JEREMIAH 10:20 - Cho Bible Common Language 2016

²⁰ Mi k’pyu gui cu she yawp ci nei; k’pawn nak ah gui gui phi pit ci nei. Mi htanau gui cu hteit yawp ci gui; mi phung gui co ba khai a u kä k’pawih ba ci nei; yih dung gui bat ba khai phi a u kä om ba ci nei.”

JEREMIAH 10:20 Referans Kwoze

JEREMIAH 4:20

Leigai tumat naw tumat läk lawk ci; Khopäng avan dishum ci. Ang ghit ah ka mi phung gui cu di ci; zihdung gui cu tek ne ng’phyit ci.

JEREMIAH 31:15

Bawipa naw pyen ci, “Ramah ung k’aw tumat cu ka ng’yak ci nei. Cun cu akshe ah kyah ah k’aw ah kyak ci. Rachela cu a hta nau gui ah phäh ah kyap ci; Ngami cu hteit pyi ci gui kya sei, ani cu ami k’büi vai phi kä ng’ya hlük ci.

ISAIAH 54:2

Na om nak ah im cu ng’shawng sak ä; a gui gui cu ng’shäi khai ah kaih ne, tung gui cu htek sei ng’ling ä!

NG’ÄI KYAH 1:5

Aga gui naw näng ci gui, ngami naw ani cu ami huham awn k’pang ci gui. Bawipa naw ani cu a katnak gui avan ah phäh ah yaica sak ci. Ami hta nau gui cu khäm gui u ne ahei ah hteh püi gui ci gui.

ISAIAH 51:16

Kei naw khan khaw gui cu ka k’phiäih ci, khomdek ah ng’nei phi ka pyan ci; Jerusalem cu ka pyen nak ci, “Nang cu ka ning chang nei!” kei naw ka m’thei thang gui cu ka ning pek ci, ka kut awn ka ning shungvong ci.”

NG'THU K'THUUK~ 12:7

Changshe gui naw yungkiak nak bui ci gui, cun ung phi düng ciah kyong khui gui cu ghing ne ng’shon ci gui.

JOB 7:8

Tukbäi nang naw na na hmuk ci, cun ung phi kä na na hmu law ba khai. Nang naw na na shui ung phi kei kä ka om ba khai nei.

ISAIAH 51:18

Nang lam ning m’shüm khai a u kä om ci, Na chang gui ung na kut ning k’pang tuk khai a u kä om ci.

MIKHAH 2:9

Nangmi naw ka chang hnumi gui ami m’hni ah ami im ungka nami k’täm gui ci. Ami hta gui ungka hriham phi angtäi sei nami gut gui ci.

JEREMIAH 30:17

Kei naw nangmi cu ka ning gai ba sak gui khai; nami hmaleim cu ka m’tui khai, Cun ung phi nami ga gui naw, “Zion cu nawng ci gui nei, ani m’htei khai a u kä om ci nei” cik khai gui. Kei, Bawipa naw ka pyen nei.”