JEREMIAH 13:17 - Cho Bible Common Language 2016

¹⁷ Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

JEREMIAH 13:17 Referans Kwoze

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

JEREMIAH 14:17

Ka azä nak ah mawng chang gui am ka m’thein gui vai ah Bawipa naw na ng’thum khan ci: “Amü a hnüüp ka mi kung ng’phli tui long sä, ka thüi kyah nak cu kä ng’düm phung sä. Cun cu ka chang gui ak nui ah leim ne, ana ah ami m’neh ah phäh ah kyak ci nei.

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

EZEKIEL 34:31

“Nangmi ka htome gui, ka m’bei ah htome bum gui cu kei ah ka chang gui nei, kei cu nami Khanpughi nei” uktu Bawipa naw pyen ci.

NG’ÄI KYAH 2:18

O Jerusalem, na paang nu gui cu Bawipa ah ma ah kyah sak gui ä, Amü a hnüüp long ciah tuinu ah mäih ah nami phli tui lon sak vä. Thüikyah nak la thüisei nak awn nami tha maih sak vä.

NG’ÄI KYAH 1:16

Cun ah kyasei kei ah ka mik cu ng’phli tui naw nak plüm ci. A u naw kä na shungvong hlawt ci, a u naw thamah nak kä na pe hlawt ci. Ka ga gui naw na näng pyi ci gui, ka chang gui ung a i kä k’pawih ci.

SAM 119:136

Chang gui naw na thukhän kä ami läk ah hmawk ah tuinu ah mäih ah ka ng’phli li ci nei.

1 SAMUEL 15:35

Samuela naw a ghin ah chuih ghangpughang cu kä hmu ba ci; cun ung phi ani ah khan ah ng’ä ai ci. Saul cu Israel ghangpughang ah kyak khai ah a bi ah phäh ah Bawipa cu a yä ci.

EZEKIEL 36:38

Pawi hnüüp ung douthak ah khawihnah nak ah htome gui cu Jerusalem ung ami be ah mäih ah, tuhbäi dishum ciah mang gaw gui ung chang be khai nei. Cun kawn ah ngami naw kei cu Bawipa ah na hmat khai gui.

NG’ÄI KYAH 1:2

Ayanä a teihpüi mang gui ami van naw tumat naw phi kä shungvong ci gui. Amü pum ani cu kyap sei, ang phlitui gui ang being ung yu ling vük ci gui nei. Ang khawt püi mang gui ami van naw kä bekhüt u ne, tuhbäi ami van naw hnungtuk püi ci gui nei.

JEREMIAH 23:1

A chang gui m’di gui ne püipiang sak ciah chang gui ah khan ah Bawipa ah ng’thumcha nakk cu a i hlawk ah kyih vai ah kyak khai aw!

JEREMIAH 22:5

Cun ung phi nangmi naw ka thumkhän cu kä nami läk ah a kyak ung, kei ka ng’taam ci nei, shin ah mang im cu ng’kia ne di khai nei. Kei Bawipa naw ka pyen nei.

JEREMIAH 17:16

Cun ung phi, Bawipa, nang naw ngami ah khan ah leigai na law püi vai ah kei naw kä ka ning bi sak phung ci nei; ngami ah khan ah khüikha nak agawk vai ah kei naw kä ka ng’ya hlük ci nei. Bawipa, nang naw shin cu na hmat ci.

ISAIAH 63:11

Cunung phi ngami naw azän nä ka, Bawipa ah changshäm, Moses ah akhin cu shüm law ba neta, ngami naw ng’shik ci gui, “Tuinu ung ka, a chang gui ah ami ng’vai gui hun gui ciah Bawipa cu tuhbäi a hawi ang? A mümcha Moses

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

JEREMIAH 15:17

Kei naw ka mät ah khin cu gaih ng’pian om k’ni düt awn kä ka ng’pyi sak ci. Nang ah thukbäi gui cu ngai ne, ka mät naw ka mät om ne, m’lungshe nak awn ka be ci.

JEREMIAH 23:2

Shin cu Bawipa, Israel khanpughi naw ak chang gui m’hteit htang khai gui ah uktu gui a pyen nak gui ah kyak ci: “Nangmi naw ka chang gui kä nami m’htei htang ci; nangmi naw püi pyang sak gui ne a hei ah nami k’täm gui ci. Tuhbäi shekat nak nami bi ah phäh ah ka ning m’kyuk gui khai nei.

NG’ÄI KYAH 1:9

Ani ah kä ng’gängsei nak cu ayäi ah hmuh vai kyak ci. Cun ung phi amät ah m’nü nak cu ani naw kä dang sak ci. Ani ah yung kyak nak cu kyih vai kyak ci, a u naw kä shungvong hlawt ci. Aga gui naw näng u sei, ani cu Bawipa naw ak chimgein vai ah kyap ci.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

EZEKIEL 24:16

Ani naw pyen ci, “Hnicim chang, nang naw na m’hni pi k’bäih ah chang cu kei naw ang ghit ah ka lak khai. Nang cu ng’thu kä na m’da vai, kä na kyah vai, na ng’phli tui kä na chak vai.

NG’ÄI KYAH 3:48

Ka chang gui ami didam ah phäh ah, ka mik ung ka ng’phlitui cu tuinu ah mäih ah long ci nei.