JEREMIAH 10:16 - Cho Bible Common Language 2016

¹⁶ Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

JEREMIAH 10:16 Referans Kwoze

THULÄÄN NAK 32:9

Cun ung phi Jakob ah htangshon gui cu, amät ah hmawk ah ghü gui ci.

JEREMIAH 32:18

Nang naw ng’täi ciah na m’hni nak cu chang phia khak am na m’dang ci, cun ung phi chang gui ami nupa ah katnak ah phäh ah nang naw na m’kyuk gui ci. Nang cu dämduh ne huham ah ciah khanpughi ah na kyak ci, nang cu m’gäi ciah Bawipa ah na kyak ci.

JEREMIAH 31:35

Bawipa naw kho hnüüp ung dei khai ah khohni la khomü ung ng’shü khai ah chapa la aisi gui cu na pe gui ci. Ani naw tuinu hnaawk ne ng’hmum sak ci; ani ah ming cu m’gäi ciah Bawipa ah kyak ci.

JEREMIAH 51:19

Jakob ah khanpughi cu ngami ah mäih ah kä kyak ci; ani cu apäng tüipiang ciah tumat ah kyak ci, ani naw Israel gui cu amät ah chang akcang ah ghü gui ci. M’gäi ciah Bawipa cu ani ah ming ah kyak ci.

JEREMIAH 10:12

Bawipa naw khomdek cu a huham awn pyang ci; A cüvai nak awn khonglei cu tüisho ne khankho cu ng’phiah sak ci.

SAM 119:57

O Bawipa, nang cu kei ah ng’yak hlü avan ah na kyak ci; Na thukhän läk vai ah shai ka tak ci nei.

SAM 74:2

Na chang gui shüm ba gui ä, a cau na mät naw na ghü gui ah kyak ci, changshäm ungka na mät ah pakhui ah na law püi ba gui ah kyak ci. Zion m’htung cu shüm ba ä, a cau na om nak te ah kyak ci.

NG’ÄI KYAH 3:24

Bawipa cu kei ung om ci avan ah kyak ci, Cun ah kyasei ani ung ka ngaih u nak ka tha ci.

SAM 135:4

Ani naw amät ah hmawk ah Jakob cu ghü ne, Israel chang gui ci kaa na gui ci.

JEREMIAH 50:34

Cun ung phi ngami gung gui ciah tumat cu k’thamah ci-ani ah m’ung cu m’gäi ciah Bawipa ah kyak ci. Ngami ah hmawk cu ani naw bi ne. Khomdek khan ung dimdeeih nak law püi khai, cun ung phi Babilonia chang gui ah khan ah khüikha nak law püi khai.”

ISAIAH 45:7

Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.

SAM 73:26

Ka m’lung la ka pumsa cu cümbawng ci, cun ung phi Khanpughi cu ka ng’yak hlü avan ah kümbe nak ah kyak ci.

PHYAWN NAK 19:5

Tuhbäi kei na ngai ne, ka thukhän nami k’pan ah a kyak ung nangmi cu kei ah chang ah nami kyak khai. Khomdek avan cu kei ah kaa ah kyak ci. Cun ah kyasei nangmi cu kei ah chang gui ah nami kyak khai.

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

ISAIAH 51:15

“Kei cu Bawipa nami khanpughi nei; Tuinu cu k’hnawk ne, tuinü ng’hnawk ne gaai khai ah ka cik ci. Kei ah ka ming cu m’gäi cia Bawipa nei!

ISAIAH 47:6

Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.

ISAIAH 47:4

Theingcim ciah Israel khanpughi naw na m’hlaut gui ci nei Ani ah ming cu m’gäi ciah Bawipa nei.

NG'THU K'THUUK~ 16:4

Bawipa naw a tui pyan pang ung ang bu nak om ci, akshe ah ang bu nak cu dishum ci.

SAM 142:5

Bawipa, na tengkhen ci a u kä om ci nei. Na na m’htei vai ah ka kyap ci nei; Nang, Bawipa cu ka ning yii nak nei. Ka ghin yah ung ka ng’yak hlü avan cu, nang ah kyak ci nei.

JEREMIAH 10:6

Bawipa, nang ah mäih a u phi kä om ci; nang cu na m’gäi ci, nang ah ming cu dämduh ne huham mah ci.

JEREMIAH 33:2

Bawipa, khomdek pyang ci, m’hnüm neta a hmun ung k’süm ci naw na ng’thu püi ci. Bawipa ming nak ci naw pyen ci,

AMOS 4:13

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.

ZEKHARIAH 2:12

Judah cu Bawipa ah a khaw theing ung akbä pi a khawh cham ah kya ba khai. Jerusalem cu mang gaw avan ungka, am hni pikbäih ah kyak khai.

PHYAWN NAK 34:9

Ani naw, “Bawipa, nang naw akcang ah na na yei nak ah a kyak ung, keimi awn a täng ah na hteh vai ah ka ning thäh ci nei. Shin ah chang gui cu m’lung ling ci gui, cung phi kami shet nak la kami katnak cu na m’geinsei gui ä, na mät ah chang ah na dou gui ä” cik ci.

SAM 33:6

Bawipa naw khankho cu ang thumkhän awn tüisho ci, Hni, cha, aisi gui phi ang thu awn tüisho ci.

ISAIAH 19:25

M’gäi ciah Bawipa naw hriham pe gui neta pyen khai, “Kei naw hriham ka ning pe gui khai, Egypt, ka chang gui; Assiria, ka ning tüi sho gui; Israel, ka chang ghü gui.”

JEREMIAH 46:18

Kei cu m’gäi ciah Bawipa, ghangpughang. Kei cu ghing ciah khanpughi. Tabor m’htung cu m’htung gui ah khan ah ang tai ah mäih, Karmela m’htung cu tuinu ah khan ah a hlüng ah mäih ah, tumat ah k’tha mah nak naw ning tuk gui khai.