JEREMIAH 1:8 - Cho Bible Common Language 2016

⁸ Nang naw kä na kyih en gui vai, kei naw nang ning om püi ne ka ning shung vong khai, kei Bawipa naw ka pyen ci.”

JEREMIAH 1:8 Referans Kwoze

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

THULÄÄN NAK 31:6

Nami m’hnüt bäi vai, nami ngaih gep vai, kä namikyih en gui vai. Nami Khanpughi Bawipa amät cu nangmi awn a täng ah om khai. Ani naw kä ning shum sak gui khai. Kä ning nawng gui khai.”

LAMKTU 4:13

Peter la Johan cu hmuh hmat nak kä däm ciah chang ah kya lang ni neh ani ng’thu htaü hning cu kawngsi ng’vai gui naw hmuh u ne tah ang htei ah cäicat ci gui. Ngani cu Bawipa Jesuh ah ng’düihpüi gawi ah phi hmat gawi ci gui.

THULÄÄN NAK 31:8

Bawipa amät naw ning chuiso khai. Ning om püi khai. Ani naw kä ning shum sak khai.”

PHYAWN NAK 3:12

Khanpughi naw, “Kei cu nang awn a täng ah ka om khai, nang naw ka chang gui Egypt khaw ah kaa na law püi ba gui ung, shin ah m’htung ung na na khawihnah khai. Cun cu kei naw ka ning tüih ah mawng ang dang nak ah kyak khai.”

LAMKTU 18:10

A u naw phi nang kä ning k’shedam nak khai, shin ah gawnu ung om ciah chang akda cu, kei na yum ciah chang gui nei” cine pyein ci.

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

LAMKTU 26:17

Kei naw nang cu Israel chang gui ah kut ung phi bäi, kei naw ning tüi ngäh sei na hteh nak ah changpakhui hei gui ah kut ung phi bäi, ka ning hun khai.

LAMKTU 4:29

Aw Bawipa ngah mi ah pawng püi nak cu yuk chah pe gui ä. Na na chang shäm gui am, nang thu kami pyein nak hning vai tha gui na yuk pe gui ä.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

MATTHE 10:26

‘Cun ah kyasei chang kä nami kyih vai, küp gui phung avan ng’hmawng yawp khai, m’yih gui phung avan ng’hmat yawp khai.

JEREMIAH 20:11

Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

JEREMIAH 1:17

Jeremiah, pawng ge ne omä; kei naw na pyen vai ah ka ning thumkhän avan cu hteit ne m’theun gui ä. Tuhbäi ngami kä kyih en gui ä, na kyih gui ah a kyak ung, ngami awn na om sang ang na kyi law pi khai ah kä ning pyang khai.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

EPHESIAN 6:20

Kei cu thawng ka cun pang ung phi, shin ah Thu Ni ah hmawk ah ng’shä ah ka kyak ci nei. Shin ah Thu Ni ka pyein khai ah kang düi ci kyasei, khüighaat ne ka ng’shäu vai ah nami na taigü peik vai nei.

JEREMIAH 30:11

Kei cu nangmi ah law ne ka ning hun gui khai. Kei naw ka ning püi piang sak nak gui ah pakhui gui avan kei naw ka m’di khai, cun ung phi nangmi kä ka ning m’di gui khai. Nangmi cu kä m’kyuk ah kä ka ning m’di gui khai. Cun ung phi nangmi ka ning m’kyuk gui ung Kei cu ka citheing khai. Kei, Bawipa naw a pyen nei.”

JEREMIAH 39:11

Cun ung phi Ghangpughang Nebukhadnezzar naw gabawi Nebuzaradan cu thumkhän ne, Shin ah ng’thukbäi apeik gui vai ah pyen ci.

JEREMIAH 42:11

Babilonia ghangpughang cu kä kyih ba vä, kei naw ka ning om püi gui ci nei, ani ah huham ung kei naw ka ning gung gui khai nei.

DANIEL 3:17

Keimi naw kami khawihnah ah Khanpughi naw, mei caang ung la nang ah huhma ung, ana hun gui hning ung na hun gui khai nei.

DANIEL 3:25

“Cun ung a i ah kyasei mei ung chang phli hteit shüi shüi u sei ka hmuh ang?” ci neta ng’shi ba gui mä ne, “Ngami cu gui awn khih gui ah kä kyak ci, ngami cu mei naw a uih ah mäih ah kä kyak ci gui — ak phli nak tumat cu khanchang ah mäih lawk ci.”