JEREMIAH 11:17 - Cho Bible Common Language 2016

¹⁷ “Kei, m’gäi ciah Bawipa naw,” Israel la Judah cu ka geit kaw gui khai; cun ung phi tuhbäi ami khan ah lei gai ka gawk sak khai. Ngami naw shin cu ami mät naw ami mät ah khan ah ami gawk sak ah kyak ci, a i ah kyasei ci ung ngami douthak nak awn kei cu na m’lungshe sak ci gui.

JEREMIAH 11:17 Referans Kwoze

ISAIAH 5:2

Ani naw m’dek lei cu co ne lung gui cu ghäng ci; ani naw sapyit aknipi gui geit ci. Ani naw cun gui ngäng nak vai ah tänghän co ci, Sapyit theih neen nak vai ah khui phi co ci. Ani naw sapyit a up vai cu ging ci, cun ung phi sapyit theih cu thui yawp ci.

JEREMIAH 12:2

Nang naw geit gui ci sei, ngami ng’yung pya ci gui; ngami cu däm law ne m’theih tak lawk ci gui. Ngami naw nang ah mawng cu akni ah pyen ci gui, cun ung phi akcang ah a i ah kä ning ngai ci gui.

JEREMIAH 2:21

Kei naw nang cu bä ciah sapyit ah mäih ah ni pikbäih ciah m’shi ungka ka ning geit ci. Cun ung phi a i ah na kyak law cu teng ä! Nang cu chawng ne akolä ah kyak ciah sapyit ah mäih ah na kyak ci.

JEREMIAH 19:15

m’gäi ciah Bawipa, Israel khanpughi naw ana pyen sak cu chang avan am ka m’thein gui ci. Kei naw ka pyen cu, “kei naw shin ah mang gaw la a pei yung ah gaw nu nü ah khan ah kei naw ka bi vai ah ka pyen ah m’kyuk nak avan cu ka law püi khai, a i ah kyasei ci ung nangmi cu nami m’lung liing sei kei ah ng’thu kä nami ngaih ah phäh ah kyak ci.

EZEKIEL 17:5

Cun kawn ah ani naw sing ghing k’pyo cu Israel khaw ungka la neta anglei ah ni nak ah lo, angtäi sei tui a gah nak ung geit ci a shin nak

JEREMIAH 45:4

“Cun ung phi kei, Bawipa naw ka cawh cu phye ne, ka geit cu ka mawi ci nei kei naw shin ah khomdek avan ung ka bik khai nei.

JEREMIAH 42:10

Nangmi cu shin ah khaw ung nami om lä vai nami ng’yak hlü ah a kyak ung, kei naw ka ning colcyang gui khai, kä ka ning m’shet m’kat gui khai kei naw ka ning geif gui khai, kä ning mawi gui khai. Nangmi ah khan ah ka law püi ah dishum nak naw kei cu ak däm ah na azä sak ci nei.

JEREMIAH 40:2

Gabawi naw kei cu na khii hnga neta a pyen cu, “Bawipa na khanpughi naw shin ah khaw cu m’dikhai ah m’kyihkyawk ci,

JEREMIAH 36:7

Ngami cu Bawipa ah k’taigü u ne akshe ami bi nak ungka naw ng’hlat tei law hman khai gui, ciah kyasei ci ung Bawipa naw a chang gui cu kyih vai kyak ciah amlungshe nak la a nget nak awn om püi gui ci.”

JEREMIAH 35:17

Cun ah kyasei kei, m’gäi ciah Bawipa, Israel khanpughi naw nangmi Judah la Jerusalem ah khan ah kei naw ka shaitak ah dishum nak avan cu ka law püi khai. Kei naw cun cu ka bik khai, a i ah kyasei ci ung kei naw ka ning thu püi gui kä ngai u ne, ka ning khügui ung kä nami äi ci.”

JEREMIAH 26:19

Ghangpughang Hezekiah la Judah chang gui naw mikah cu sih nak kä pek ci gui. Cun nak vaisü ung Hezekiah naw Bawipa m’tamkhah ne, a hmawi ak kyang vai ah k’tha na ne bik ci. Cun kawn ah Bawipa naw ami khan ah leigai a law püi vai ah a pyen te cu ani naw amlung m’thawng ci. Tuhbäi mikmi naw mi mät ah khan ah kyih vai ah leigai cu mi law püi ci nei.”

JEREMIAH 26:13

Nangmi naw nami om ih la nami bilawh gui cu nami m’thawng vai nei, Bawipa nami khanpughi cu nami ngaih vai nei. A cun ah nami bi ah a kyak ung nangmi ah khan ah alaw püi vai a pyen ah m’dii m’shum nak ah mawng ung ani naw am’lung m’thawng khai nei.

JEREMIAH 24:6

Kei naw ngäng bou gui ne shin ah khaw ah ka law püi ba gui khai. Kei naw ka co kyang gui khai, kä ka plawh sheh gui khai. Kei naw ka geit kaw gui khai, kä ka mawi gui khai.

JEREMIAH 18:8

Cun ung phi cun ah pakhui khaw cu ashetkat nak ungka ang hlah law ba ah a kyak ung, kei naw ka bi vai ah ka pyen cu kä ka bik khai nei.

JEREMIAH 11:11

Cun ah kyasei thubäi, kei Bawipa naw thu ka k’bäi gui cu, kei naw di nak cu ami khan ah ka law püi khai, ngami cu kä phyawng khai gui. Ngami naw kei naw ka m’htei gui vai ah ami k’thäh ah a kyak ung kei naw kä ka ngai gui khai.

JEREMIAH 7:9

Nami m’guk cu, chang nami nawn ci, hleei ne nami ng’gun hta ci, chang ah chu hta nami kat püi ci, Baala am nami khawihnah douthak ci, yän ä kä nami hmat ah khanpughi gui nami khawihnah ci.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

SAM 80:15

Na geit ah sapyit ng’shun cu law ne hun law ä, shin ah sapyit nong cu nang naw na khüighat sak ci nei!

SAM 80:8

Nang naw Egypt khaw ah ka sapyit shun cu law püi ne; pakhui hei gui k’täm gui neta, ami kho ung na geit ci.

SAM 44:2

Chang hei gui cu na mät naw k’tääm gui ne, na chang gui ah ami kho cu na pyang ci Chang khuihei gui cu m’kyuk gui ne na chang gui cu na bühmang sak gui ci.

2 SAMUEL 7:10

Kei naw ka chang Israel gui ah phäh ah khaw hmun ghü ne, a cu ah ka om sak gui ci, a cu ah ngami cu shedam nak kä om ba sei om khai gui. Ngami shin ah khaw ung ami luh law ung tün ne, ngami cu chang omshe gui naw tu gui ci gui, cun ung phi cun ah mäih kä om ba khai. Na ga avan ung ning gung ne, na hta ng’shon vai ka ning pek khai cine, kei naw shai ka tak ci.

JEREMIAH 1:14

Ani naw na pyen ma ne, “A siip täng ah ka dishum nak cu shin ah khaw ung om ciah avan ah khan ah gawk lawk khai nei,

JEREMIAH 7:18

A hmaw gui naw sung shui ci gui, pami gui naw mei cik ci gui, hnumi gui naw m’htut den k’caw cu ne, khankho Ghangpughang nu ami ciah Khanpughi nu ah phäh ah ng’shai ci gui. Ngami naw ahei khanpughi gui am sapyit tui shawi ne diuthak ci gui, cun cu kei ami na nat saknak ah kyak ci.

JEREMIAH 11:13

Judah chang gui ung ami mang gaw gui chü, ami khanpughi gui lawk ci, Jerusalem ung om ci gui naw, mang gaw ung ami lam gui chü ah shemshai ciah Baala Khanpughi ami khawihnah nak sonkiang gui cu pyan ci gui.

JEREMIAH 32:29

mei awn m’khih khai gui chang gui naw im m’cung khan ah Baala am tui ng’ui m’khin ne, ahei khanpughi gui am sapyit tui douthak ne kei ami na m’lungshe nak sak ah im gui mah mah ah m’khik khai gui

JEREMIAH 32:30

Israel chang gui la Judah chang gui ah ami shonlam ava tüi nak ge ung tün ne ngami naw kü na yei na u ne, ami bilawh gui awn kei cu nam lungshe sak ci gui.

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

2 SHONTÄP NAK 28:25

Judah khaw mang gaw gui la gawnu gui päng ung ani naw khogam khawihnah nak vai ah hmum gui pyang ne, acun ung akhohei chang gui ah khanpughi gui cu m’khih ne douthak ci. A cu cha ah bi ne ani naw a pupa gui ah Khanpughi Bawipa ah m’lungshe nak cu amät ah khan ah a law püi ah kyak ci.

JEREMIAH 18:15

Cun ung phi ka chang gui naw kei cu na m’hnih ci gui nei; ngami naw tui ng’ui gui cu agup gui am m’khih pek ci gui. Ngami cu ami hteh nak vai ah lam ung ng’vawn ne ng’tääk ci gui ngami naw lam k’phyim kä läk ba ci gui; ngami cu kä m’hnüt ah lam ung hteit ci gui.

JEREMIAH 40:3

tuhbäi ani naw abi vai a pyen cu bik ci nei. Shin gui avan cu kya lawk ci, a i ah kyasei ci ung na chang gui naw Bawipa hnugtuk püi ne kafnak bi u ne, ani cu kä ngai ci gui.

JEREMIAH 44:5

Cun ung phi nangmi naw kä nami ngai ci, ai ah kä nami sui ci. Nangmi naw ahei khanpughi gui am khaawihnah ne, akshe nami bilawh cu kä nami chah phung ci.

HOSEA 10:1

Israel chang gui cu am theih awn be ciah sapyit sing ghing ah mäih ah kyak ci gui. Ngami cu bühmang law pi u ne, sonkyang co law pi ci gui. Ami khaw ung geit m’sep law pi k’täi u ne, Khawihnah nak ah theingcim ciah lungtung cu, kiom law pi khai ah pyang ci gui.