JEREMIAH 10:18 - Cho Bible Common Language 2016

¹⁸ Bawipa naw shin ah kaw ungka ning k’täm law gui khai nei. Nangmi ungka tumat phi kä k’pawih khai ah ani naw ning deng gui khai nei. Bawipa ah thu pyen ah kyak ci nei.

JEREMIAH 10:18 Referans Kwoze

1 SAMUEL 25:29

Chang tumat mat naw, ning tu ne, a ning ngawn hlü ah a kyak ung, chang naw a khawh ni a ngäng ah mäih ah Bawipa na Khanpughi naw ning phyawn khai. Na ga gui läi cu, chang naw yaili ung lung a kah ah mäih ah Bawipa naw k’täm ne gawt gui khai.

ZEKHARIAH 1:6

Kei naw ka chang gui prophet gui ung nami pupa gui am thumkhän la m’cäi nak cu ka pe gui ci. Cun ung phi ngami naw a i ah kä ngai u ne, acun ah amawng ma ung yaica ci gui. Cun kawn ah ngami cu ng’yu ba u neta, kei M’gäi ciah Bawipa naw ka pyen ah mäih ah ka m’kyuk gui ciah pyen ci gui.’ ”

EZEKIEL 6:10

Kei Bawipa ka kyak la kei ah thukbäi gui cu akholä khäghah nak ah kä kyak ci cicu hmat lawk khai gui.”

JEREMIAH 23:20

Cun cu ani naw abi vai ah ang ngaih gui nü kä abi pha ah chuih kä ng’pyi khai. Cun ah hnüüp gui a gawk law ung a chang gui naw htei cha sei hmat khai gui.”

JEREMIAH 16:13

Cun ah kyasei kei naw shin ah kho ungka ning k’täm gui ne, nangmi la nami pupa gui naw kä nami hmat man ah kho ung ka ning gawk sak gui khai. Acu ah nangmi naw amü a hnüüp ahei khanpughi gui ah bii nami bik khai, kei naw chimgein nak kä ka ning m’dang gui khai.

THULÄÄN NAK 28:52

Ngami naw Bawipa nami Khanpughi naw a ning pek gui ah khaw ung, gawnu päng cu tuk khai gui. Nangmi naw nami ngaih u ah hlüng ciah shungpang gui phi ng’kia yawp khai.

JEREMIAH 22:26

Kei naw nang la na nu cu omktu khaw ah ka nung k’täm lawk khai. Nangmi cu kä nami ng’tüi nak ah nami hteit lawk khai, nami van acu ah nami sik khai.

ZEPHANIAH 1:17

Bawipa naw, “Kei naw natnak yuh chah law ngäsei, chang avan cu amik m’dauh ah mäih ah kyak khai gui. Ngami naw kei nah nu na ne ami kat ah phäh ah ami si cu tui ah mäih ah ng’chawt ne, ami pum cu khomdek khan ah ng’gäh ne ng’yaih khai.”

ISAIAH 22:17

Nang cu aküikyang ah na kya ei khai, cun ung phi Bawipa naw ning kaih hlit ne ning ghawt khai nei.