JEREMIAH 11:21 - Cho Bible Common Language 2016

²¹ Anathoth chang gui naw kei cu na ngawn hlük ci gui, kei naw Bawipa ah ng’thu k’pang ne ka ng’shäu ah a kyak ung, na ngawn khai gui ah pyen ci gui.

JEREMIAH 11:21 Referans Kwoze

AMOS 2:12

Cun ung phi nangmi naw Nazirit gui cu yu nami awk sak gui ci, prophet gui naw ka ng’thu kä ami pyen vai ah nami k’bäi gui ci.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

ISAIAH 30:10

Ngami naw prophet gui adüm ah ami om vai ah pyen na gui ci gui. Ngami naw, “Düng ciah mawng cu keimi awn kä na na pyen nak gui vai, keimi naw kami ng’yak hlü lu nami na m’thein gui vai. Kami cheishoh nak ung kami k’ang ei khai nei.

LUKA 4:24

Bawipa Jesuh naw khen gui netah “Kei naw akcang ka pyein cu, a u profet phi amät ah pigaw ung a u naw m’tamkhah ne kä dou man ci nei” ci ne pyen na gui ci.

MATTHE 22:6

Ahei tumat cu sumlei khai ah hteit ci, amshah gui naw khü lawk ciah chang gui cu pha ne tuthat ci gui.

MATTHE 21:35

Lo ng’vat ci gui naw ak changshäm a tüih gui cu pha u netah amshah cu that ne, amshah cu ngawn ne, amshah cu lung awn vawi ne cik ci gui.

MATTHE 10:21

‘Chang phäi nau gui tumat la tumat sih nak ung ng’ap tuk khai gui, nupa gui naw ami hta gui sih nak ung ap khai gui, ami hta gui naw phi, ami nupa ah m’cäi kä ngai ne ngawn phak khai gui.

MIKHAH 7:6

Tuhchü hta gui naw ami pa akgu ah mäih ah kyak nak khai gui, hta hnumi gui naw ami nu hnungtuk püi khai gui, hta ah chu gui naw ami pighi ng’vook püi khai gui. Chang ah aga cu amät ah kyong chang ah kyak ci.

JEREMIAH 26:8

Kei naw ka pyen vai ah Bawipa naw ana thumkhän gui avan kei naw ka pyi vai am, ngami naw kei cu nak koi u neta, m’lau ci gui, “Shin ah phäh ah nang cu ning ngawn vai nei!

JEREMIAH 1:1

Shin ah ca-uk cu Hilkiah ah hta Jeremiah ah thu pyen guk ah kyak ci, ani cu Benjamin khopäng, Anathoth gawnu ung taigü tumat ah kyak ci.

JEREMIAH 32:7

ka pukhaw, shallum ah hta Hanamela cu kei ah law ne, Benjamin khopäng Anathoth ung khaw bung cu kei naw ka hleih vai ah na k’thäh lawk ci, a i ah kyasei ci ung kei cu ani ah ang et pikbäih amät yah ah kya ne, ka kaa vai ah ka hleih hning ciah kyak ci.

JEREMIAH 34:20

Kei naw ngami cu, ngawn gui hlük ciah ami ga gui am ka ap gui khai, ngami ah ami gook gui cu kha gui la khisa gui naw ei gui khai.