JEREMIAH 11:19 - Cho Bible Common Language 2016

¹⁹ Kei cu ngawn vai ami hteh püi ah htome hta ah mäih ah ngaih gep nak om ci, ngami naw kei na hnungtuk püi ne akshe gui bi vai ami pawng püi cu kei naw kä ka hmat ci. Ngami naw pyen ci gui, “Sing ghing cu a gai sangung mi chuk khai nei; ani cu mi ngawn khai nei, cun ung ani cu a u naw phi kä shüm ba khai.”

JEREMIAH 11:19 Referans Kwoze

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

SAM 83:4

Ngami naw, “Law vä, ami pakhui mi m’di gui kaw, cun ung Israel pakhui ngawi ah phi kä om ba khai nei.”

SAM 31:13

Gaa akda naw ami na hngen shai nak cu ka ng’yak ci, kyih she vai naw na koi ci nei. Kei na hnu ng’tuk püi khai gui ah pawng püi ci gui nei. Kei na ngawn khai gui ah ng’ge ci gui nei.

JOB 28:13

Cüivai nak cu chang ah ng’lung ah kä hmuh vai nei. A cun ah a phu akcang cu a u naw kä hmat ci nei.

SAM 27:13

A shui ah ka ghin yah ung Bawipa ah ni nak hmuh vai ah ka ghing khai ciah ka hmat ci nei.

ISAIAH 38:11

Kei naw ka ngai ci, shin ah ghin nak ah kho ung kei naw Bawipa cu kä hmu ba khai nei a i akghing phi kä ka hmu ba khai nei.

ISAIAH 32:7

Sahai ciah chang cu shekha ne, akshekha gui bik ci; ani naw dukhaih ci gui ah di nak vai ah m’zih thuh hleei hlak ne, ami chaw phi häu sak gui ci.

NG'THU K'THUUK~ 10:7

Changnigui cu shüm gui vai. Cun cu phyuhtheh nak ah kyak ci, changshe gui cu ang ghit ah m’hnih gui vai kyak ci.

NG'THU K'THUUK~ 7:22

Ani naw ang ghit ah hnumi cu läk ne, seipat cu asih nak vai ah a hteh ah mäih ah, kigang cu m’hliing ung awk sei,

SAM 116:9

Cun ah kyasei kei cu Bawipa ah ma ah ka hteit ci, Ghin nak ah kho ung ka om ci.

SAM 109:13

A hta ng’shon avan si sä, Ng’shon ba ung ani ah ming cu m’hnih u sä.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

SAM 142:5

Bawipa, na tengkhen ci a u kä om ci nei. Na na m’htei vai ah ka kyap ci nei; Nang, Bawipa cu ka ning yii nak nei. Ka ghin yah ung ka ng’yak hlü avan cu, nang ah kyak ci nei.

SAM 112:6

Changni cu kä zu ng’kia phung khai; ani cu a phlüt ah shüm vai kyak khai.

SAM 52:5

Cun ah kyasei nang cu Khanpughi naw ning m’shet lä khai; Nang cu ning pang ne na im ung ka ning täm ne, A hnun ghing ah om nak ah kho ung ka ning k’plon khai.

SAM 35:15

Cun ung phi kei ka gein vai yah ung ami van yei ci gui, nak bui u ne, na gaih tuk ci gui. Chang lam k’hteit gui naw, na pung beeih ci gui, na plawh sheh ci gui nei.

JEREMIAH 26:8

Kei naw ka pyen vai ah Bawipa naw ana thumkhän gui avan kei naw ka pyi vai am, ngami naw kei cu nak koi u neta, m’lau ci gui, “Shin ah phäh ah nang cu ning ngawn vai nei!

NG’ÄI KYAH 3:60

Ka ga gui naw a i hlawk ah na gen u ne, a i hlawk ah na hnungtuk püi ne ami ngaih-tüh cu, nang naw na hmat ci nei.

EZEKIEL 32:24

“Elam cu a gakap gui ah ami ng’phuh hmun gui naw avan ung koi u sei acu ah om ci. Ngami ami van ng’tuk nak ung ngawn gui ci gui, ngami cu vun-ah nak kä bi ah sih nak ah kho ah hteit ci gui. Ami ghing sang ung ngami naw kyihkyawk nak cu k’püi ci gui, cun ung phi tuhbäi ngami cu sih ne ng’zän ne thui hmai ci gui.

NG'THU K'THUUK~ 24:15

Chang shekha ah mäih ah kä na kyak vai, ani naw düng ciah chang gut tep ne, ami im ungka ahei ah hteh püi ci.

HOSEA 9:8

Khanpughi naw kei cu prophet ah na tha ne a chang Israel gui phi nangmi naw kha ah mäih ah nami na pha vai ah nami k’thu prophet gui ah ga ah kyak ci gui nei.