JEREMIAH 10:10 - Cho Bible Common Language 2016

¹⁰ Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

JEREMIAH 10:10 Referans Kwoze

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

SAM 76:7

Cun ung phi nang Bawipa cu van naw ning kyih ci nei. Nang na m’lung she yah ung na ma ah a u kä ng’düi hlawt ci nei.

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

SAM 42:2

Ghing ciah Khanpughi, nang cu tui ah gha ne ka ning ging co ci nei. A i yah ung na ma ah hteit ne, ka ning khawihnah hlawt khai aw?

SAM 100:5

Bawipa cu nik ci; A m’hni nak cu ng’täi ci, Ani ah bekhüt nak cu kä ng’pyi hlawt phung ci nei.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

SAM 31:5

Kei cu na na m’htei nak vai ung ka om ci nei. Bawipa, nang naw na na hun khai nei, nang cu bekhüt ciah Khanpughi nei.

SAM 10:16

Bawipa cu ng’shon ng’län ung ghangpughang ah kya ci, A hei khawihnah ci gui cu akho ung maih sak gui khai.

SAM 18:7

Khanpughi cu m’lung she sei, khomdek thüng ne, khomhtung ng’nawi gui cu ng’hlet ne ng’ng’tum ci gui.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

HEBRU 10:31

Ghin ciah Khanpughi ah kut khui ung kyumkiak cu kyihkyawk aih vai ah kyak ci nei.

1 TIMOTHI 1:17

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.

1 THESSALONIAN 1:9

Keimi kami law ah mawng la a i cha nami na dou gui ah mawng, düng ne ghing ciah Khanpughi ah a khuut bi vai la khankho ah ka kyum law ba khai ah A Htapa ngäng vai ah hmawk ah a gup gui nawng shüt ne Khanpughi ah nami ng’hlah law ba ah mawng gui cu, cun ah chang gui naw pyein sak ci gui nei.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

MALAKHI 3:2

Cun ung phi ani a law hnüüp ung a u naw khan hning khai aw? Ani ang dang law ung a u naw phyawn na hlawt khai aw? Ani cu theing khai ah m’si nak ah satpya, m’si shep nak ah mei ah mäih ah kyak khai nei.

HABAKKUK 3:6

Ani ang düm ung shihpi thüng ci; Ani ah yei nak ung chang pakhui gui ng’hlet ci gui. Angtäi ah om ciah khomhtung gui cu pyawn u ne; angtäi om ciah khogui gui kyeim ci gui, m’htung gui cu cau pui tün ne ani ah hteh nak ah kyak ci.

MIKHAH 1:4

Mei ung khoi chap ah mäih ah khomhtung gui aka ah piawn khai gui; Khomhtung ung lut lawk ciah tui ah mäih ah ngami cu khaw ng’nawi ung pyäu ne long khai gui.

SAM 146:6

Cun ah Khanpughi cu, khankho la khomdek ni, tuinu ni, a cun gui ung om ci gui avan cu tüisho ciah kyak ci. Ani naw angtäi sei a shaitak cu k’pang ci;

SAM 145:13

Na uknak cu ng’täi ci, kho ng’län ung ghangpughang ah na kyak ci. Bawipa cu a shaitak ung bekhüt ci; a hnünthawh nak phung ung chimgein nak om ci.

SAM 114:7

Khomdek, Bawipa ah a law nak ung, Jakob ah Khanpughi ah ma ah ng’thüng ä,

SAM 104:32

Ani naw m’dek yuk teng sei, m’dek cu thüng ci, khomhtung gui tawk sei mei ah khü ci.

SAM 97:4

Ani ah lailäp naw khomdek khan cu shü ci; khomdek naw a cun hmu neta ng’thüng ci.

SAM 93:2

O Bawipa, na mangkyang cu ang tün ung tüi ne khäng lä ci, khaw kä ang tün pha ung nang cu na om ge ci.

SAM 90:11

Na m’lungshe nak ah huham akbe a u naw hmat thei ne ang? Na ngetngawng nak naw a i hlawk ah kyih vai law püi hning ci cicu a u naw hmat ne ang?

SAM 84:2

A cun ung a i hlawk ah ka om hlük ci ang? Kei cu Bawipa ah Pum Im ungka om hlük ci nei. Ghing ciah Khanpughi ah ka ghin nak avan awn yei ne ng’äi ka m’cu ci nei.

SAM 77:18

Na kho ng’hmum ng’kyeek ne ng’liim sei, lailäp ne ng’shü ci naw m’dek han chang ci; khomdek ng’hlet ne thüng ci.

JOB 9:6

Khanpughi naw shihpi thüng sak ne kho m’dek cu k’thüng ci; kho m’dek han dä ciah k’tung gui phi k’thüng ci.

2 SHONTÄP NAK 15:3

Khawkum akshou ung Israel gui cu Khanpughi akcang awn kä om u ne, m’theithang gui khai taigü gui phi kä om sei, thukhän phi kä om sei om ci gui.

1 GHANGPUGHANG GUI 18:39

Cun cu chang gui naw hmu u neta, m’dek ung ng’yän neta ami pyen cu, “Bawipa cu Khanpughi nei, Bawipa bäng nei Khanpughi!”

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

SUKI GUI 5:4

Bawipa, nang naw Seira khawmhtung na hteh tak sang ung, Edom khaw ungka nang na law yah ung, Khomdek thüng ne, Khawmik ungka khaw aa lawk ci nei. Ä, Khawmei ungka, tui phi kya lawk ci nei.

THULÄÄN NAK 5:26

Ghing ciah Khanpughi, mei ungka naw thu pyen sei ng’ya pyi ciah chang cu ghing ba lä man ne ang?

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

HABAKKUK 3:10

Khomhtung gui naw ami ning hmuh ung ng’thüng ci gui, khomik ungka tui phu ne kya lawk ci. Khomdek ah kaa ah tui gui gaai ci gui, ami tui hnawk gui ak hlüng tho lawk ci.

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?

DANIEL 7:14

Ani cu huham nak, m’tamkhah nak la bawimang nak huham ami pek ah kyak ci. Cun ah kyasei changpakhui gui, pahta gui, pa ng’tän gui avan naw a bi bik ci gui. Ani ah huham cu kä ng’pyi hlawt khai, ani ah uknak khaw cu kä maih hlawt khai.

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.

DANIEL 4:3

“Khanpughi naw a na m’dang ah cäicat gui vai cu dämduh aih ci nei! Ani naw am dang ah ca’i aih vai gui cu huham mah ci nei! Khanpughi cu ghangpughang ah kya ci, ani naw khonglän ung uk khai nei!

JEREMIAH 23:36

Cun ung ngami naw ‘BAWIPA ah phuih’ ciah ng’thu cu kä mang ba khai gui nei, a i ah kyasei ci ung, tumat mat naw a pyen ba ah a kyak ung kei ah ka ng’thu cu ani ah khan ah phuih ah kyak khai ah ka bik khai nei. Chang gui ne m’gäi ciah Bawipa, ghing ciah khanpughi, ami khanpughi ah ng’thu cu m’hlat shüi ci gui nei.

ISAIAH 37:17

Tuhbäi, Bawipa, na ng’ya gui ä, keimi ah khaw ah a i ah kyak ci, cicu na yuk teng gui ä. Seunacheirib naw nang ning gheet ne a pyen ah ng’thu avan cu yuk ngai ä, ghing ciah khanpughi aw.

ISAIAH 37:4

Assirian ghangpughang naw abawi ng’vaipu cu ghing ciah khanpughi gheettaap khai ah tüi ci. Bawipa nami khanpughi naw shin ah gheet nak su ng’ya neta, cun ah ng’thu ci gui cu m’kyuk sä. Cun ah kya sei, cun ah k’pawih ba ciah mi chang gui ah phäh ah khanpughi ah k’taigü vä.”

SAM 68:11

Bawipa naw thukhän pe gui sei hnumi akda naw thuni hteh püi ci gui:

ATÜNNAK 21:33

Abraham naw Beerasheba ah mangken geit neta, angtäi ghing ciah Bawipa Khanpughi cu khawihnah ci.

1 GHANGPUGHANG GUI 8:60

Khomdek khan chang pakhui avan naw Bawipa bäng cu Khanpughi nei — a hei kä om ci nei, ciah hmat khai gui.

SAM 29:10

Bawipa naw tui thuuk phi avan uk ci, ani naw ghangpughang ah kya ne angtäi sei uk ci nei.

SAM 68:8

Shihpi thüng ne, khomik ung ka tui kya lawk ci. A i ah kyasei ci ung Sinai Khanpughi, Israel Khanpughi a law ah hmawk ah kyak ci.

SAM 90:2

Khomhtung gui la khomdek khan ak ghing avan kä na tüisho pha ge ung, cau pui tün ne Khanpughi ah na kyak ci, ngawi yä Khanpughi ah na kyak khai.

ISAIAH 40:15

Bawipa ah ma ah chang pakhui gui cu akholä nei, Tui m’ceu ät hlawk ah phi kä kyak ci gui nei: A shou nak ah khawkawng gui cu m’vut ah mäih ah yaang ci gui nei.

ISAIAH 65:16

Khaw ung om ciah chang hriham ng’zoi thäh ci phung naw bekhüt ciah khanpughi naw hriham a pek vai ah ng’zoi thäh khai. Khän taam ne pyen ciphung naw bekhüt ciah khanpughi ah ming ung khäntam khai. A cau khüikha nak gui man cu ng’pyi khai, m’hnih yawp vai.”

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

JEREMIAH 4:24

Kei naw khomhtung gui ka teng ci, ngami cu ng’thüng ci gui, khogui gui cu ng’hlet ci gui.

JEREMIAH 50:46

Babilon ang kyak ah a kyak ung cun ah k’awna khomdek avan thüng sak khai, ami kyah ah k’aw shan gui cu ahei pakhui khaw gui naw ng’yak khai gui.”

JEREMIAH 51:29

Khomdek cu ng’tum ne thüng ci, a i ah kyasei ci ung Bawipa naw Babilonia cu bung hmu, a u ah kä om nak ah kyak khai ah abi nak vai a law püi ah phäh ah kyak ci nei.

JOSHUA 3:10

Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

SAM 9:8

Ani naw düng nak awn m’dek khan cu uk ci nei; Pakhui cu taga khai ah m’khoichak ci nei.

SAM 74:12

O Khanpughi, nang cu ak htük ge ung kami ghangpughang ah na kyak ci; Nang naw akda vei na na hun gui ci.

SAM 76:8

Nang naw khankho ah hmat vai ah na m’khoi m’chak ci nei; khomdek cu kyi ne a düm ah om ci nei,

SAM 100:3

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

ISAIAH 40:28

Kä nami hmat ne ma? Kä nami ng’ya man ne ma? Bawipa cu khong län ciah khanpughi nei; Khomdek avan ani naw tüisho ci nei. Ani cu a i yah ung phi kä cümbawng man ci nei. Ani ah ngaih-tüh cu a u naw kä hmat hlawt ci nei.

DANIEL 6:27

Ani naw hun ci, gung ci nei; Ani naw cäicat gui vai la cäi aih gui vai cu khankho la khomdek ung dang sak ci nei. Ani naw Daniela cu phongkawng gui naw ami lawh vai süte hun ci nei.”

NAHUM 1:5

Bawipa ah ma ah khomhtung gui thüng u ne, Khawgui gui ama ah ngüm ci gui. Bawipa angdang ung khomdek thüng ne, Khomdek khan avan la ak chang avan ng’hlet ci gui.