JEREMIAH 10:2 - Cho Bible Common Language 2016

² Ngai vä. Ani naw pyen ci, “Ahei pakhui gui ah lam cu kä nami läk vai; kä hmuh man gui khomikung dang sei, ahei pakhui gui ami kyihkyawk ung phi, cun naw nangmi kä ning tüihtok en gui sä.

JEREMIAH 10:2 Referans Kwoze

TAIGÜTHUM 20:23

Acu ah om ciah chang gui ah ami thung man cu kä nami thei en tu vai. Kei naw cun ah khogam khawihnah ci gui cu ka k’täm gui khai. Cun ah kyasei cun ah khaw ung nangmi nami lut hning ci. Avan akshe ah ami om ih nak awn kei ah khan ah shemshai khai ah bilo ci gui.

TAIGÜTHUM 18:3

Ayan ä nami om nak tuman ah Egypt chang gui ah om ih cu kä nami läk tu vai, kei naw tuhbäi ka ning hteh püi nak gui ah Kanaan khaw ah chang gui ah om ih phi kä nami läk vai.

EZEKIEL 20:32

Nangmi naw a hei changpakhui gui ah mäih ah kyak hlü nak ah m’lung cu nami pyang ci, a hei khopäng ung chang gui ah mäih ah sing ghing la lung pou khawihnah nami yum ci. Cun ung phi cun ah kä kya hlawt khai nei.

ATÜNNAK 1:14

Cun kawn ah Khanpughi naw, “Mü la hnüüp m’khoichak khai ah khawmik ung akdei-im om sä; yumnak pawi gui bi nak vai la akhin hmat nak vai ah khawkum hni cha gui ng’khoicha ne om sä;

SUKI GUI 6:10

Kei naw ka ning m’thein gui ci, kei cu Bawipa nami na Khanpughi nei, nangmi naw tuhbäi nami om nak ah khaw kanak ciah Amorit gui ah khanpughi gui cu kä nami khawihnah en tu vai. Cun ung phi nangmi naw kä nami na ngai ci.

JEREMIAH 10:1

Israel chang gui, nangmi ah phäh ah Bawipa ah ng’thu cu

THULÄÄN NAK 18:9

“Nangmi cu Bawipa nami Khanpughi ah ning pek gui ah khaw ung nami luh law ah a kyak ung acu ah om ciah pakhui gui ah shemshai ciah bilawh cu kä nami läk en tu vai.