JEREMIAH 11:10 - Cho Bible Common Language 2016

¹⁰ Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

JEREMIAH 11:10 Referans Kwoze

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

EZEKIEL 16:59

Uktu Bawipa naw pyen ci, “Nang awn na khin khai ah ka ning om püi khai, a i ah kyasei ci ung nang naw na shai tak a i ah kä sui ne thukh cu na m’shet ci.

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

SUKI GUI 2:19

Cun ung phi ami ng’vai gui a sih ah a kyak ung, chang gui cu cau ami om man ah ng’hlat ba ci gui. A yanä ng’shon ah ta sheka pi ci gui. Ngami cu a hei khanpughi gui khawihnah ne abi bi u ne, ami om k’she ami nawng vai ah mak ci gui.

SUKI GUI 2:17

Cun ung phi Israel gui cu ami ng’vai gui ah bek kä ngai ci gui. Israel cu Bawipa ung kä bekhüt ne, a hei khanpughi gui cu khawihnah ci. Ami pupa gui naw Bawipa ah thumkhän cu läk ci gui, cun ung phi shin ah ng’shon k’thai naw cun ah kä bi ba ci gui.

HEBRU 8:9

Cun cu ami pupa gui Egypt kho ah kaa ami kut ung pang gui ne, Kak plawk ba gui sang ung, ka peit gui ah thukhän awn kä täng ba khai nei. Cun ung ka peit gui ah thukhän cu m’shet u sei, Ngahmi cu kei naw ka nawng gui ci,” ci ne Bawipa naw pyein ci.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

HOSEA 6:7

“Cun ung phi Adam khonglei ung ami luh law vai am kei naw ngami awn ka bi ah thukhän cu m’shet ci gui.

EZEKIEL 44:7

Ngami naw kei ah Taigüim cu kei ah ng’thu kä ngai ciah chang gui, vun-ah nak kä bik ciah a khohei chang gui luh sak gui ne lelawi sak ci gui nei, khawihnah nak ah athau la asi cu kei am ami na douthak yah ung ngami cu Taigüim ung lut ci gui nei. Cun ah kyasei ka chang gui naw shemshai ci gui avan bi u ne, kei ah thukhän cu m’shet ci gui nei.

SAM 78:57

ami pupa gui ah mäih ah ng’lih ng’lak u ne, kä bekhüt ci gui, Ng’hleek ne zong ciah m’la ah mäih ah ngaih u vai kä kyak ci.

THULÄÄN NAK 9:7

“Bung ah Bawipa nami Khanpughi m’lungshe khai ah a i hawkcha ah nami bi cu kä nami m’hnih vai. Egypt khaw nami hteh tak ah hnüüp ung tün ne a shin ung nami gawk law nak ah hnüüp ung khüt sei, nangmi naw ani cu nami hnungtuk püi ci.

TAIGÜTHUM 26:15

Nangmi naw kei ah ka thukhän la ka thumkhän gui maa na u ne, nangmi awn thukhän ka bi nami m’shet ah a kyak ung,

ZEKHARIAH 1:4

Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”

HOSEA 6:4

Cun ung phi Bawipa naw pyen ci, “Israel la Judah gui aw, nangmi ah khan ah a i ang kei naw ka bi kaw? Nangmi naw kei nami na m’hni nak cu khongawi hta ung khüi tui ang ghit ah amaih ah mäih ah, khongawi ung ang dawt ah maih ciah daam tui ah mäih ah kyak ci nei.

JEREMIAH 31:32

Cun cu kei naw ngami Egypt ah kut ungka ka luh law püi ba gui yah ung ami pupa gui awn ka bi ah thukhäu phyim ah mäih ah kä kyak ci. Kei cu ngami ah cei ah mäih ah kya ngä sei phi, ngami naw cun ah thukhäm cu kä k’pang ci gui.

SUKI GUI 2:11

Israel chang gui cu Bawipa hnu ng’tuk püi ne katnak bi u ne, Baala gui cu tün ne khawihnah ci gui.

JEREMIAH 7:28

Nang naw na m’thein gui vai cu, ngami ah pakhui naw Bawipa ami Khanpughi, kei ah ng’thu kä ami ngaih ah a kyak ung, ami m’kyuk nak gui ung kä ami ng’thei ah a kyak ung, kä bekhüt nak cu sih nak ah kyak ci. Cun ah mawng cu ka pyen ba ling vai kyak ci.

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

JEREMIAH 17:23

Ami pupa gui naw kei ah ng’thu kä ngai ci gui, kei a i ah kä na ngai ci gui. Cun nak vaisü ung ngami cu ami m’lung liing ci; ngami naw kei ah ng’thu kä ngai ci gui, kei ah kä ng’thei thang lawk ci gui.

JEREMIAH 44:5

Cun ung phi nangmi naw kä nami ngai ci, ai ah kä nami sui ci. Nangmi naw ahei khanpughi gui am khaawihnah ne, akshe nami bilawh cu kä nami chah phung ci.

JEREMIAH 44:16

“Nang naw Bawipa ah min gung na na m’thein gui ngaih vai ah keimi kami mak ci nei.

EZEKIEL 5:6

Cun ung phi Jerusalem naw kei ah thumkhän gui cu hnungtuk ne küknet ci ani naw a hei pakhui khaw gui ah ta a shetkat tuba cu m’dang ne, ani koi ciah khopäng gui ah mä ng’thu kä a läk tuba ah mawng cu m’dang ci. Jerusalem naw ka thumkhän gui cu hnungtuk ne ka thukhän gui läk vai ah mak ci.

ZEKHARIAH 7:11

“Cun ung phi ka chang gui naw ma ne ng’thu kä ngai ci gui, ngami naw ami m’lung khai ci gui.

ZEKHARIAH 7:13

A i ah kyasei ci ung ka ng’thu cu ngami naw kä ngai ci gui, ngami ah taigü phi kei naw kä ka m’shang gui ci.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

JEREMIAH 22:9

Cun cu ngami naw shang u ne, kei, nami khanpughi awn thukhän cu nawng cine, ahei khanpughi gui khawihnah ne abii nami bi ah phäh ah kyak ci nei” cik ci.