JEREMIAH 1:16 - Cho Bible Common Language 2016

¹⁶ Kei naw ka chang gui cu ka m’kyuk gui khai, a i ah kyasei ci ung ngami cu hma kak ci gui: ngami naw kei na nawng ci gui, ahei Khanpughi am khawihnah douthak ci gui, agup gui pyang ne khawihnah ci gui.

JEREMIAH 1:16 Referans Kwoze

JEREMIAH 19:4

Kei naw shin ah ka bi lawk khai a i ah kyasei ci ung chang gui naw kei na nawng u ne ahei khanpughi gui am khawihnah nak ami douthak nak awn shin ah hmun cu lelawi sak ci gui. Cun ah khanpughi gui cu ami mät ami pupa gui la Judah ghangpughang gui a u naw phi kä a hmat ah kyak ci. Ngami naw shin ah hmun cu changnigui ah si awn be sak ci gui,

JEREMIAH 7:9

Nami m’guk cu, chang nami nawn ci, hleei ne nami ng’gun hta ci, chang ah chu hta nami kat püi ci, Baala am nami khawihnah douthak ci, yän ä kä nami hmat ah khanpughi gui nami khawihnah ci.

LAMKTU 7:41

Cun kawn ah ami mät naw, seipat hta ah gup pyang u neh, acun am vawih peh taigü neh yeikyai ci gui.

ISAIAH 2:8

Ami khaw cu a gup gui awn be ci, ngami naw ami mät ah kut awn ami pyan cu khawihnah ci gui.

THULÄÄN NAK 28:20

“Nangmi cu akshe bi ne Bawipa nami hnungtuk püi ah a kyak ung, ani naw leigai la ang gogan nak gui cu nami khan ah law püi khai. Nami bi nak päng ung yaica nak om khai, nangmi ang ghit ah kä a ning m’di pha gui ah chuih acun ah kyak khai.

HOSEA 11:2

Cun ung phi kei naw ani khü law pi ngä sei, Ani naw kei nang hlah ta law pi k’täi ci. Ka chang gui naw baal am khawihnah nak pe u ne, agup gui am ang ui m’khih ne pek ci gui.

HOSEA 8:6

Israel gui m’si shep ci gui naw agup gui pyang ci gui. Cun ung phi cun cu khanpughi ah kä kyak ci. Samaria ung ami khawihnah ah ghui vantang cu akhui ak pi ah kyak khai nei.

JEREMIAH 44:17

Keimi naw kami bi vai ah kami pyen phung cu keimi naw kami bik kha nei. Keimi naw kami khawihnah nak cu khankho ghangpughangnu, kami khanpughinu am kami do thak khai keimi naw kami sapyit tui-douthak phiani am kami lawi khai, cun cu keimi la kami pupa gui, kami ghangpughang phiani am kami lawi khai, cun cu keimi la kami pupa gui, kami ghangpughang gui la kami bawi gui, naw Judah gawnu gui la Jerusalem lam gui ung ami bi man ah kyak ci. Cun ah kya ne ci vai da sei, bühmang ne, yaica nak kä om man ci.

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

JEREMIAH 4:12

Bawipa ah ng’thumkhän awn khi ciah khokhi cu acun ah ta gaigawng pi ci nei! A chang gui ah khan ah m’khan ah ng’thumcha nak ng’shäu cicu Bawipa amät ah kyak ci nei.

ISAIAH 37:19

ami khanpughi gui cu m’khih gui ci-cun ah kya sei, ngami ung khanpughi kä om ba ci, hnicim chang naw a kut awn a pyan ah sing la lung a gup gui bäng om ci.

2 GHANGPUGHANG GUI 22:17

Ngami naw kei na hnungtuk püi u ne, a hei khanpughi gui am khawihnah nak douthak ci gui, cun ah ami kyak gui avan naw kei cu na m’lungshe sak ci. Kei ah m’lungshe nak cu tho ne Jerusalem hnungtuk püi ci nei, cun cu kä dim hlawt khai nei.

JOSHUA 24:20

nangmi naw a khaw hei khanpughi gui khawihnah vai a, ani nami hteh tak ah a kyak ung, ani naw ng’hlat ne ning hnungtuk püi gui khai, ning m’kyuk gui khai. Ani cu yanä nangmi ung ani man pang ung phi, ani naw ning m’di gui khai.”

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

EZEKIEL 24:14

Kei, uktu Bawipa naw ka pyen ci. Kei ka hnun htawh nak vai ah akhin cu gawk lawk ci nei. Kei naw nami katnak cu kä ka nawng khai, m’hni nak kä ka ning m’dang gui khai, kä ka ning chimgein gui khai. Nangmi cu nami bi gui ah phäh ah m’kyuk nak nami gah khai.” Uktu Bawipa naw a pyen nei.

JEREMIAH 51:17

Ashin abi ah kiasei, chang gui cu gu ang ne, a i kä hmuhmat cigui; A gup pyang ci gui cu ami m’lung kä ni aih ci, a i ah kyasei ci ung ami pyan ah khanpughi gui cu akcang ah kä kya ne, kä ghing ciah akiak ah phäh kyak ci.

JEREMIAH 16:11

Bawipa ah thu pyen cu na m’thein gui vai, nami pupa gui naw kei na ng’hlah ta ne, a hei Khanpughi gui khawihnah ne a bii bik ci gui. Ngami naw na nawng u ne ka m’thein thang cu kä ngai ci gui.

JEREMIAH 15:6

Nangmi chang gui naw nami na hnungtuk püi ci; Nangmi naw nami na ng’hlah tak ci. Cun ah kyasei kei naw ka kut shäng ne ka ning güüt gui khai, a i ah kyasei ci ung kei cu ka m’lungshe ka k’üüp nak ka cüm lawk ci.

JEREMIAH 11:17

“Kei, m’gäi ciah Bawipa naw,” Israel la Judah cu ka geit kaw gui khai; cun ung phi tuhbäi ami khan ah lei gai ka gawk sak khai. Ngami naw shin cu ami mät naw ami mät ah khan ah ami gawk sak ah kyak ci, a i ah kyasei ci ung ngami douthak nak awn kei cu na m’lungshe sak ci gui.

JEREMIAH 11:12

Cun ung Judah la Jerusalem chang gui cu khawihnah ami douthak nak ah khanpughi gui ah hteit khai gui, ngami naw ami m’htei gui vai ah k’thäh khai gui. Cun ung phi shin ah dishum nak a gawk law ung cun ah khanpughi gui naw kä hun hning khai gui.

JEREMIAH 10:15

Ngami cu a kholä ah kyak ci gui, päiphi vai ah kyak ci gui; Bawipa naw ngami cu m’kyuk gui khai ah a law ung, ngami cu m’di gui khai.

JEREMIAH 5:29

“Cun ung phi kei Bawipa naw shin gui ah phäh ah ka m’kyuk gui khai; kei naw shin ah changpakhui ah khan ah phu ka tuk khai.

JEREMIAH 5:9

Ashin gui ah phäh ah kei naw kä m’kyuk gui ne ka om khai ma, ashin ah mäih ah pakhui ah khan ah phu kä tuk ah om vai ma?

JEREMIAH 4:28

Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.

JEREMIAH 2:17

Israel, nang naw shin cu na mät ah khan ah na law püi ci! Kei naw lam anglät ung lam ka ning m’shüm gui yah ung na Khanpughi Bawipa, kei cu na na nawng ci.

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

ISAIAH 65:3

Ngami naw kä lü ng’aa ne ka m’lungshe vai ah bik ci gui nei Ngami naw theing ciah dum ung hongzo khawihnah nak cu douthak ci gui, khongyo sonkiang ung tui ng’ui phi m’khih ci gui.

ISAIAH 44:15

Chang naw sing ghing ah am cawt cu singah mang ne, am cawt cu a gup ah pyang ci. Ani naw sing am cant cu mei ah awn vai la m’htut ang shai nak vai ah mei ah cik ne, am cawt cu khanpughi ah pyang ne khawihnah ci.

2 SHONTÄP NAK 34:25

Ngami naw kei cu na hnungtuk püi u ne khawihnah gui cu a hei khanpughi gui am douthak ci gui. Cun ah kya ne ami bi lawh gui avan awn kei cu na m’lungshe sak ci gui. Kei ah m’lungshe nak cu tho ne Jerusalem cu hnungtuk püi ci, cun cu kä dim khai nei.

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

2 SHONTÄP NAK 7:19

Cun ung phi nang la na chang gui naw ka ning pek gui ah thukhän gui la thumkhän gui cu angtäi sei kä läk u ne, a hei khanpughi gui ami khawihnah ah a kyak ung,

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?

THU PHLAAN 9:20

Cun ah lei ung kä si tu ne k’pawih ba ciah chang gui cu, ami katnak ung kä ng’yu ba ci gui. Khawshe gui la ghui ni, kyei ni, lung ni, sing ni awn ami mät naw ami pyan ah, kä hmu thei ci, kä ng’ya thei ci, kä hteit thei ciah a gup gui cu khawihnah lä ci gui.

JEREMIAH 2:28

“Nami mät ah phäh ah nami pyan ah khanpughi gui cu a hawi ang? Khüikha nak ung nami gawk sang ung a cun gui naw ning hun u sä — kä ning hun hning khai ma! Judah, nang ung nami mang gaw gui chü ah da ciah khanpughi gui om ci nei.

JEREMIAH 10:3

Shin ah chang gui ah yum nak cu akholä ah kyak ci. Bung hmu ah sing chuk ci gui; Cun cu sung aat ci naw m’shük awn aat ne pyang ci,

2 SHONTÄP NAK 28:2

cun bäng kä kya ne Israel ghangpughang gui ah bi cu läk ci. Ani naw Baala ah m’si a gup gui cu pyan sak gui ne,

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

JEREMIAH 7:17

Ngami naw Judah mang gaw gui la Jerusalem kam gui ang a i ami bi cu kä nami hmu ne ma?

JEREMIAH 7:18

A hmaw gui naw sung shui ci gui, pami gui naw mei cik ci gui, hnumi gui naw m’htut den k’caw cu ne, khankho Ghangpughang nu ami ciah Khanpughi nu ah phäh ah ng’shai ci gui. Ngami naw ahei khanpughi gui am sapyit tui shawi ne diuthak ci gui, cun cu kei ami na nat saknak ah kyak ci.

JEREMIAH 18:15

Cun ung phi ka chang gui naw kei cu na m’hnih ci gui nei; ngami naw tui ng’ui gui cu agup gui am m’khih pek ci gui. Ngami cu ami hteh nak vai ah lam ung ng’vawn ne ng’tääk ci gui ngami naw lam k’phyim kä läk ba ci gui; ngami cu kä m’hnüt ah lam ung hteit ci gui.

EZEKIEL 16:18

Nang naw kei naw ka ning peh ah Chei awn cuiche ah sui gui cu la ne, agup am m’sui ne, kei naw ka ning pek ah oliv-situi la tui ng’ui cu la ne agup am na douthak ci.