JEREMIAH 10:1 - Cho Bible Common Language 2016

¹ Israel chang gui, nangmi ah phäh ah Bawipa ah ng’thu cu

JEREMIAH 10:1 Referans Kwoze

THU PHLAAN 2:29

“Khrithabum gui-am Mumcha naw am thein gui cu, nami hnga a om ung ngai ne nami ng’yak vai nei!

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

AMOS 7:16

Tuhbäi Bawipa naw a i a cicu ngai vä. Nangmi naw ka ng’cä nak ka ng’düm vai, Israel gui hnungtuk ne ng’thu cu ka ng’düm vai ah na mi pyen ci.

HOSEA 4:1

Bawipa naw cun ah khaw ung om ciah chang gui cu hnungtuk ne k’bün gui ci, Israel gui ngai vä, ani naw a pyen cu, “Shin ah khaw ung bekhüt nak la m’hni nak kä om ba ci, chang gui naw kei cu Khanpughi ah kä na ngai ba ci gui.

JEREMIAH 2:4

Bawipa ah ng’thu pyen cu ngai vä, nangmi Jakob ah htangshon, Israel pakhui gui.

ISAIAH 28:14

Tuhbäi Jerusalem ung shin ah chang gui, m’gäimäk ne uk ci gui, Bawipa ah thu pyen cu ngai vä.

ISAIAH 1:10

Jerusalem aw, na uktu gui la nak chaung gui cu, Sodom la Komorrah ah mäih ah kyak ci gui nei. Bawipa naw nangmi ah khan ah a i a pyen cu ngai vä. Mi khaupughi naw aning m’thei gui cu ngaih nah vä.

SAM 50:7

“Na ngai vä, ka chang gui, thu ka pyen lawk khai; Israel chang gui, kei naw hnu ng’tuk ne ka ning m’nüm khai. Kei cu Khanpughi, nami Khanpughi nei.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.

JEREMIAH 10:2

Ngai vä. Ani naw pyen ci, “Ahei pakhui gui ah lam cu kä nami läk vai; kä hmuh man gui khomikung dang sei, ahei pakhui gui ami kyihkyawk ung phi, cun naw nangmi kä ning tüihtok en gui sä.

ISAIAH 40:18

Khanpughi cu a u awn m’täng vai ang? Ani a i ah mäih lawk ci, ci cu, a i cha ah m’dang vai ang?

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.