JEREMIAH 11:16 - Cho Bible Common Language 2016

¹⁶ Kei naw ngami cu a hnah khlum ne akiom ah amtheih awn be ciah Olive sing ah ka khü gui man cu, cun ung phi tuh bäi, khaw hmum kyeek ah mäih ah a hnah gui cu mei awn m’khih ne, ang ban gui cu ka cheiuh khai.

JEREMIAH 11:16 Referans Kwoze

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

SAM 52:8

Cun ung phi kei cu Khanpughi ah im ung ghing ciah Olive sing ah mäih ah ka kyak ci nei. Kei naw hlim ciah am hni nak cu angtäi sei ka ngaih u ci nei.

SAM 80:16

Kami ga gui naw mei awn m’khih u ne, tupit ci gui ne; Na m’lungshe nak awn teng ne yuk m’di gui ä!

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

MATTHE 3:10

Sing ghing gui ah kung ah chuk nak vai ah ghei cu, m’shän pyii ah kyasei, akni ah kä m’theih ciah a ghing phung cu, chu pit ne mei ung k’bum yawp vai nei.

JEREMIAH 21:14

Cun ung phi nami bi ah phäh ah kei naw ka ning m’kyuk gui khai. Na mang im cu kei naw mei awn ka m’khih khai, cun ah mei naw a pei leng avan ui yawp khai. Kei, Bawipa naw ka pyen nei.”

SAM 83:2

Teng ä! Na ga gui naw ning küknet püi u ne, Ning gen ci guui naw ning hnu ng’tuk püi ci gui nei.

THU PHLAAN 11:4

Cun ah saksi pahnih cu khomdek uk ciah ma ah ng’düi ciah olive singghing pahnih la mei im pahnih ah kyak ci.

THULÄÄN NAK 28:40

Oliv sing ghing gui cu khaw avan ung pyou khai. Cun ung phi nangmi naw oliv-situi kä nami gah khai. A i ah kyasei ci ung oliv theih gui cu cawi yawp khai gui.

JOB 8:16

Chang shekha gui cu khohni ah so nak ung tawi ciah m’ghawshe ah mäih ah kyak ci gui, acun m’ghawshe gui cu dum avan ung ng’phan ci gui.

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

HOSEA 14:6

Ngami cu akthai ah tho ne ghing u ne, Oliv sing ah mäih ah kyom ci gui. Lebanon cedar sing ah mäih ah Ngami cu ng’ui Ng’hnam khai gui.

SAM 80:17

Na ghü ah chang gui la na khüighat sak ah pakhui gui cu shung ne ng’vong gui ä.

JEREMIAH 2:21

Kei naw nang cu bä ciah sapyit ah mäih ah ni pikbäih ciah m’shi ungka ka ning geit ci. Cun ung phi a i ah na kyak law cu teng ä! Nang cu chawng ne akolä ah kyak ciah sapyit ah mäih ah na kyak ci.