JEREMIAH 10:6 - Cho Bible Common Language 2016

⁶ Bawipa, nang ah mäih a u phi kä om ci; nang cu na m’gäi ci, nang ah ming cu dämduh ne huham mah ci.

JEREMIAH 10:6 Referans Kwoze

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

SAM 96:4

Bawipa cu dämduh ci kya sei, ak hlüng pi ah m’taam vä; Ani cu khanpughi gui avan ah khan ah m’taam khah vai kyak ci nei.

SAM 48:1

Bawipa cu küikyang ci kyasei, a khomhtung theing, mi Khanpughi mang gaw ung ak hlüng tai ah m’taam khah vai nei.

THULÄÄN NAK 33:26

Israel chang gui, nangmi ah Khanpughi ah mäih ah a i khanpughi phi kä om ci. Aktung khak ng’cuum ne khomik kaan ci, Khongmei ung cuum ne nang ning bawm khai ah lawk ci.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

SAM 145:3

Bawipa cu dämduh ci kyasei, ak hlüngtai ah m’tamkhah vai nei; a dämduh nak cu kä hmat hlawt yawp vai kyak ci nei.

DANIEL 4:3

“Khanpughi naw a na m’dang ah cäicat gui vai cu dämduh aih ci nei! Ani naw am dang ah ca’i aih vai gui cu huham mah ci nei! Khanpughi cu ghangpughang ah kya ci, ani naw khonglän ung uk khai nei!

SAM 147:5

Dämduh ne küikyang cicu mi Bawipa ah kyak ci; Ani ah cüivai nak cu a u naw kä nüt dawng hlawt khai.

2 SAMUEL 7:22

A i hlawk ah na dämduh ci ang, uktu Bawipa! Nang ah mäih a u kä om ci; keimi naw angtäi sei kami hmat ci, nang bäng Khanpughi ah na kyak ci.

JEREMIAH 32:18

Nang naw ng’täi ciah na m’hni nak cu chang phia khak am na m’dang ci, cun ung phi chang gui ami nupa ah katnak ah phäh ah nang naw na m’kyuk gui ci. Nang cu dämduh ne huham ah ciah khanpughi ah na kyak ci, nang cu m’gäi ciah Bawipa ah na kyak ci.

ISAIAH 40:25

Theingcim ciah khanpughi cu a u awn m’täng hning vai aw? Ani awn täng ci a u baw om ne ang?

PHYAWN NAK 8:10

Ghangpughang naw, “Kei ah hmawk ah ngawi ung taigü ä” cik ci. Moses naw, “Na k’thäh ah mäih ah kei naw ka bik khai, Bawipa, kami Khanpughi ah mäih a hei khanpughi kä om ci, cicu nang naw na hmat khai.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.

ISAIAH 46:9

Cau a i ah kya man ci cu ngaih-tüh ba vä; kei bäng khanpughi ah ka kyak ah mawng, kei ah mäih a u kä a om ah mawng cu ng’kia ne pyen vä

ISAIAH 46:5

Bawipa naw pyen ci, “A u awn ang kei cu nami na m’täng kaw?” “Kei ah mäih a u baw om ne ang?”

ISAIAH 40:18

Khanpughi cu a u awn m’täng vai ang? Ani a i ah mäih lawk ci, ci cu, a i cha ah m’dang vai ang?

SAM 35:10

Ka m’lung kyong avan awn Bawipa ma ah ng’thu ka pyen vai cu, “Nang awn täng ci a u kä om ci. Nget ciah kut ungka ak ghawi na shung ci, m’gäi ciah kut ungka ak pyam na hun ci.”

NEHEMIAH 9:32

“O Khanpughi, kami Khanpughi, a i hlawk ah na dämduh ci ang! A i hlawk ah kyih vai kya ne, a i hlawk ah na huham mah ci ang! Na thukhän shaitaak cu nang naw bekhüt ne na k’pang ci nei. Asirian ghanpughang gui naw ami nak shedam nak gui ungka naw, tuhngawi güt ung, a i hlawk ah keimi kami yaica ci ang! Kami ghangpughang gui, kami ng’vai gui, kami taigü gui, prophet gui, kami pupa gui, kami chang gui avan yaica ci gui. A i hlawk ah kami yaica cu na shüm gui ä!

NEHEMIAH 4:14

Kei naw chang gui cu ng’ä ai u sei, ka hmu gui ci, cun ah kyasei kei naw ngami, ami ng’vai gui la ami bawi gui ka pyen nak gui cu, “Mi ga gui kä nami kyih en gui vai, bawi cu a i hlawk ah dämduh ne kyih vai kyak ci cicu nami shüm ba vai nei, Nami chang paw gui, nami htanau gui, nami chu gui la nami im gui ah phäh ah nami tuk vai nei.

THULÄÄN NAK 32:31

Ami ga gui naw ami khanpughi gui cu aktha ken ciah hmat ci gui. Israel Khanpughi ah mäih ah kä m’gäi ci gui.

PHYAWN NAK 9:14

Tuhbäi ung na bawi gui la na chang gui bäng kä m’kiuk ne, na mät phi ka ning m’kyuk khai. Cun ung khaw ah ka ah kei ah mäih a u kä om ci, cicu nang naw na hmat khai.

1 KORIN 8:6

Mikmi ung mi Pa Khanpughi tumat bäng om ci, ani cu avan tüisho ciah Pushihpi ah kyak ci, ani ah hmawk ah mikmi cu mi ghing ci: Mik mi ung Bawipa tumat bäng om ci, cun cu Jesuh Khrit ah kyak ci, ani naw a päng avan cu tüisho sei, ani ung mi ghing ci.

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

1 SHONTÄP NAK 16:25

Bawipa cu dämduh ci kiasei, ak hlüng ah m’hlümtai vai nei, Ani cu Khanpughi gui avan ah ta m’tamkhah pi vai nei.