JEREMIAH 12:8 - Cho Bible Common Language 2016

⁸ Kei ah ka ghü ah chang gui naw na hnu na ne na ng’hlah tak ci gui nei; khopya ah om ciah kawng ah mäih ah kei cu na m’ngawng ci gui, cun ah kyasei kei naw ka thüi na gui ci.

JEREMIAH 12:8 Referans Kwoze

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

HOSEA 9:15

Bawipa naw pyen ci, “Ngami naw akshe ami bi nak avan cu Kikal ung ng’tün ci, Acu ah tün ne kei naw ngami cu ka thüi na gui ci. Ngami naw shetkat nak ami bi ah phäh ah kyak ci. Kei naw ka khaw ungka naw ka k’täm gui khai, kei naw kä ka m’hni ba gui khai. Ami ng’vai gui ami van naw na hnungtuk püi ci gui.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

JEREMIAH 51:38

Babilonian gui ami van cu phongkawng hlui ah mäih ah m’ngaw u ne, kawng hta ah mäih ah ng’ging ci gui.

JEREMIAH 2:15

Ngami naw phongkawng ah mäh ah m’ngaw shi ci gui; ani ah kho cu khong gau ah kyak khai ah cikci gui, ani ah gaw nu gui cu di ne ng’zän ci, nawng lüng vai ah kyak ci.

ISAIAH 59:13

Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.

EZEKIEL 23:18

Ani cu Chang hli ah ng’ung ah kä suisa ne om ci, Chang nü naw ani cu p awm zau ciah hmat ci. Kei cu ani naw apai naw ana shemshai ah mäih ah na m’shemshai ci.

MIKHAH 2:8

Bawipa ah m’shan nak cu, “Kei ah chang gui cu ga ah mäih ah nami tu gui ci. Chang gui cu ng’tuk nak ungka law ba u ne, im ah ngaih gep ne om vai ah ngai ci gui. Cun ung phi nangmi naw ami sui nami m’guk khai ah nami ngäng ci.