JEREMIAH 13:20 - Cho Bible Common Language 2016

²⁰ Jerusalem, teng ä! Na ga gui cu a siiptäng ah ka lawk ci gui nei! Na teng khen vai ah ning ap ah chang gui, nang naw na khäh ghah nak ah chang gui cu a hawi ang?

JEREMIAH 13:20 Referans Kwoze

JEREMIAH 6:22

Bawipa naw pyen ci, “Asiip täng khopäng ung ka chang gui lawk ci gui; asho nak ah om ciah m’gäi ciah pakhui naw ng’tuk vai ah pawng ci nei.

HABAKKUK 1:6

Kei naw Babilonian chang gui cu ka huham mah sak gui khai. Ngami cu theek ne pheet ci gui, Ngami naw khaw kaan ne a khaw hei phi näng khai gui nei.

JEREMIAH 23:2

Shin cu Bawipa, Israel khanpughi naw ak chang gui m’hteit htang khai gui ah uktu gui a pyen nak gui ah kyak ci: “Nangmi naw ka chang gui kä nami m’htei htang ci; nangmi naw püi pyang sak gui ne a hei ah nami k’täm gui ci. Tuhbäi shekat nak nami bi ah phäh ah ka ning m’kyuk gui khai nei.

JEREMIAH 1:14

Ani naw na pyen ma ne, “A siip täng ah ka dishum nak cu shin ah khaw ung om ciah avan ah khan ah gawk lawk khai nei,

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

JEREMIAH 10:22

Ngai vä! Ng’thu gawk lawk ci nei! A siip täng pakhui ung dämduh ciah ng’küknet nak ah kyak ci nei; Ani ah gakap gui naw Judah mang gaw gui cu sa-ui gui ah om nak ah hmun khaw ng’gau ah kyak sak khai gui nei.”

JEREMIAH 1:15

a i ah kya seici ung a siiptäng ah ka changpakhui avan cu kei naw ka khü gui ci. Ami ghangpughang gui naw ami mang-kiang gui cu Jerusalem m’kawt gui la angveing paang gui, la a cun ah mäh ah ahei Judah mang gaw gui angveing gui ung cokyang ci gui.

NG'THU K'THUUK~ 14:28

Ghangpughang ah hlüngtai nak cu chang a i chu a uk ciah khan ah phung ci, a uk vai ka om cicu a kholä ah kyak ci.