JEREMIAH 11:15 - Cho Bible Common Language 2016

¹⁵ Bawipa naw pyen ci, “Kei naw ka m’hni ah chang gui naw akshekha cu bik ci gui nei. Kei ah Taigüim ung ngami ami Om nak hning vai ngami ung a i om khai aw? Ngami naw shaitak nak la seime awn khawihnah douthak nak awn leigai cu shung shet hlawt vai ah ngai u ne ang? A cun naw zeikia sak gui khai ang?

JEREMIAH 11:15 Referans Kwoze

NG'THU K'THUUK~ 2:14

Ngami cu cheishoh nak bi ne yeikyai nak shui u ne, akshe kha ung hüi thaw ci gui ah kyak ci.

TITUS 1:15

Amät ah m’lung kyong theingcim ciah chang ah hmawk ah a i phi avan theingcim ci; cun ung phi amät kä theingcim ne a yum nak kä om ciah chang ah hmawk ah a i phi kä theingcim ci. A i ah kyasei ci ung ngami ah lung kyong la ami ngaih-tüh nak cu kä ah theingcim nak awn ah kyak ci.

JAMES 4:16

Cun ung phi nangmi tuhbäi chang ah ng’shei ne nami khähghah ci, cun ah khähgha nak phung cu cheishoh nak ah kyak ci.

1 KORIN 13:6

M’Hni nak cu ak she ah hmawk ah yei nak kä om ci, düng nak ah hmawk ah yei nak om ci.

ROMAN 11:28

Jew chang gui cu Thu Ni hnu ng’tuk püi u ne, Khanpughi ah gaa ah kya lawk ci gui. Cun cu nang mi khui hei chang gui ah yei nak vai ah hmawk ah kyak ci. Cun ung phi ngami cu Khanpughi naw a ghü gui te ah kya ne, ami pupa gui ung thukhän a peit nak gui awn ngami cu m’hni gui lä ci.

LUKA 8:28

Ani naw Bawipa Jesuh cu hmu netah, kyap ne m’lau ne m’khuukdong ne, “Hlüngtai pi säih ciah Khanpughi ah Htapa, Jesuh Bawi! Kei cu a i hawkcha ah ang na na kyak sak hlü? Kei kä na sheit kat-en sak kä bäi” cine ng’paa nak ci.

MATTHE 22:11

“Ghangpughang cu khin gui teng gui khai ah law netah, hta m’um nak ung sui vai ah sui kä sui tuk ciah chang tumat cu hmuk ci. Ghangpughang naw, ‘Teihpüi aw, a i ah kyasei, htam um sui sui ne kä ng’bilawh ah na law tu ang?’ cine ng’shik ci.

HOSEA 3:1

Bawipa naw kei cu na pyen nak ci, “Hteit ba mä ne am hni tuba awn pletbeng nak bik ciah hnumi am, na m’hni nak cu m’dang ä. Ahei khanpughi gui täng ah ng’hlat ne, agup gui am sapyit chawng douthak u sei phi, kei naw Israel chang gui ka m’hni gui lä ah mäih ah nang naw cun hnumi cu na m’hni vai nei.”

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

JEREMIAH 12:7

Bawipa naw pyen ci, “kei naw Israel cu ka nawng ci nei; kei naw ka ghü ah pakhui cu ka hnungtuk püi ci nei. Kei naw ka m’hni gui ah ka chang gui cu, ami ga gui ah huham ung ka pe gui ci nei.

JEREMIAH 3:14

“Kä bekhüt ciah chang gui, law ba vä, kei cu nami na ka nak ci nei. Kei naw gawnun päng ungka, tumat ci, pahta päng ung ka hnih ci ning la gui neta kei naw Zion m’htung ah ka ning hteit püi ba gui khai nei.

JEREMIAH 3:8

Judah naw phi hmuk ci, kei naw Israel cu ng’cha püi ne, ahei ah ka k’täm ci, a i ah kyasei ci ung ani naw kei na ng’hla ta ne pawmya chang ah ani cu kya lawk ci, cun ung phi Judah, Israel ah kä bekhüt ciah abe, ani cu kä kyik ci, ani phi pawmya ah kyak ci,

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

NG'THU K'THUUK~ 28:9

Thukhän kä na läk ah a kyak ung nang ah taigü cu Khanpughi naw teng ne thüinak aih vai ah ng’yak ci.

NG'THU K'THUUK~ 26:18

Chang akshe ung hteh püi neta, gaih vai ah ka kyak nei, cik ci cu, sik nak vai ah meili gü nak ciah ak gu awn täng ci.

NG'THU K'THUUK~ 21:27

Chang shekha gui naw khawihnah nak ami dou thak cu, Bawipa naw thüi nak ci. Aktung pi ah akshe ah m’lung ngaih cu thüi nak ci.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

NG'THU K'THUUK~ 10:23

Changshe cu cheishoh nak bi ne yeikyai ci, Lunglang ciah chang cu cüivai nak ung yeikyai ci.

SAM 50:16

Khanpughi naw changshe gui-am “A i ah kyasei ka thumkhän na täitawk vai ang? A i ah kyasei ka shaitak na pyen m’shet vai ang?

SAM 60:5

Na thagai nak awn na hun gui ne, kami taigü na m’shang gui ä, cun ah kyasei na m’hni ah chang gui cu phyawng khai gui nei.

JEREMIAH 13:27

Ani naw a thüi nak gui nangmi naw nami bi cu ning hmu gui ci nangmi cu a im pei ah ami chu ng’ya hlüt ciah pami ah mäih, ng’sein ca naw seng aläk ah mäih ah khogui ma la lolai ung khogam khanpughi gui nami läk cu ani naw ning hmu gui ci. Jerusalem chang gui, nami ng’ziin ci nei, a i yah ung nami theingthap lawk khai ang?

JEREMIAH 23:11

Bawipa naw pyen ci, “Prophet gui la taigü gui cu khanpughi kaa ah om ci gui; Taigüim kyong ah ngami naw akshe bi u sei ka hmu gui ci.