JEREMIAH 1:9 - Cho Bible Common Language 2016

⁹ Cun kawn ah Bawipa naw a kut shäng ne, ka m’nei cu pyen vai ah ng’thu gui cu kei naw ka ning pek ci nei.

JEREMIAH 1:9 Referans Kwoze

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

LUKA 12:12

Nangmi a i chaa ah nami ng’thu vai cu, acun yah ung Mumcha Theing naw ning m’thein law gui khai” cine pyen na gui ci.

ISAIAH 51:16

Kei naw khan khaw gui cu ka k’phiäih ci, khomdek ah ng’nei phi ka pyan ci; Jerusalem cu ka pyen nak ci, “Nang cu ka ning chang nei!” kei naw ka m’thei thang gui cu ka ning pek ci, ka kut awn ka ning shungvong ci.”

ISAIAH 50:4

Uktu Bawipa naw a i pyen vai cu nam’thei ci, Cun ah kyasei cümbawng ci cu kei naw k’tha ka pe hning ci. Ani naw ana m’theithang cu ngaih ng’yak vai ah, akhongawi tä sei na ng’dawt ng’cham sak ci.

MATTHE 10:19

Cun gui ah kut ung ami ning ap gui ung, a i pyein ne ng’thu vai, a i ah ng’thu vai cu kä nami ng’ä vai;

EZEKIEL 3:10

Khanpughi naw k’täi ne, “Hnicim Chang, kei naw ka ning m’thein gui phung cu geing na ne ngai ne na shüm ba vai nei.

ISAIAH 49:2

Ani naw ka ng’thu cu khim ah mäih ah ghat sak ci. Amät ah kut awn kei cu na shungvong ci. Ani naw mang ge vai ah ghat ciah m’la ah mäih ah na pyang ci.

MAKUH 7:33

Bawipa Jesuh naw chang gui ah ng’lung ah kaacun ah chang cu chang ah kä om nak ah khü netah, ak hnga khui ah a kut m’dawng awn hei tawk ci. Am shi awn m’thawh ne am lei phi tawk pek ci.

KHEI NAK 23:5

Bawipa naw Balaam naw a pyen vai ah ng’thu m’thein neta, cun ah ng’thu cu Balak am am thein vai ah tüi ba ci.

THULÄÄN NAK 18:18

Kei naw nang ah mäih ah prophet cu ami mät ah chang ungka ka tüi khai. Kei naw a i a pyen vai cu ka m’thein khai. Kei naw ka thumkhän päng cu ani naw chang gui am thein gui khai.

JEREMIAH 36:2

Ca k’chaw cu la neta Israel la Judah ni, pakhui avan ah mawng kei naw ka ning m’thein gui cu na guk vai. Josiah ghangpughang ah a kyak law yah ung ak htük ah kei naw ka ning thu püi ah a khin ung tün ne tuk bäi ung khüt ciah kei naw ka ning m’thein gui nü nü cu na guk vai.

DANIEL 10:10

Cun kawn ah kut naw kei cu na k’pang neta, ka kut la ka khaw ung na m’tho ci, kei cu ka ng’hlet lä ci.

DANIEL 10:16

Cun kawn ah chang ah mäih lawk ciah khanchang naw akut shäng ne ka m’nei na tawk ci. Kei naw ani ka pyen nak ci, “Bawi aw, shin ah muimang naw tha na ken sak sei, kei kä ng’düm ne ka ng’hlet cinei.

THULÄÄN NAK 18:16

“Sinai M’htung ung nami bum hnüüp ung, Bawipa ah ng’thu kä ng’yak ba vai, mei ah däi ciah amü i kä hmuh ba vai ah ani nami ng’paa nak ci. A i ah kyasei ci ung nangmi nami sih vai nami kyih ci.

THULÄÄN NAK 18:17

Cun ah kyasei Bawipa naw ana pyen nak cu, “Ngami naw cüivai ciah yoih thäh nak bik ci gui.

ISAIAH 59:21

Nangmi awn thum khän ka bik khai: kei naw ka huham la ka m’theithang gui cu khonglän ung nami ka vai ah ka ning pe gui ci, tuhbäi ung tün ne lawk ciah a khin avan ung, nangmi naw kei cu nami na läk vai, kei na ngai khai gui ah nami htanau gui la nami hta ng’shon gui nami m’thei thang gui vai.”

JEREMIAH 15:19

Cun ci ngäta Bawipa naw, “Nang na law ba ah a kyak ung kei naw ka ning la ba khai, nang cu kei ah changshäm ah na kya ba khai. A kholä ah ng’thu nak vaisü ung bä ciah thu na ng’shäu vaisü ung nang cu kei ah prophet ah na kya ba khai süte. Chang gui cu nang ah law ba khai gui, ngami ah nang na hteh vai kä hlü ci.

JEREMIAH 34:6

Kei naw shin ah ng’thu cu Jerusalem ah Ghangpughang zedelciah am ka pek ci,