JEREMIAH 1:6 - Cho Bible Common Language 2016

⁶ Kei naw ka m’shang ci, “Uk ciah Bawipa kei ka hmaw aih ci, a i hawkcha cha ka ng’htau vai kä ka hmat ci.”

JEREMIAH 1:6 Referans Kwoze

PHYAWN NAK 6:12

Moses naw, “Israel chang gui hngaw naw ka ng’thu kä ami ngaih ung, a i cha ah ghangpughang naw ana ngaih vai ang? Kei cu kä ka ng’thu thei ci nei” ci tu ba ci.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

PHYAWN NAK 6:30

Cun ung phi Moses naw, “Kei cu kä ka ng’thu thei ciah nang naw na hmat ci nei; a i hawkcha ah ghangpughang naw kei cu na ngai khai ang?” cik ci.

JEREMIAH 14:13

Cun kawn ah kei naw, “Uk ciah Bawipa, nang naw na hmat ah mäih ah prophet gui naw chang gui ami m’thein gui cu, ei cawi nak la ng’tuk nak kä om khai, a i ah kyasei ci ung nang naw shai na tak pyi ah kyak ci, mi khaw dimdeeih nak bäng om khai, cik ci gui.”

PHYAWN NAK 4:1

Cun kawn ah Moses naw Bawipa am shan ba cu, “Israel chang gui naw kä ami na yum ah a kyak ung, ka ng’thu kä ami ngaih ah a kyak ung, ngami naw nang a i ah kä na dang khai ah ami pyen ah a kyak ung, a i ah ka kyak khai ang?

JEREMIAH 4:10

Cun kawn ah kei naw ka pyen cu, “Uk ciah Bawipa, nang naw Jerusalem chang gui cu akbe ah na m’hleei gui ci nei! Nang naw dimdeeih nak om khai ah na pyen ci, cun ung phi ngami ah gawn ung khim ng’kyäng ci nei.”

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

EZEKIEL 4:14

Cun ung phi kei naw m’shang ne “ka nei, uktu Bawipa aw! Kei naw ka mät ai yah ung phi kä ka le lawi sak man ci ne! Kei ka hmaw yah ge ung amät sik ciah khisa la sah nget naw a lawh ah sa cu kä ka ei man ci nei. Kä theing ciah ngaih phung cu kä ka ei man ci nei” ka cik ci.

ZEKHARIAH 2:4

Law htük ci naw tumat am, “Dawng ne hteit ne nüt nak gui kawt ciah chang nong am na m’thein vai cu, Jerusalem ung chang akda, ui vawk ai akda om lawk khai kyasei, akdäm ah ng’vong k’pang vai kyak khai nei.

JEREMIAH 34:6

Kei naw shin ah ng’thu cu Jerusalem ah Ghangpughang zedelciah am ka pek ci,