JEREMIAH 1:2 - Cho Bible Common Language 2016

² Amon ah hta Josiah, Judah ghangpughang ah a kyak nak, akum gha lei thum nak ung Bawipa naw Jeremiah am ng’thu pyen ci.

JEREMIAH 1:2 Referans Kwoze

MIKHAH 1:1

Judah khaw ung Jotham, Ahaz la Hezekiah ni cu ghangpughang ah ami kyak yah ung, Moresheth gawnu ungka Mikhah am Bawipa naw ng’thu pek ci. Samaria La Jerusalem ah amawng gui avan cu Khanpughi naw Mikhah ung thu am than ah kyak ci.

JONAH 1:1

Hnüüp ät ung Bawipa naw Amittai ah hta Jonah cu pyen nak ci.

HOSEA 1:1

Shin cu Beeri ah hta Hosea am Bawipa naw a pek ah ng’thu ah kyak ci. Cun sangung Judah ung Uzziah, Jotham, Ahaz la Hezekiah gui cu ghangpughang ah kyak ci gui. Israel ung Jehoash ah hta Jeroboam cu ghangpughang ah kyak ci.

JEREMIAH 1:11

Bawipa naw na ng’shik ci, “Jeremiah, a i ang na hmuh?” Kei naw m’shang ne, “Amon sing ban ka hmuk ci nei” ka cik ci.

JEREMIAH 1:4

Bawipa naw kei na pyen nak ci,

1 GHANGPUGHANG GUI 13:20

Ngami cu ei vai ne ami ngoh law sangung Bawipa ah ng’thu cu prophet ghipa ung lawk ci,

JEREMIAH 36:2

Ca k’chaw cu la neta Israel la Judah ni, pakhui avan ah mawng kei naw ka ning m’thein gui cu na guk vai. Josiah ghangpughang ah a kyak law yah ung ak htük ah kei naw ka ning thu püi ah a khin ung tün ne tuk bäi ung khüt ciah kei naw ka ning m’thein gui nü nü cu na guk vai.

JEREMIAH 25:3

“Amon ah hta Josiah Judah ghangpughang ah a kyak nak akum gha lei thum ungka naw kum m’ku lei thum ung, atuh ngawi ung khüt sei, Bawipa naw na ng’thu püi ci, ani naw a pyen phung cu kä hnam ne ka ning m’thein gui ci, cun ung phi nangmi naw a i ah kä nami ngai ci.

2 GHANGPUGHANG GUI 21:24

Cun ah kyasei Judah chang gui naw Amon ah thawi gui cu ngawn u neta, a hta Josiah cu ghangpughang ah tha ba ci gui.

1 GHANGPUGHANG GUI 13:2

Bawipa ah thumkhän ah mäih ah Prophet naw sonkiang ng’shäu ci, “O sonkiang, sonkiang, shin cu Bawipa ah ng’thu pyen nei: Josiah ang ming ami sui vai ah ak hmaw cu David ah kyong khui ung ng’tüi lawk khai nei. Khogam ah sonkiang khan ung ng’bik ci gui ah taigü gui cu nang ah khan ah ani naw ngawn gui khai, ani naw chang ah guh gui cu nang ah khan ah m’khih khai.”

2 GHANGPUGHANG GUI 21:18

Manasseh cu si sei mang im dum ung k’phuh ci gui, cun cu Uzza ah dum ah kyak ci, cun kawn ah a hta Amon cu ghangpughang ah kya ba ci.

2 GHANGPUGHANG GUI 22:3

A uknak akum gha lei cheit nak ung, Ghangpughang Josiah naw yungbawi Shaphan, Azaliah ah hta, Meshullam ah tu cu, shin ah ng’thu k’bäi ne, Taigüim ah tüi ci:

JEREMIAH 3:6

Josiah ghangpughang ah a kyak sangung Bawipa naw kei cu na pyen nak ci, “kä bekhüt ciah hnumi Israel ah bi cu nang naw na hmuk ci ang? Ani naw kei cu na ng’hlah ta ne, khimhtung hlüngpäng la sung ghing ka päng ung ani cu pawm za ciah mäih ah hnüntho ci nei.

JEREMIAH 28:12

Api Shou hta khäta Bawipa naw na pyen nak ci,

JOEL 1:1

Shin cu Pethuel ah hta Joel ung gawk lawk ciah Bawipa ah thumkhäh ah kyak ci.

ZEPHANIAH 1:1

Shin ah ng’thu cu Khanpughi naw Zephaniah am a pek ah kyak ci. Cun yah ung Amon ah hta Josiah cu Judah ghangpughang ah kyak ci. Zephaniah cu Amariah, Kedaliah, la Kushi gui ungka ghangpughang Hezekiah ah ng’shon ah kyak ci.