JEREMIAH 11:7 - Cho Bible Common Language 2016

⁷ Kei naw Egypt ah ka ami pupa gui ka law püi ba gui sangung kei naw ami na ngaih vai ah akni ah m’cäi gui ne, kei naw acun ah hnüüp güt ung chang gui m’cäi gui ne ka k’paang gui ci.

JEREMIAH 11:7 Referans Kwoze

2 SHONTÄP NAK 36:15

Ami pupa gui ah Khanpughi Bawipa naw a chang gui m’hting gui khai ah prophet gui cu tüi law gäk ci, a i ah kyasei ci ung ani naw ngami la Taigüim cu gun gui vai ah ng’ya hlük ci.

EPHESIAN 4:17

Cun ah kyasei nang mi cu kä yum ci gui ah mäih ah, kä nami om ih ngaih-tüh ba lä vai ah Bawipa ming ung ka ning khän gui ci nei.

1 SAMUEL 8:9

Cun ah kyasei ngai gui ä, ami ghangpughang naw a i hawi ah a om püi gui vai ah mawng cu m’thein gui ä.”

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

2 THESSALONIAN 3:12

Cun ah mäih ah chang gui cu, akni ah om u ne, ami mät ah hnun m’ghin nak vai ami mät naw ami bilawh vai ah, Bawipa Jesuh Khrit ah ang ming awn kami m’cäi gui ci nei.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 25:4

Bawipa naw a changshäm prophet gui k’täi ne ning tüih law gui sei phi nangmi naw kä nami ngai ci, a i ah kä nami sui ci.

JEREMIAH 11:4

Cun ah thukhän cu cun ah khaw cu ngami ah phäh ah mei cang ah mäih ah mäih ah kyak ci. Egypt khaw ungka ka law püi ba gui yah ung ami pupa gui am ka pek gui thumkhän ah kyak ci. Kei ami na ngaih vai la kei ah ka thumkhän nü ami bi vai ah kei naw ka m’thein gui ci. Ka m’thein gui ci, kei amo na ngaih ah a kyak ung ngami cu kei ah chang ah kyak khai gui, kei cu ngami ah Khanpughi ah ka kyak khai.

JEREMIAH 7:13

Nangmi naw shin ah katnak gui avan nami bik ci, kei naw leng ba ba ne ning thu püi gui ngä sei phi ma ne kä nami ngai ci. Kei naw ka ning khü gui ung nangmi naw kä nami m’shang ci.

THULÄÄN NAK 30:20

Bawipa nami Khanpughi cu m’hni yum vä, a bet ng’yah vä, bekhüt vä, cun ung nangmi ah nami htangshong gui cu nami pughi gui Abraham, Issak, la Jakob am apet ah kho ung ghi ne nami ghing khai.

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

THULÄÄN NAK 8:6

Cun ah kyasei Bawipa naw a ning thumkhän gui ah mäih ah nami bi vai, Ang thukhän ah ciah ghing u ne ani nami läk vai.

THULÄÄN NAK 6:2

Nangmi nami om ah chuih nangmi la nami htangshon gui naw Bawipa nami Khanpughi cu m’tamkhah u ne, kei naw ka ning pek gui ah thumkhän avan cu nami läk vai, cun ung nangmi cu cun ah khaw ung akshou nu nami om khai.

THULÄÄN NAK 5:29

Ngami naw a shin ah mäih bäng angtäi sei ami ngaih ah a kyak ung, ngami naw angtäi sei kei bäng nam tamkhah u neka thumkhän avan ami läk ah a kyak ung, ngami la ami htangshon gui ah phäh ah khaw ng’län ung a päng avan cu nik khai nei.

THULÄÄN NAK 4:6

Nangmi naw bekhüt ne nami läk vai. Acun naw nangmi a i hlawk ah nami cüivai cu changpakhui hei gui ung dang sak khai. Ngami naw shin ah thukhän avan ami ng’yak ah a kyak ung ngami naw pyen khai gui, Shin ah dämduh ciah pakhui ung a i hlawk ah cüivai nak la lunglang nak om lawk ci ang?”

JEREMIAH 25:3

“Amon ah hta Josiah Judah ghangpughang ah a kyak nak akum gha lei thum ungka naw kum m’ku lei thum ung, atuh ngawi ung khüt sei, Bawipa naw na ng’thu püi ci, ani naw a pyen phung cu kä hnam ne ka ning m’thein gui ci, cun ung phi nangmi naw a i ah kä nami ngai ci.

JEREMIAH 31:32

Cun cu kei naw ngami Egypt ah kut ungka ka luh law püi ba gui yah ung ami pupa gui awn ka bi ah thukhäu phyim ah mäih ah kä kyak ci. Kei cu ngami ah cei ah mäih ah kya ngä sei phi, ngami naw cun ah thukhäm cu kä k’pang ci gui.

JEREMIAH 35:14

Jonadab htangshon gui naw, sapyit tui kä awk vai ah ani ah thumkhän cu ngai ci gui, tuh ngawi güt ung a u naw phi kä awk ci gui. Cun ung phi kei naw k’pang ne ning thu püi gui ngä sei phi, nang mi naw kä nami ngai ci.

ZEKHARIAH 1:4

Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.

2 GHANGPUGHANG GUI 17:13

Bawipa naw a changshäm gui la prophet cu kä ngai ci gui. Judah ung m’cäi gui khai ah tüi law ne; “Nami shetkat nak gui cu nawng ne kei ah ka ng’thu cu ngai vä, cun gui cu kei naw nami pupa gui am ka pek ah thukhän ung om ci nei, cun gui cu kei naw ka changshäm prophet gui ung ka ning pek gui nei.”

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

JEREMIAH 34:14

khokum chuk ung ami bii bik ciah Hebrew khlei htein phjung akum chin nak päng ung m’hlawt vai. Cun ung phi nami pupa hui naw kei cu ai ah kä na sui ci gui, kei ah pyeu phi kä ngai ci gui.

HOSEA 4:1

Bawipa naw cun ah khaw ung om ciah chang gui cu hnungtuk ne k’bün gui ci, Israel gui ngai vä, ani naw a pyen cu, “Shin ah khaw ung bekhüt nak la m’hni nak kä om ba ci, chang gui naw kei cu Khanpughi ah kä na ngai ba ci gui.

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,