JEREMIAH 13:11 - Cho Bible Common Language 2016

¹¹ Sui k’tawi cu khei ung htek khai ah pin ne ciah mäih, Israel la Judah chang gui ami van cu kei ung ami kawp vai ah kei naw ka ng’ya hlük ci. Cun ah kei naw ka bi cu ngami ci kei ah chang ah kya u ne, kei ah ming m’hlüngtai nak vai la m’tamkhah nak vai ami law püi vai ah kyak ci; cun ung phi ngami naw kei kä na ngai ci gui.

JEREMIAH 13:11 Referans Kwoze

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

ISAIAH 43:21

Ngami cu kei naw ka mät ah phäh ah ka pyan ah chang gui ah kyak ci, Ngami naw kei ami na m’tam nak ng’äi m’cu khai gui!”

SAM 81:11

“Cun ung phi ka chang gui naw kä na ngai ci gui; Israel gui naw kä na läk ci gui.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

JEREMIAH 32:20

Cau pui nang naw Egypt khaw ah cäicih gui vai la cäicat gui vai vu na bik ci, nang naw na bi gäk gäk ci, cun ah kyasei tuhbäi ung nang khaw nü ung ning hmat ci gui.

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

JEREMIAH 7:26

Cun ung phi a u naw phi kä na ngai ci, a i ah kä na sui ci. Cun nak vaisü ung nangmi cu ling law pi u ne, nami pupa gui ah ta nami hnungtuk law pi ci.

JEREMIAH 6:17

Phyung heng tum ngäng ne ngai khai ah chang tumat cu Bawipa naw m’düih ci. Cun ung phi ngami naw, “kä kami ngai khai nei” cik ci gui.

ISAIAH 62:12

Nangmi cu “Khanpughi ah Theigcim ciah chang”, “Bawipa naw a hun ah chang” cine ning khü gui khai gui nei. Jerusalem cu, “Khanpughi naw a m’hni ah mang gaw.” “Khanpughi naw kä a nawng phung ah mang gaw” cine khü khai gui nei.

SAM 147:20

Ani naw shin gui cu chang khuihei ung kä bik ci; ngami naw ani ah thukhän kä hmat ci gui. Bawipa cu m’tam nei!

SAM 135:4

Ani naw amät ah hmawk ah Jakob cu ghü ne, Israel chang gui ci kaa na gui ci.

THULÄÄN NAK 26:18

Tuhngawi Bawipa naw a shaitak ah mäih ah amät ah chang ah ning dou gui pyi ci. A thukhän avan nami läk vai ah ning thumkhän gui ci.

THULÄÄN NAK 4:7

“A u ni pakhui a i hlawk ah dämduh ci phi Bawipa mi Khanpughi naw ana om püi gui ah mäih ah ami ng’yak hlü sang ung ami khanpughi naw kä et püi gui ci. Ana m’htei gui vai ami khü päng ung ani naw na m’shang gui ci.

LUKA 10:11

Cun ung phi Khanpughi ah Uknak kho cu nangmi ah pei ah gawk law pyi ci, nami hmat vai nei” cine nami m’thein gui vai.

JEREMIAH 7:13

Nangmi naw shin ah katnak gui avan nami bik ci, kei naw leng ba ba ne ning thu püi gui ngä sei phi ma ne kä nami ngai ci. Kei naw ka ning khü gui ung nangmi naw kä nami m’shang ci.

JEREMIAH 7:23

Cun ung phi ka ng’thu ami ngaih vai ah ka thumkhän gui ci, cun ah kyasei kei cu ngami ah Khanpughi ah ka kyak ci, ngami cu kei ah chang ah kyak khai gui. Kei naw kei ah ka thumkhän ah mäih ah ami om vai ah ja pyen ah gui ci, cun un apäng avan cu akni ah kyak khai.

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

JEREMIAH 13:1

Bawipa naw na m’thein ci, hteit ne akyong ah suisak gui hleih ne, ka sui sak vai, cun ung phi tui ung ka ng’shüih sak vai.

JEREMIAH 13:12

Bawipa, Khanpughi naw na pyen nak ci, “Jeremiah, Sapyit tui hlüng phung sapyit tui awn ami k’be vai ah Israel chang gui cu m’thein gui ä. Ngami naw sapyit tui hlüng phung sapyit tui awn k’be vai ah hmat ci gui ah pyen ne ning m’shang khai gui.

AMOS 3:1

Israel chang gui, shin ah ng’thu cui ngai vä, nangmi ah mawng Bawipa ah thu pyen nei. Khih pawn nak ungka k’phian ah pakhui, Egypt khaw ah kaa a ning law püi ba gui ah kyak ci nei.

THULÄÄN NAK 26:19

Ani naw a tüisho ah pakhui gui ung, ak däm pi ah ning pyang gui khai. Nangmi naw ani ah ng’ming m’hlümtai nak la m’tamkhah nak cu nami law püi khai. Ani naw a shaitak ah mäih ah nangmi cu amät ah chang ah nami kyak khai.

JEREMIAH 19:15

m’gäi ciah Bawipa, Israel khanpughi naw ana pyen sak cu chang avan am ka m’thein gui ci. Kei naw ka pyen cu, “kei naw shin ah mang gaw la a pei yung ah gaw nu nü ah khan ah kei naw ka bi vai ah ka pyen ah m’kyuk nak avan cu ka law püi khai, a i ah kyasei ci ung nangmi cu nami m’lung liing sei kei ah ng’thu kä nami ngaih ah phäh ah kyak ci.