JEREMIAH 12:5 - Cho Bible Common Language 2016

⁵ Bawipa naw pyen ci, “Jeremiah, chang gui awn ng’läng na u ne, na cümbawng ah a kyak ung, ng’se gui a i cha ah na ng’längna püi gui khai aw? Nang cu khaw ng’piä ung kä na ng’düih hning ah a kyak ung, Jordan tuinu pei bung puk ah a i hawkcha na ng’düi khai aw?

JEREMIAH 12:5 Referans Kwoze

1 PETER 4:12

Ka teihpüi gui aw, nami geinvai nak vai ah ng’hlo ng’ei nak ah m’nüm nak nami khan ah a gawk law ah hmawk ah kä nami cäicat vai, cun gui cu nangmi ah phäh ah ak küikyang ah kä kyak ci.

NG'THU K'THUUK~ 24:10

Nang cu küikyang ciah akhin ung na tha aken ung akcang ah na tha ken khai.

JEREMIAH 50:44

“Jordan lawng yung sing shah ciah bung ka khu m’kim khaw ungka phong kawng a luh law ah mäih ah, kei, Bawipa cu law ne, Babilonian gui ami mang gaw ungka ang ghit ah dawng khai gui ah ka cik khai. Cun kawn ah kei naw ka ghü ah ang vain aw khui khaw cu uk khai. Kei awn m’täng hning vai a u om khai ang? Kei na ng’küknet püi khai a u om khai ang. A i uktu naw kei na hnu na hning khai ang?

JEREMIAH 49:19

Jordan lawng yung bungpuk sing hmu, khu m’kim ung ka lut lawk ciah phong kawng ah mäih ah kei cu law neta, Edomit gui ami khaw ungka ang ghit ah dawng khai gui ah ka ci gui khai. Cun kawn ah kei naw ka ghü ah ang vai gui naw pakhui cu uk khai gui. Kei awn m’täng vai a u om khai ang? Kei na ng’küknet püi khai a u om khai ang? A u uktu naw kei na hnungtuk püi hning khai ang?

NG'THU K'THUUK~ 3:11

Ka hta, Bawipa naw a ning m’shung hlawi ung na läk vai, khän ne a ning m’cäi ah na hmat vai.

JEREMIAH 36:26

Cun kawn ah ani naw ng’thukbäi ne, manghta Jerahmeela cu Azriel ah hta Seraiah la Abdeel ah hta Shelemiah awn atäng ah kei la ka secretary Baruk cu na pha gui khai ah tüi gui ci. Cun ung phi Bawipa naw keimi cu na thup gui ci.

JEREMIAH 26:8

Kei naw ka pyen vai ah Bawipa naw ana thumkhän gui avan kei naw ka pyi vai am, ngami naw kei cu nak koi u neta, m’lau ci gui, “Shin ah phäh ah nang cu ning ngawn vai nei!

1 SHONTÄP NAK 12:15

Khawkum ah akhtükbäih cha ung, Jordan tuinu kam ung be ne adäm yah ung, ngami naw tui heik kat u neta, tuinu ah akhei, ak kyang khongnawi ung om ciah chang gui cu k’püi ne dawng sak gui ci gui.

JEREMIAH 11:21

Anathoth chang gui naw kei cu na ngawn hlük ci gui, kei naw Bawipa ah ng’thu k’pang ne ka ng’shäu ah a kyak ung, na ngawn khai gui ah pyen ci gui.