JEREMIAH 13:14 - Cho Bible Common Language 2016

¹⁴ Kei naw ngami a hmaw ang vai, hlüng gui ng’khawng ne ami pazat ah mäih ah ka ci gui khai. A i chi hna nak m’gein sei chimgein nak naw phi ngami ka ngawn nak gui cu kä m’düm sak hlawt khai.”

JEREMIAH 13:14 Referans Kwoze

THULÄÄN NAK 29:20

Cun ah mäih chang cu Bawipa naw kä mgeinsei ci. Bawipa ah ng’hüüt ciah amlungshe nak naw anu cu hnungtuk püi ne däi ne ui khai. Cun kawn ah shin ah ca-uk ung gak ah leigai avan cu ani ah khan ah ng’kia ne, Bawipa naw ani akbe ah kä am di pha ah chuih om khai.

SAM 2:9

Nang naw ngami cu, m’si hteipawng awn uk gui ne; M’dek am gep ciah mäih ah na m’shet gui khai.”

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”

JEREMIAH 6:21

Cun ah kyasei shin ah chang gui ah ami ng’vawn nak vai pyang ne ka ng’tän sak gui khai. Ami pa gui la ami hta gui, ami teihpüi gui la ami paw chang gui si yawp khai gui.

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

MAKUH 13:12

Chang gui cu ami mät ng’phäi nau goi sih nak vai ah ng’ap tuk khai gui. Apa naw a hta cu a sih vai ah ap khai, ami hta gui naw phi ami nupa cu ng’küknet püi u ne, ami sih vai ah ap khai gui.

MATTHE 10:21

‘Chang phäi nau gui tumat la tumat sih nak ung ng’ap tuk khai gui, nupa gui naw ami hta gui sih nak ung ap khai gui, ami hta gui naw phi, ami nupa ah m’cäi kä ngai ne ngawn phak khai gui.

EZEKIEL 24:14

Kei, uktu Bawipa naw ka pyen ci. Kei ka hnun htawh nak vai ah akhin cu gawk lawk ci nei. Kei naw nami katnak cu kä ka nawng khai, m’hni nak kä ka ning m’dang gui khai, kä ka ning chimgein gui khai. Nangmi cu nami bi gui ah phäh ah m’kyuk nak nami gah khai.” Uktu Bawipa naw a pyen nei.

EZEKIEL 9:10

Cun ung phi kei naw ngami kä ka m’gein gui khai: ngami naw chang hei gui ah khan ah ami bi ah mäih ah ngah mi ah khan ah kei naw ka bik khai.”

EZEKIEL 9:5

Khanpughi naw ahei chang tumat a pyen nak cu ka ng’yak ci, “ani cu mang gaw avan ung läk ä, chang gui ngawn gui vä, a u phi kä k’pawih en ah vä a u phi kä chimgein en vä.

EZEKIEL 8:18

Ngami naw kei ah m’lungshe nak akbe ah gah khai gui. Kei naw ngami kä ka k’phiawn gui khai, chimgein nak kä ka m’dang gui khai. Ngami cu ami m’lau hning ah m’lau u ne kei ah taigü khai gui, cun ung phi kei naw kä ka ngai gui khai.

EZEKIEL 7:9

Kei naw nangmi kä ka ning phiawn gui khai, chimgein nak api phi kä ka ning m’dang gui khai. Nang naw shemshai ci gui na bi ah phäh ah kei naw ka ning m’kyuk lawk khai, cun ung nang naw kei cu Bawipa ah nah mat khai, kei cu nang ning m’kyuk ciah tumat ah ka kyak cu nah mat khai.”

EZEKIEL 7:4

Kei naw nang cu kä ka ning phiawn khai, chimgein nak api phi kä ka ning m’dang khai. Nang naw shemshai ci gui na bi ah phäh ah kei naw ka ning m’kyuk lawk khai, cun ung nang naw kei cu Bawipa ah na nah mat khai.”

JEREMIAH 48:12

“Cun ah kyasei tuhbäi, Moab cu sapyit tui ah mäih ah huk khai ah channg ka tüih law nak vai ah akhin gawk lawk ci nei. Ngami sapyit hlüng cu ghawng khai ah ci u ne, khui khai ah cik khai gui nei.

JEREMIAH 47:3

Ngami naw ng’se gui ah kho ng’leh ng’yak khai gui, yatha gui ah ng’kyeet, piing gui ah ng’phiui ng’yak khai gui. Nupa gui naw ami hta hmaw gui cu ng’hlat ne kä teng ba khai gui; Ami kut gui cu ng’gung ne ng’bat khai.

JEREMIAH 16:5

“Nangmi cu thüi kyah nak ah im ung kä nami luh vai. A u ah phäh ah phi kä nami thüi sei vai. Kei naw ka chang gui cu deimdeeih nak awn hriham kä ka pe ba gui khai, m’hni nak la chimgein nak kä ka m’dang gui khai.

2 SHONTÄP NAK 20:23

Ammonit gui la Moabit gui naw Edomit gui cu tu gui u ne m’di gui ci gui, cun kawn ah ami mät ak hnu ah ng’tuk ci gui.

1 SAMUEL 14:16

Benjamin khaw Gibeah ung gaw ngäng ciah Saul ah chang gui naw Philistin gui cu püpiang ne ami dawng cu hmuk ci gui.

JOB 27:22

Ngami ami phiaswn vai ah ami k’tha nak yah ung a cun ah khi naw kä m’gein ne khi ba gui mä khai.

JEREMIAH 15:5

Bawipa naw pyen ci, “Jerusalem chang gui, a u naw nangmi ning chihna gui khai ang? Nangmi ah phäh ah a u thüi sei khai ang? A u naw nami gawgai ah mawng ng’düi ne ning shi gui khai ang?

NG’ÄI KYAH 2:21

Chang nong gui la aghipa gui cu atäng ah lam ung si ne ng’yän ci gui. Pami hnumi chang nong gui cu ga gui ah khimsem gui naw ngawn gui ci gui nei. Na m’lungshe nak ah kho hhnüüp ung chimgein nak kä om ciah nang naw na ngawn sheh gui ci nei.

HOSEA 2:4

Kei naw ani ah hta nau gui ah khan ah m’geinsei nak kä ka m’dang khai. Ngami cu lü ng’a nak kä om ciah pawmyau ciah hta nau gui ah kyak ci. Ani a mät naw pyen ci, “Kei cu ka m’hni gui ah ka hteit khai — ngami naw ei akni, tui akni, memu akni, linen sui akni, olive situi akni, sapyit tui akni na pek khai gui.”

ZEKHARIAH 11:6

(Bawipa naw, “Kei naw khomdek khan ung a u phi kä ka m’gein ba khai. Kei ka mät naw chang avan cu ami mät uk gui ci gui ah huham ah ka ah ka tha gui khai. Uktu chang gui naw khomdek khan cu m’di m’shum khai gui. Ngami ah huham ah ka ungka kei naw kä ka hun gui khai.”)

JEREMIAH 15:6

Nangmi chang gui naw nami na hnungtuk püi ci; Nangmi naw nami na ng’hlah tak ci. Cun ah kyasei kei naw ka kut shäng ne ka ning güüt gui khai, a i ah kyasei ci ung kei cu ka m’lungshe ka k’üüp nak ka cüm lawk ci.

JEREMIAH 25:16

Cun ami aw kung ngami hnungtuk püi gui khai ah kei naw ka tüih law ah ng’tuk nak awn ngami cu awktat u ne gu k’taak khai gui nei.”

EZEKIEL 7:3

“Israel, ang pyi nak cu gawk lawk ci nei. Nang naw kei ah m’lungshe nak cu nag ah khai, ai ah kyasei ci ung nang naw na bi ah phäh ah kei naw ka ning m’khoi chak ci nei. Nang naw na bi ah shemshai ci gui avan cu kei naw ka ning pe ba khai nei.