JEREMIAH 10:23 - Cho Bible Common Language 2016

²³ Bawipa, a u naw amät ah mawng lam kä m’khüt ciah ka hmat ci nei; a u naw phi amät ah ghin nak cu kä k’pang hning ci nei.

JEREMIAH 10:23 Referans Kwoze

NG'THU K'THUUK~ 20:24

Bawipa naw mi hteh nak vai m’hnütbäi ci. Amat ah ghin nak ah hteh nak vai täng cu a u chang naw hmat hning khai ang?

NG'THU K'THUUK~ 16:1

Mikmi nawa bi vai cu mi pawng pui ci, cun ung phi ak hnu ah Khanpughi naw ng’thu pyen ci.

SAM 37:23

Changni cu Bawipa naw a hteh nak vai lam shüm ne, Ani yei nak cicu shungvong ci,

SAM 17:5

Kei cu nang ah lam ung angtäi ah ka hteit ci, lam kä ka pleng phung ci.

NG'THU K'THUUK~ 3:6

Na bi nak päng ung Bawipa om ciah na shüm vai. Ani naw düng ciah lam ning m’shüm khai.

NG'THU K'THUUK~ 16:9

Nangmi naw bi vai ah nami pawng pui ci, Cun ung phi nami hnun thawh nak ung Khanpughi naw ning m’shumthein gui ci.

ISAIAH 26:7

Bawipa, nang naw changni gui ah lam cu na ng’müi sak ci; Ngami ah lula nak ah lam cu na nep sak ci nei.

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.