JEREMIAH 12:13 - Cho Bible Common Language 2016

¹³ Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”

JEREMIAH 12:13 Referans Kwoze

HAKKAI 1:6

Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

MIKHAH 6:15

Htang nami phu khai, cun ung phi kä nami khäm ba khai. Olive situi nami neen khai, kä nami mang khai. Sapyit tui nami piang khai, kä nami awk khai.

THULÄÄN NAK 28:38

Nangmi naw m’shi akda nami phu khai, cun ung phi api hta nami khäm ba khai, a i ah kyasei ci ung khanpeh gui naw nami geit gui ei khai gui.

ISAIAH 55:2

Phü m’ghüm vai ah kä kyak ci ung, a i ah kyasei ngui na mang ang? Na ng’cheng chuh cu mang neta, a i ah kyasei, ei na cawi lä ang? Kei cu na ngai ä, kei ah pyen ah bilo ä, cun ung ei ak ni pi ei ne na yeikyai khai nei.

TAIGÜTHUM 26:16

kei naw ka ning m’kyuk gui khai. Kei naw nami khan ah leigai ka law püi khai. Kä m’htei hlawt vai ah katnak, gawpai nak gui; a cun gui naw nami mik m’dauh sak khai, nami ghin nak kholä sak khai. Nangmi naw m’shi nami geit khai, cun ung phi cun naw kä ning ni sak gui khai, a i ah kyasei ci ung nami ga gui naw ning näng gui u ne, nami geit phi ei yawp khai gui.

HABAKKUK 2:13

Nami nang gui ah pakhui gui cu, ami thagui akholä ah kia ne, ami cawh kyan avan cu mei m’lei ah kya yawp ci. Cun cu m’gäi ciah Bawipa ah bi ah kyak ci.

JEREMIAH 4:26

Anglei nik ciah khaw cu khaw ng’gau ah kyak ci; Bawipa ah nui aih ciah amlungshe nak awn acun ung mang gaw gui cu di yawp ci.

ROMAN 6:21

Cun yah ung nami bi lawh gui naw a i ah phi kä ning khüi ng’vong gui ci, cun naw tuk bäi ning lü ng’aa sak gui ne, ak hnu ah sih nak ung ning gawk sak gui ci.

TAIGÜTHUM 26:20

K’tha na ne nami bi gui avan naw kä akni ah ning ci ba gui khai, a i ah kyasei ci ung nami khonglei naw geit kä m’thawk ba khai, sing ghing gui kä m’theih ba khai gui.

JEREMIAH 9:5

Ngami ami van naw ami teihpüi gui lam h ma sak u ne, a u naw a hman kä pyen ci; Ngami naw ami m’lei cu hleei nak m’thei u ne, ami katnak cu kä nawng hlawt ci gui. Ngami naw ngawn pha nak tumat kawn ah tumat bi u ne, hleei hlak nak tumat cu ahei tumat naw läk law ba ci. Bawipa naw pyen ci, ani ah a chang gui naw ani cu hnungtuk ci gui.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

SAM 78:62

Ani cu akchang gui ah khan ah m’lung she neta, ami ga gui am ngawn sak gui ci.

HOSEA 8:7

Ngami cu khokhi phu u ne kuiphak khäm ba khai gui nei. Lai ung htang kä a hmin ung ai m’htut phi kä pyan hlawt vai. Cun ung a hmin ung phi akhohei chang gui naw ei yawp khai gui.

HAKKAI 1:9

“Akda nami khäm khai ah ngai u ci sei phi, api ah taang ci. Im ah nami law püi ung kei naw ka muh phyit ci. A i ah kyasei cun ah ka ci ang? A chang sing nami im ah ng’ä ne co u ci sei, ka Taigüim seka ne a kyak ah phäh ah kyak ci.