw kei na ng’hlah ta u ne, ami mät ah khi ung akho hei khanpughi gui ah bii bik ci gui. Cun ah kyasei ngami cu ami mät ah kaa ah kä kyak ciah kho ung chang khui hei gui ah bii cu bik khai gui.

HOSEA 2:10

Kei naw ani cu am hni gui ah ma ah ak plui ah ka om sak khai. Kei ah ka huham ungka a u naw phi kä hun ba gui hlawt khai.

NG’ÄI KYAH 1:8

Ani m’tamkhah nak cu ng’pyi ci, ani cu k’plui sei a u naw a i ah kä hmu tuk ci. Ani cu ng’hlo ng’ei ne lü ng’aa ne a hmai thup ci. Jerusalem naw kyih aih vai ah akat nak awn amät naw amät lelawi sak ci.

JEREMIAH 13:26

Bawipa amät naw nami sui ning suh sak gui ne, ning lung aa sak gui khai.

THULÄÄN NAK 7:17

“Shin ah chang gui nangmi ah ta da tuba u sei, kä nami täm gui hlawt vai ah mawng cu kä nami pyen en vai.

ISAIAH 3:17

Cun ung phi kei naw ka m’kyuk gui khai-kei naw ami lu k’teiu pe gui ne, a luplup ah ka nawng gui khai.”

ZEPHANIAH 1:12

“Cun yah ung kei naw meikdäi kawt ne Jerusalem cu ka shü khai. Ami mätah hmawk bäng ah ng’ä u ne, ‘Khanpughi naw a i kä na pek ci, a i ah kä na cik khai’ cik ci gui cu ka m’shet gui khai.

HOSEA 12:8

Ngami naw, “Mikmi cu mi bühmang ci, khawh akda mi tak ci. A u naw phi kä düng ci awn mi bühmang ciah kä na bün gui hning ci,” cik ci gui.

HOSEA 2:3

Cun ah kä a bi ba ah a kyak ung ami hta nak ah hnüüp ah mäih ah ak plui ah ka kyak sak khai nei. Kei naw ani cu chawng ne ng’gau ciah khaw ah mäih ah ka kyak sak khai, ani cu tui gha ne sik khai nei.

ISAIAH 47:8

Hüithaw nak m’hni tu aih ciah chang, shin cu Ngai ä, Nang cu ng’geing sei om ne na phyawng ciah na ngai ci. Nang naw, khanpughi ah mäih ah na dämduh ci, nang ah mäih a u kä om ciah na ngai ci. Nang naw a i yah ung phi hmeinu ah kä na kyak khai ah na ngai ci. Na hta gui a maih ah phäh ah na geinvai khai ah kä na ngai ci.

ISAIAH 20:4

Assiria ghangpughang naw um ah khopäng goi ung ka apha gui ah thawngkium gui cu ami plui ah hteh püi gui khai nei. Aghi, ak hmaw, ngami cu ami plui ah phahnat kä ng’leh ne, ami khaang m’dang hteit khai gui nei, Egypt khaw cu thui ng’a sak khai gui.

THULÄÄN NAK 18:21

Na mät na cäi khai. Prophet ah ng’thu pyen cuBawipa ungka lawk ciah kä a kyak ung a i hawkcha na pyen thei khai aw?

THULÄÄN NAK 8:17

Cun ah kyasei nami mät ah thagui la huham awn nami mät naw bämang nak nami bik ciah kä nami ngaih en vai.

JEREMIAH 14:16

Ngami naw shin ah mawng ami m’thein gui ah chang gui phi ngami ah mäih ah ngawn gui vai. Ngami ah pumsa gui cu Jerusalem lam gui ung ghawh gui vai, cun gui cu a u naw kä phuh gui khai. Cun gui cu ami van ah khan ah gawk khai — ami chu gui, ami htapami gui, la ami hta hnumi gui ah khan ah gawk khai. Ami shekat nak ah phu ami gah vai ah kei naw ka bi gui khai.”

EZEKIEL 23:26

Ngami naw nami sui gui k’teek u ne, nami pyülung gui lak khai gui.