JEREMIAH 10:11 - Cho Bible Common Language 2016

¹¹ (Nangmi chang gui naw nami m’thein gui vai cu khomdek la khankho mik tui pyang ciah kä kyak ciah khanpughi gui cu m’di vai nei. Ngami cu khomdek khan ung ahawi ah phi kä om tuba khai gui.)

JEREMIAH 10:11 Referans Kwoze

SAM 96:5

Chang khuihei gui ah khanpughi gui cu, a gup gui ah kyak ci, cun ung phi Bawipa naw khankho cu tüisho ci.

ZEKHARIAH 13:2

Cun ah khin ung kei naw khaw ung agup gui avan cu ka k’heng yawp khai, ngami cu a u naw phi kä shüm ba gui khai. Prophet ah kyak ciah pyen ci gui la agup khawihnah nak hlü gui cu kei naw ka k’täm khai.

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

NG’ÄI KYAH 3:66

Shui yap gui ne khomdek ungka ghut hlit gui ä!”

JEREMIAH 51:18

Cun gui cu akholä ah kyak ci gui, päipih vai kyak ci gui; cun gui teng khai ah Bawipa a law ung Bawipa naw cun gui cu m’di gui khai.

JEREMIAH 10:15

Ngami cu a kholä ah kyak ci gui, päiphi vai ah kyak ci gui; Bawipa naw ngami cu m’kyuk gui khai ah a law ung, ngami cu m’di gui khai.

THU PHLAAN 20:2

Ani naw shawk k’phyu ng’hlui cu pha netah, khawkum phyaa ghaa ung pin ne khit ci. Cun ah khawshe bawi kä cun ung Satan ah kyak ci.

1 SAMUEL 5:4

A ngawi ung khaw ngawi, a gup cu kyu ba mä ne, Thukhän M’küm ah ma ah ng’yän ba ci. Cun ung läi a lu la a kut gui cu hnget ne, m’kawt pei ah ng’yän ci gui; a pum bäng om ba ci.

ISAIAH 57:12

Nangmi naw nami bi cu hman ciah nami ngai ci, cun ung phi nami bi gui cu kei naw ka m’dang lawk khai nei, nami agup gui naw kä ning hun ba gui hning khai gui.

JEREMIAH 43:12

Kei naw Egypt khan pughi gui ah Taigüim cu mei awn ka m’khih khai, Babilonia ghangpughang naw ami khanpughi gui cu m’khih bawk khai, hteh püi bawk khai. Htome sham naw asuisak ung hli m’chah atheing sak ah mäih ah Babilonia ghangpughang naw Egypt khaw cu theing sak ne, näng nak awn nawng shüt khai.

JEREMIAH 43:13

Ani naw Egypt khaw Heliopolis ung lung tung theing gui cu m’di ne Egypt khanpughi gui ah Taigüim gui phi m’khih khai.”

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

EZEKIEL 30:13

Uktu Bawipa naw pyen ci, “Kei naw Memphis ung a gup gui la Khanpughishe gui cu ka m’di khai. A cu ah Egypt uk khai a u kä om ba khai, kei naw chang gui avan ka kyihkyawk sak khai.