JEREMIAH 1:17 - Cho Bible Common Language 2016

¹⁷ Jeremiah, pawng ge ne omä; kei naw na pyen vai ah ka ning thumkhän avan cu hteit ne m’theun gui ä. Tuhbäi ngami kä kyih en gui ä, na kyih gui ah a kyak ung, ngami awn na om sang ang na kyi law pi khai ah kä ning pyang khai.

JEREMIAH 1:17 Referans Kwoze

1 GHANGPUGHANG GUI 18:46

Bawipa ah huham cu Elijah ah khan ah gawk law sei; a suisak awn a khei htün ne khit neta, Jezreela ah hteh nak lam avan ung Ahab ah ma ung dawng ne ana hteit ci.

1 PETER 1:13

Cun ah kyasei nangmi cu ng’düihthawh ge vai ah om vä. Bawi Jesuh a kyum law ba hnüüp anam shum phyuk gui vai cu kümbe sei ngaih u ne lunglaang ne om vä.

LUKA 12:35

Nangmi cu ng’düih law ghet vai ah sui-sa u ne, mei m’däi ge ne om vä.

JEREMIAH 23:28

Amang shek ciah prophet tumat naw mang cu mang nei cik khai, cun ung phi kei ah ng’thu ng’yak ciah prophet läi naw cun ah thu cu bekhüt ne ng’shäu khai nei. Htang awn m’tumtäng ung htang gong cu a i a ni nak om khai aw?

PHYAWN NAK 7:2

Kei naw ka ning m’cäi phung cu Aaron am na m’thein vai, cun ung ani naw, Israel chang gui a khaw ungka kami hteh vai ah ghangpughang am m’thein khai.

JOB 38:3

Chang aw, tuhbäi ng’düi law ä, Kei naw ka ning shi cu na m’shang law ä.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

LAMKTU 20:20

Chang khli ah ng’lung ah phi bäi, nami im gui ah phi kyai, ka pyeinsak m’theithang ung, nangmi ah hmawk ah nik khai phung cu kä ka k’pawih na man ci.

PHYAWN NAK 3:12

Khanpughi naw, “Kei cu nang awn a täng ah ka om khai, nang naw ka chang gui Egypt khaw ah kaa na law püi ba gui ung, shin ah m’htung ung na na khawihnah khai. Cun cu kei naw ka ning tüih ah mawng ang dang nak ah kyak khai.”

1 KORIN 9:16

Thu Ni ka pyein nak awn kei ung khähghah nak vai kä om ci, Khanpughi ah thukhän nawn kei naw ka bi ah kyak ci. Kei naw Thu Ni cu kä pyein ah ka om ung a i hlawk ah thüisei vai kyak khai ang!

JONAH 3:2

Ani naw, “Nineveh mang gaw ah na hteh vai, ka ning pek ah thuni cu chang gui ah ng’lung ah na shäu vai “ci ne kyak nak ci.

JEREMIAH 17:18

Kei na dukdeiu nak ci gui ah khan ah thüisei nak law püi ä. Cun ung phi Bawipa, kei cu nak pawih na ä. Ngami cu kyihkyawk nak awn be sak gui ä, cun ung phi kei cu kä na kyihkyawk sak en ä. Ngami ah khan ah leigai law püi ne, akhui k’pii ah kyak sak gui ä.

2 GHANGPUGHANG GUI 4:29

Elisha cu Kehazi lam ah ng’hlat ba neta, “Ang ghit ah ka ng’shopawng la ne hteit ä. Lam ah a u phi kä na yavaih vai, ning yavaih ci a om ung phi, aksho kä na ng’hta en vai. Cun ah im ah ang düng ah hteit ne ka ng’shopawng cu a hmaw ah khan ah na taih vai nei” cik ci.

1 THESSALONIAN 2:2

Nangmi ah om nak Thessalonika ah kä kami law pha ung, Philippi ah a i hawkcha ah shedam dukdeiu nak kami gah cu nami hmat ci nei. Cun hlawk ah hnu ng’tuk püi nak a om tu pang ung phi, Khanpughi naw amät ungka lawk ciah Thu Ni cu, ning m’thein gui vai ah thamah nak na pe gui ci nei.

2 GHANGPUGHANG GUI 9:1

Cun yah ung prophet Elisha naw chang nong prophet cu khü neta a pyen nak cu, “Pawng ne, Kilead kho Ramoth ah hteit ä. Shin ah oliv-situi k’am hteh püi ä,

2 GHANGPUGHANG GUI 1:15

Bawipa ah khanchang naw Elijah cu pyen nak ci, “Ani awn a täng ah hteit tu ä, kä na kyih vai nei.” Cun ah kyasei Elijah cu Bawi awn a täng ah hteit tu neta, ghangpughang

JEREMIAH 1:18

“Ngai ä, Jeremiah! Shin ah khaw chang nü, bawi gui, taigü gui la chang gui-naw ning hnungtuk khai gui nei. Cunung phi cun gui na m’khät nak vai ah k’thagui cu tuhngawi kei naw ka ning pek ci; nang cu khäng sei k’paang ah mäh ah na kyak khai. Ngami naw nang kä ning hmim hlawt khai gui, kei naw nang ning ompüi ne, ka ning shungvong khai. Kei, Bawipa naw ka pyen ci.

JEREMIAH 26:2

Bawipa naw na pyen nak ci, “Taigü Im k’caw ung, ng’tüi neta, khawihnah khai gui ah Judah gaw nu gui ungka lawk ciah chang gui ah ma ah chang gui am na m’thein vai ah kei naw ka ning thumkhän avan cu na ng’shäu vai nei. Api phi kä na k’pawih nak vai nei.

JEREMIAH 26:12

Cun kawn ah kei naw ka pyen ci, “Nangmi naw nami ng’yak ah shin ah Taigüim la shin ah mang gaw hnungtuk ne ang nü nü ka ng’shäu khai ah kei cu Bawipa naw ana tüih law nei.

JEREMIAH 36:8

Baruk naw Bawipa ah ng’thu cu Taigüim kyong ah, kei naw ka m’thein ah mäih bä ah phat ci.

NG’ÄI KYAH 3:57

Nang naw na m’shang ne kä kyih en vai ah na na m’thein ci.