JEREMIAH 10:24 - Cho Bible Common Language 2016

²⁴ Bawipa, na chang gui ng’düng sak gui ä; Cun ung phi keimi ah khan ah kä nuipai aih sä, na m’lungshe yah ung kä na m’kyuk en gui ä, cun cu keimi ah ng’pyi nak ah kyak khai nei.

JEREMIAH 10:24 Referans Kwoze

SAM 38:1

O Bawipa, m’lung she ne kä na m’kyuk-en ä!

SAM 6:1

Bawipa, ka m’lungshe en ä, kä na shedam men naä! m’lungshe ne kä na m’kat-en ä!

JEREMIAH 30:11

Kei cu nangmi ah law ne ka ning hun gui khai. Kei naw ka ning püi piang sak nak gui ah pakhui gui avan kei naw ka m’di khai, cun ung phi nangmi kä ka ning m’di gui khai. Nangmi cu kä m’kyuk ah kä ka ning m’di gui khai. Cun ung phi nangmi ka ning m’kyuk gui ung Kei cu ka citheing khai. Kei, Bawipa naw a pyen nei.”

ISAIAH 40:23

Ani naw huham mah ciah uktu gui cu yuk chagui ne, akholä ah kyak khai gui ah hnim gui ci nei.

JOB 6:18

Sumlei hteit hton ci gui cu tui shui ne maih ci gui; Ngami cu khong gau ung ng’väi ne sik ci gui.

HABAKKUK 3:2

O Bawipa, na bi cu ng’ya ne, kei cu kyih aa nak awn ka be ci nei, tuhbäi bi law ba ä keimi ah khin ung, dämduh ciah hnünthawh na bilawh man cu. Na m’lungshe ung phi na chimgein gui ä.

JEREMIAH 46:28

Kei cu nangmi ah law ne ka ning hun gui khai. Kei naw ka ning püi pyang sak nak gui ah pakhui khaw avan cu kei naw ka m’di gui khai. Nangmi cu kä m’kyuk ah kä ka ning hteh sak gui khai; cun ung phi kei naw ka ning m’kyuk gui ung akdei dang ah bik khai. Kei, Bawipa, naw ka pyen nei.”

SAM 6:2

Bawipa ka tha maih ci nei, na m’gein ä! Ka k’tha avan maih ci nei; thagui na pe ä!

ISAIAH 28:28

Ani naw htang cu kä düm ne neen düt ne kä m’di ci, Htang kä ng’deng khai, ng’hlee awn, a i cha neen vai cu ani naw hmat ci.