JEREMIAH 10:5 - Cho Bible Common Language 2016

⁵ Cun ah a gup gui cu pacüh lo ung biit hta m’kyih nak ah mäih ah kyak ci gui; kä ng’thu thei ci gui; Ngami cu kawh chan gui vai ah kyak ci gui, a i ah kyasei ci ung ngami cu kä hteit hton hlawt ci gui. Kä nami kyih gui vai; ngami naw akna ah kä ning bi hlawt khai gui, akni phi kä ning bi pe hlawt khai gui.”

JEREMIAH 10:5 Referans Kwoze

ISAIAH 46:7

Ngami naw ami phleing ung taih ne kawt ne hteh püi ci gui. Ngami naw hmun tumat ung tha ci gui. Ngami naw hmun tumat ung tha ci gui, a cun ung ani cu ng’düi ci, ani cu ang düih nak ung ka, kä ng’nawn hning ci. Chang tumat mat hteit ne ak taigü ung, ani naw kä m’shang hning ci, leigai ung phi kä hun hning ci.

1 KORIN 12:2

Nangmi cu khritha ah kä nami kyak pha ung lam hma u ne, kä ghing ciah a gup gui a hlü hlü ah nami khawihnah man cu nami hmat pyi ah kyak ci.

1 KORIN 8:4

Cun ah kya sei a gup am sonkian ah ei cu ei ah mawng pyein ah a kyak ung, a gup cu akcang ah ghing om ciah a gup ah kä kyak ci, cicu mi hmat ci; Khanpughi tumat bäng om ci, ci cun phi mi hmat ci.

HABAKKUK 2:19

Nangmi cu nami ng’yiin ci! Sing akpii am, “Tho vä!” nami cik ci. Lung shep ne pyan am, “Ng’düi ä!” nami cik ci. Cun ah agup naw ng’thu ning m’than ba gui hning ne ang? Ani cu ghui la ngui awn hluk ah kyak ci, cun ung phi akyong ah ghin nak kä om ci.

ISAIAH 46:1

Shin cu Babilon khanpughi gui ah ng’pyi nak ah kyak ci nei! A zan ung Bel la Nebo cu khawihnah man ci gui, Cun ung phi tuhbäi sela ah phuih vai ah kyak sak ci gui.

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!

1 GHANGPUGHANG GUI 18:26

Ngami naw ami thak law gui ah vantang cu la ne, pyang u neta, khaw hnüüp law güt sei Baala ah taigü ci gui. Ngami m’lau u ne, “Baala aw, na m’shang gui ä!” ci u ne, ami cawh ah sonkiang cu veing ne ng’lam ci gui. Cun ung phi a i ah m’shan nak phi kä gawk lawk ci.

JEREMIAH 10:14

Ashin ami hmuh nak awn chang gui cu awng aang u ne, a i kä hmat ci gui; agup gui pyang ci gui naw kä ng’ya hlü ba ci gui, a i ah kyasei ci ung ami pyan ah khanpughi gui cu kä bä ci la kä ghing ciah a kyak ah phäh ah kyak ci.

THULÄÄN NAK 4:28

A cu ah hnicim chang naw kut awn a pyan ah khanpughi gui ah bii nami bik khai. Sing la lung awn pyan ah khanpughi gui, kä hmuk ci, kä ng’yak ci, kä ei awk ci, ang ui kä ng’yak ciah khanpughi gui ah kyak ci.

2 SHONTÄP NAK 25:15

Acun naw Bawipa cu m’lungshe sak sei ani naw Amaziah ah prophet tumat cu tüi ci. Prophet naw pyen nak ci, “Nang ah huham ungka a mät ah chang gui phi kä hun hlawt ciah a khaw hei khanpughi gui cu a i ah kyasei na khawihnah ang?”

ISAIAH 16:12

Moab chang gui cu ami sui kheei sei, ami khomhtung agup gui ah hteit u ne, ami Taigüim gui ah taigü vai ah hteit cigui, cun ung phi acun naw kä akni ah kyak sak gui khai.