JEREMIAH 1:15 - Cho Bible Common Language 2016

¹⁵ a i ah kya seici ung a siiptäng ah ka changpakhui avan cu kei naw ka khü gui ci. Ami ghangpughang gui naw ami mang-kiang gui cu Jerusalem m’kawt gui la angveing paang gui, la a cun ah mäh ah ahei Judah mang gaw gui angveing gui ung cokyang ci gui.

JEREMIAH 1:15 Referans Kwoze

JEREMIAH 43:10

Na m’thein gui vai, Kei, M’gäi ciah Bawipa, Israel khanpughi ka changshäm Babilonia ghangpughang Nebukhadnezzar cu shin ah hmuh ung ka law pui khai, ani naw nang naw na k’phuh ah shin ah lung ah khan ah amang kiang tha ne, acun ah khan ah mang phung nu cu küm khai.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

JEREMIAH 4:16

Ngami law ne changpakhui gui cu ng’thu k’bäi khai gui, aksho nak khopäng ah ka ga gui ami law ah mawng Jerusalem am m’thein khai gui. Cun ah ga gui naw Judah mang gaw gui hawh shaak ne hnungtuk khai gui.

JEREMIAH 39:3

(Jerusalem cu ami khäm kawn ah Babilonia ghangpughang ah bawi ng’var gui ami khäm kawn ah Babilonia ghangpughang cun cu Nerkala Sarezer, Samkar Nebo, Sarsechim la ahei Nerkala mah mah ah kyak ci.)

JEREMIAH 10:25

Nang kä ning khawihnah ci gui ah pakhui gui la nang ning hnu nak ciah chang gui ah khan ah na m’lungshe nak cu ng’hlah sak ä. Ngami naw na chang gui ngawn ci gui; Ngami naw keimi cu akbe ah na m’di gui ci gui, Kami ah khaw cu m’di shüt ci gui nei.

ISAIAH 22:7

Judah khaw ah ang’ lei k’ni gui cu yatha gui awn be ci nei; Ng’se cun ciah gakap gui cu Jerusalem mang gaw m’kawt ah ama ung ng’düi ci gui nei.

NG’ÄI KYAH 5:11

Kami chu gui cu Zion m’htung a mät ung ami k’pyei gui nei. Judean pigaw päng ung kami hta hnumi gui cu, ami ng’kia vai ah ami k’tut gui nei.

JEREMIAH 44:6

Cun ah kyasei kei naw ka m’lungshe nak la ka nget ngawng nak cu Judah gaw nu gui la Jerusalemlam gui ah khan ah yuk shawi ne, meiawn ka m’khih khai. Cun gui cu dishum u ne, tuh ngawi hmuh ah mäih ah teng dam vai ah kyak ci gui.

JEREMIAH 34:22

Kei naw thukbäi ka pek gui ung ngami cu mang gaw ah law ba khai gui ngami naw tu u ne, khäm u ne, mei aw m’khih khai gui. Kei naw Judah gawnu gui cu a u ah kä um nak ah bung pya ah mäüh ah ka pyang kha kei, Bawipa naw ka pyen ci.”

JEREMIAH 33:10

Bawipa naw pyen ci,” Shin ah hmun cu bung puk ah mäih ah kyak ci, chang la khisa a i phi kä om ci. Ngami hman ci gui; Judah khaw ung gawnu gui la Jerusalem ung lam gui cu a ghawng ah kyak ci; cun ung chang la khisa a i phi kä om ci. Cun ung phi shin ah hman ghi ung

JEREMIAH 25:28

Ngami naw nami kut ungka khap cu la ne awk vai ah ami maa ah a kyak ung, nami m’thein gui vai, ngami naw acun ungka ami awk bä bä vai ah m’gäi ciah Bawipa naw pyen ci nei.

JEREMIAH 10:22

Ngai vä! Ng’thu gawk lawk ci nei! A siip täng pakhui ung dämduh ciah ng’küknet nak ah kyak ci nei; Ani ah gakap gui naw Judah mang gaw gui cu sa-ui gui ah om nak ah hmun khaw ng’gau ah kyak sak khai gui nei.”

JEREMIAH 6:22

Bawipa naw pyen ci, “Asiip täng khopäng ung ka chang gui lawk ci gui; asho nak ah om ciah m’gäi ciah pakhui naw ng’tuk vai ah pawng ci nei.

JEREMIAH 5:15

Israel chang gui, Bawipa naw a shou nak ah kaa changpakhui tumat cu ning tu gui khai ah law pui ci nei. Cun cu khüighat ciah pakhui phyimah kyak ci, nangmi naw ng’thu kä nami hmat ah pakhui tumat ah kya ci.

JEREMIAH 4:6

Zion täng ah mang vä! Phyawn vai ah dawng vä! Kä shokshü en vä! Bawipa naw leigai law püi ci nei, a siiptäng ah ka m’dishum nak akdäm gawk lawk ci nei.

JEREMIAH 13:20

Jerusalem, teng ä! Na ga gui cu a siiptäng ah ka lawk ci gui nei! Na teng khen vai ah ning ap ah chang gui, nang naw na khäh ghah nak ah chang gui cu a hawi ang?

JEREMIAH 34:1

Bawipa naw kei na ng’thu püi ci, cun cu Babilonia ghangpughang la agakap gui, changpakhui avan la pakhui gui ah gakap gui naw ng’düih püi u sei Jerusalem la a pei yung ah gawnu gui ami tuk law sanung ah kyak ci.

JEREMIAH 46:24

Egypt chang gui cu lung aa sak gui ci; ngami cu a siiptäng ah chang gui naw näng gui ci gui. Kei, Bawipa naw ka pyen ci.”

EZEKIEL 32:30

“Asiip täng ah manghta gui ami van cu, acu ah om ci gui, Sidonian gui phi co om ci gui. Yanä ngami ah huham cu kyih vai ah kya man ci, cun ung phi tuhbäi ngami cu ng’tuk nak ung sik ci gui awn thui ng’aa ne si u ne zu kyum ci gui. Ngami cu vun-ah nak kä bik ci gui. Ngami naw sih nak ah khaw ah hteit ci gui ah thui ng’aa nak cu ng’pai tuk ci gui.

JOEL 2:20

Kei naw asiip lam ah ka lawk ciah khanpeh gui cu ka gawt khai am shah cu khong gau khaw ah ka k’täm gui khai. Ma ciah a khawng gui cu tuisi tuinu ung ka täm gui khai, am shah akhawng gui cu Mediteranean tuinu ung lut khai gui. Sik ciah pumsa gui cu hniim khai gui. Nangmi ah khan ah ami bi avan ah phäh ah kei naw ka m’di gui khai.

ZEKHARIAH 6:6

Ng’se ale naw a kaih ah yatha cu Babilonia a siiptäng ah hteit ci, abawk naw a kaih cu ak kheitäng ah hteit ci, a pyawk gui ah kaih cu a htumtäng khaw ah hteit ci gui.