JEREMIAH 10:12 - Cho Bible Common Language 2016

¹² Bawipa naw khomdek cu a huham awn pyang ci; A cüvai nak awn khonglei cu tüisho ne khankho cu ng’phiah sak ci.

JEREMIAH 10:12 Referans Kwoze

JOB 9:8

Khanpughi amät bäng naw khankho gui cu yuk khui lawk ci. Tuinu likim ah m’ghuk cu leh ci.

ATÜNNAK 1:1

Akhtük bäih ah Khanpughi naw khankho la khomdek cu tüisho ci.

NG'THU K'THUUK~ 3:19

Bawipa naw khomdek cu a cüivai nak awn tüi pyang ci. A hmuhmat nak awn khomik cu a hmun ung k’süm ci.

ISAIAH 40:22

Cun cu khomdek ah khan, khomik ah hnu ung, amät ah mang kiang ung ngok ci naw apian nei; m’dek khan ung om ciah chang gui cu m’ling hta gui ah mäih ah kyak ci gui nei. Ani naw khomik cu zidung ah mäih ah k’phiat sei, ak kyong ah om nak vai ah phung ah maih ah kyak ci:

KOLOSE 1:16

Ani awn Khanpughi naw, khankho la khomdek ung om ciah ang tüi avan, hmuh thei la kä hmuh thei, mümcha hlüngtai nak gui, bawi gui, uknak gui la huhamah gui cu, tüisho ci. Khanpughi naw, khophlüt avan cu ani awn, ani ah hmawk ah tüisho ci.

JOHAN 1:3

Khanpughi naw Thu awn ang tüi avan tüisho ci.

SAM 24:2

Ani naw a cun cu m’dek ah ka, tui li thuuk ung co ne, tuinu ah khui ah tungkhaw k’süm ci.

ZEKHARIAH 12:1

Shin cu Israel gui ah mawng Bawipa ah ng’thu ah kyak ci. Cun ah Bawipa cu khawmik küm ne, khomdek tüi sho ne, chang am ghin nak pek ciah kyak ci. Ani naw,

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

JEREMIAH 10:13

Ani ah ang thukhän awn khankho ah akhan ung tui cu gai ne; ani naw khocawi ah ka khongmei gui cu law püi ci. Ani naw khaw k’aa ung khaw lailäp sak ne, akhei ung ka khokhi cu tüi lawk ci.

ISAIAH 49:8

Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

ISAIAH 48:13

Ka kut awn khomdek ah angnei gui cu pyan ne, khan kho cu ka ng’phiah sak ci. Kei naw khomdek la khan kho cu ka k’thäh ung ngami ang ghit ah law ne, ami mät naw ami mät m’dang lawk ci gui nei.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

ISAIAH 45:12

Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

ISAIAH 44:24

“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.

ISAIAH 42:5

Khanpughi naw khankhaw cu tüipiang neta ng’phiat sak ci; Ani naw khomdek la a cun ung om ci avan cu pyang m’tham ci; Ani naw ghin nak la ng’ghi ghawk nak cu chang gui avan am pe gui ci. Tuhbäi Bawipa khanpughi naw a changshäm a pyen nak cu,

SAM 104:24

Bawipa, nang naw akchün akda na tüisho ci! A i hlawk ah cüivai ne na pyan gui ang. Khomdek cu na tüisho awn be ci nei.

SAM 33:6

Bawipa naw khankho cu ang thumkhän awn tüisho ci, Hni, cha, aisi gui phi ang thu awn tüisho ci.

NG'THU K'THUUK~ 30:4

Ani ung khankho hmuhmat nak lam ung abawi om ne ang? Ngami naw ami kut awn khokhi pha man u ne ang? tui phi pyon awn htun man u ne ang? Khomdek khan ung ng’gii mä tän man u ne ang? Ngami cu a u gui ang, na hmat gui ne ang? Ami hta nau gui cu a u gui ang?

SAM 119:90

Na bekhüt nak cu ng’shon päng ung khäng ci nei; khomdek cu a hmun ung nak süm ci, cun cu om lä ci nei.

SAM 78:69

A cu ah ani naw ak Taigüim co ci, cun cu khankho ah a im ah mäih ah kyak ci, cun cu khomdek ah mäih ah m’düih ne, angtäi sei khän sak ci.

JOB 26:7

Khanpughi naw a siip täng khomik cu k’phiäih ne Khomdek cu khohäu ung bat ci.

SAM 104:2

Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

SAM 93:1

Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

ATÜNNAK 2:5

khomdek khan ung a i phi kä phung ghing phak ci, a i geit m’shi phi kä ng’lihpyou phak ci. A i ah kyasei ci ung Bawipa Khanpughi naw khaw kä aa sak phak ci, khomdek bik khai phi a u kä om phak ci.

JOB 37:18

Khanpughi naw khomik ng’shawng sak ne m’shilung ah mäih ah m’liu khai ah ang m’li sak vai ah nang naw na bawm hning ne ang?

ISAIAH 37:16

“M’gäi ciah Bawipa, Israel khanpughi, cherubim ah khan ah na mang kiang nak ci, nang bäng nak ci, nang bäng khanpughi ah na kyak ci, khomdek khan ung uknak khaw avan na uk ci nei. Nang naw khomdek la khomik na tüisho ci nei.

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

JEREMIAH 27:5

“Dämduh ciah ka huham la ka thamah nak awn kei naw khomdek khan, changpakhui gui la khomdek khan ah om ciah khisa avan cu ka tüi pyang ci; cun cu kei naw ka ghü ah chang tumat mat am ka pek ci.

1 SHONTÄP NAK 16:26

Chang pakhui gui ah ami khanpughi gui cu a gup gui ah kyak ci nei, Cun ung phi Bawipa naw khankho cu tüipyang ci nei.

SAM 65:7

Nang naw tuinu gaai ne ng’hnawk ci phi na ng’düm sak ci, chang gui ah m’lau ne m’gäi nak phi na dim sak ci.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.