JEREMIAH 11:4 - Cho Bible Common Language 2016

⁴ Cun ah thukhän cu cun ah khaw cu ngami ah phäh ah mei cang ah mäih ah mäih ah kyak ci. Egypt khaw ungka ka law püi ba gui yah ung ami pupa gui am ka pek gui thumkhän ah kyak ci. Kei ami na ngaih vai la kei ah ka thumkhän nü ami bi vai ah kei naw ka m’thein gui ci. Ka m’thein gui ci, kei amo na ngaih ah a kyak ung ngami cu kei ah chang ah kyak khai gui, kei cu ngami ah Khanpughi ah ka kyak khai.

JEREMIAH 11:4 Referans Kwoze

THULÄÄN NAK 4:20

Cun ung phi nangmi cu Egypt khaw mei k’cang ungka aning gun ba gui ah chang ah nami kyak ci. A tuhngawi ah mät ah chang ah a ning pyan gui vai ah aning law püi ba gui ah kyak ci.

TAIGÜTHUM 26:12

Kei cu nangmi awn a täng ah ka om khai; kei cu nami Khanpughi ah ka kyak khai, nangmi cu kei ah chang ah nami kyak khai.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

ZEKHARIAH 8:8

Jerusalem ung om ba khai gui ah akhei, ak kyang ung ah ka law püi ba gui khai nei. Ngami cu ka chang ah kyak khai gui, kei cu ngami ah Khanpughi ah ka kyak khai, Bekhüt nak la taga nak awn ka uk gui khai.

JEREMIAH 24:7

Ngami am kei Bawipa ah ka kyak ah ami hmat nak hlü cu ka pe gui khai. Cun kawn ah ngami cu kei ah chang ah kyak khai gui, kei cu ngami ah khanpughi ah ka kyak khai, a i ah kyasei ci ung ngami cu ami m’lung kyong avan awn kei ah ng’hlat law ba khai gui.

1 GHANGPUGHANG GUI 8:51

Ngami cu namät ah chang ah kyak ci gui, ngami cu mei däi ciah meibuum ah mäih ah kyak ciah Egypt kho ah ka na law püi ba gui ah kyak ci.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

EZEKIEL 37:23

Ngami naw ami mät shemshai ciah agup gui awn kä lelawi ba sak khai gui, ami katnak awn ami mät ka m’shet ba khai gui. Kei naw ngami cu ami katnak lam gui la kei ami na katnak avan ungka kei naw ka m’hlawt gui khai. Kei naw ka theingthap sak gui khai: ngami cu kei ah chang ah kyak khai gui kei cu ngami ah Khanpughi ah ka kyak khai.

EZEKIEL 36:28

Cun kawn ah nangmi cu kei naw nami pupa gui am ka pek gui ah khaw ung nami om khai. Nangmi cu kei ah chang ah nami kyak khai, kei cu nangmi ah Khanpughi ah ka kyak khai.

EZEKIEL 14:11

Israel Chang gui naw kei kä na nawng u ne, ami katnak awn ami mät kä ami lelawi vai ah kei naw cun ah ka bik khai nei. Ngami cu kei ah Chang ah kyak khai gui, kei cu ngami ah khanpughi ah ka kyak khai.” Uktu Bawipa naw a pyen nei.

EZEKIEL 11:20

Cun ung ngami naw kei ah thukhän gui cu k’paang u ne, kei ah thumkhän gui avan cu bekhüt ne läk khai gui. Ngami cu kei ah Chang ah kyak khai gui, kei cu ngami ah khanpughi ah ka kyak khai.

JEREMIAH 26:13

Nangmi naw nami om ih la nami bilawh gui cu nami m’thawng vai nei, Bawipa nami khanpughi cu nami ngaih vai nei. A cun ah nami bi ah a kyak ung nangmi ah khan ah alaw püi vai a pyen ah m’dii m’shum nak ah mawng ung ani naw am’lung m’thawng khai nei.

THULÄÄN NAK 11:27

Hriham, Tuhngawi kei naw ka ning pek gui ah Bawipa nami Khanpughi ah thumkhän nami läk ung nami gah khai.

TAIGÜTHUM 26:3

“Nangmi cu kei ah thukhän ah mäih om u ne, ka thumkhän nami läk ah a kyak ung,

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

ZEKHARIAH 6:15

A shou nak ah om ciah chang gui cu Bawipa ah Taigüim cawh ba nak ung law u ne bilo tuk khai gui. Shin nami cawh ba yawp ah a kyak ung, a hlüngtai säih Bawipa naw, nangmi ah kei ana tüih law ah mawng cu, nami hmat khai. Nami Khanpughi Bawipa ah thumkhän cu, akbe ah nami läk ah a kyak ung shin gui avan cu gawk lawk khai nei.

EZEKIEL 37:27

Kei cu ngami awn atäng ah acu ah ka om khai: kei cu ngami ah Khanpughi ah ka kyak khai, ngami cu kei ah chang ah kyak khai gui.

JEREMIAH 32:28

Kei naw shin ah mang gaw cu Babilonia ghangpughang Nebukhadnezzar la a gakap gui am ka pe lawk khai nei, ngami naw tu ne khäm khai gui,

ISAIAH 48:10

Ngui cu meicang ung m’hling ne m’ciim ah mäih ah nangmi cu khüikha nak ah mei awn ka ning m’nüm gui ci nei. Cun ung phi nangmi a i ah kä nami mawng ci nei.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

PHYAWN NAK 20:6

Cun ung phi kei na m’hni ne ka thukhän läk ci gui ah khan ah ng’shon phia khüt ung ka m’hni nak ka m’dang ci.

ISAIAH 30:6

Shin cu htum täng khong’gau ung om ciah khisa gui ah phäh ah khanpughi ah ng’thu ah kyak ci: Ng’shäbawi gui cu kyihkyawk vai ah khaw kan ne hteit hton ci gui. Cun ah khaw ung phong kawng gui, k’phyu m’äm mah gui, k’phyu ng’phai mah gui om ci. Ngami aw ami ng’sela gui la ami kala uk gui ung a phu küi m’cümhnah gui cu taih u ne, kä m’hteihtang gui hning khai ah pakhui ah hteh püi ci gui.

JEREMIAH 11:7

Kei naw Egypt ah ka ami pupa gui ka law püi ba gui sangung kei naw ami na ngaih vai ah akni ah m’cäi gui ne, kei naw acun ah hnüüp güt ung chang gui m’cäi gui ne ka k’paang gui ci.

JEREMIAH 38:20

Kei naw pyen ne, “Nang cu ngami am kä ning ap khai gui nei. Bawipa ah ng’thu na ngaih vai ah ka ning m’cäi ci nei; cun ung avan cu bä khai, nang ah ghin nak phi phyawng khai nei.

DANIEL 3:26

Nebukhadnezzar naw mei caang ah m’kawt ung law neta khü gui ci, “Shadrak! Meshak! Abedneko! Küikyang ciah Khanpughi ah chang shäm gui! Lut law ba vä!” cik ci. Cun a ci vai am ngami cu ang ghit ah lut law ba ci gui.

THULÄÄN NAK 5:6

‘Kei cu Bawipa nami Khanpughi nei, changshäm ah nami kyak nak ah Egypt khaw ungka ka ning gung gui ci.

2 GHANGPUGHANG GUI 18:6

Ani cu Bawipa ung bekhüt ne, angthu kä läk ah kä om ci, Bawipa naw Moses am a pek ah thumkhän avan cu geing na ne k’pang ci.