JEREMIAH 12:4 - Cho Bible Common Language 2016

⁴ Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

JEREMIAH 12:4 Referans Kwoze

JEREMIAH 9:10

Kei naw ka pyen ci, “Khomhtung gui ah phäh ah kei ka thui kyap khai, khulim gui ah phäh ah ka kyap m’lau khai, a i ah kyasei ci ung ngami cu chawng u sei, cun gui cu kan ne a u kä hteit ba khai. Khiksa gui ah ng’ging gui cu a u naw kä ng’yak ba ci; kha gui la khisa gui phi dawng yawp ci gui.”

JEREMIAH 4:25

Chang a u phi om sei kä ka hmuk ci; kha gui phi zong yawp ci gui.

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

ROMAN 8:22

Mi van naw mi hmat yawp ah tuhbäichü a khin ung, a tüi pian gui avan cu, nau poi m’neh ah mäih ah nat nak om ci.

HOSEA 4:3

Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”

JEREMIAH 23:10

Shin ah khaw cu kä bekhüt ciah chang gui awn be ci nei; ngami cu a omshe ah ghing om u ne, ami huham akshe ah mang ci gui. Bawipa ah plah taam ah phäh ah mi khaw cu thüi sei ne, khulim gui cu chawng yawp ci.

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

HABAKKUK 3:17

Thei gui kä a m’theih ba ung phi, Sapyit gui kä a ng’shun ba ung phi, Olive sing theih a kyawi yawp ung phi, lolai ung geit kä a thawh ba ung phi, htome gui avan a sih yawp ung phi, sei ng’vong gui a ghawng yawp ung phi.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

JEREMIAH 14:2

“Judah cu thüi kyap ci; ani ah mang gaw gui cu sik ci gui, ani ah chang gui cu azä ne m’dek ung ng’zän ci gui, Jerusalem cu m’htei vai ah ng’khü ci.

JEREMIAH 5:13

Ngami naw ami pyen cu, prophet gui cu a kholä nei, ngami cu khokhi nei, ngami ung Bawipa ah ng’thu kä om ci nei. Bawipa m’gäi ciah Khanpughi naw kei na pyen nak ci.” Jeremiah, shin na chang gui naw shin na müih ah ng’thu ami pyen na phäh ah nang ah m’gawn ung kei ah ka ng’thu cu mei ah mäih ah ka pyang khai nei. Chang gui cu sing ah mäih ah kyak khai gui, ngami cu mei naw ui gui yawp khai.”

JEREMIAH 4:28

Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.

SAM 50:21

Nang naw shin ah mäih gui bik ci sei, kei naw a i kä ka pyen ci. Cun ah kyasei kei cu nang ah mäih ah ka kyak ciah na ngai ci. Cun ung phi tuhbäi nang cu ka ning züi m’cäi ci.

JEREMIAH 12:11

Ngami naw cun cu khaw k’pu ah pyang ci gui nei; cun cu kei ah ma ah shiu ne om ci nei. Khaw avan cu bung ah kyak ci, a u naw kä m’htei ci.

JOEL 1:18

Sei gui cu geinvai ne m’lau ci gui a i ah kyasei ci ung ami ei vai khu kä om ci; hto ng’bum gui phi yaica ci gui.

AMOS 1:2

Amos naw, Zion m’htung khan ah Bawipa ng’hawh ci; Jerusalem ungka ak aw cu hmumkyeek ci. Khulim gui chawng ci, Karmela m’htung khan ah khu m’kim gui ng’yaai yawp ci nei” cik ci.

ZEKHARIAH 1:12

Khankho chang naw, “M’gäi ciah Bawipa, nang cu Jerusalem la Judah mang gaw gui ah khan ah tuhbäi güt khawkum chihkip ung na m’lungshe ci nei. Nam’gein nak gui na m’dang vai cu khaw a i güt sho ba khai ang?” cine ng’shik ci.

ISAIAH 24:4

Khomdek cu chaung ne ng’yai ci; m’dekhan apum ah thawaih ci; khomdek la khankhaw avan thuce ci.

ISAIAH 24:6

Cun ah kyasei khanpughi naw khomdek khan ung plah taam nak gawk sak ci. A chang gui naw bi ah phu cu pek ci gui. Ken law pi, ken law pi cicu k’pawih lawk ci gui.

JEREMIAH 9:9

Shin gui ah phäh ah kei naw kä m’kyuk gui ne ka om khai ma? Shin ah mäih pakhui ah khan ah kei naw phu kä tuk ah ka om khai ma? Kei, Bawipa naw ka pyen ci.